متى نغير البواجي؟؟

ماتلاحض ان اكثر مواضيعك متى تغير كانك اول مره تغير شي بسياره 

وش فيكم على الرجال خليه يسأل

هههههههههههههههههههه الله يهديكم ترى عادي اسئل 
مستشارنا العزيز انا عارف انك تتعامل مع الجن وعارف انك رح تفيدني عشان كذا اختصرت ههههههههههه
موديل سيارتي 2008 ومعلوماتك زي اللوز ما يحتاج
بالنسبة للاخ سكودر اذا عندك خبره كبيره ماشاء الله ف اسئلتنا عشان نستفيد منكم وعشان نقطع الشك باليقين

سياارتي فيها تفتفه بسيطه ما تنذكر وماشي عليها 191 الف من الوكاله ف حبيت اسئل؟؟

أخي علامة عطل البواجي أو أسلاك البواجي هو خروج بنزين غير محترق مع العادم (الاكزوز- الشكمان)
لازم تفحص الهواء الخارج بالكمبيوتر حتى يتم تحديد ذلك
و أتمنى عليك تحط نوع السيارة حتى يكون أسهل و أوضح للجميع

تيدا2008
قير عادي

نفس السؤال يدور براسي من بداية اﻹجازة ...
موتري الالتيما ما غيرت فيها شي من شريتها محرم 1433
و الحين ماشية 208 اﻵف و أنا راعي خطوط
مرة غير زيت القير و مرتين القماشات اﻷمامية و مرة الخلفية
و محافظ على تغيير زيت المكينة كل 5 اﻵف كيلو  " زيت فوكس "
ودي اسوي لها صيانة عامة بس ما أدري من وين أبدأ
ملاحظة : البواجي سعرها عند الحمراني الواحد ب150 * 4 = 600 ريال
و لا فيها تفتة للحين حتى السير ما غيرته
الله يتوب علي و الله إني مقصر بحق مركوبي اﻷليف

ابو نجوى، البواجي سعر الواحد ب150 ريال؟

الوكيل هذا مبالغ كثيير بالسعر.. البي ام دبليو ما اظن البواجي يوصل سعرها كذا 600 ريال

التغيير يختلف من سيارة الى سيارة

الكاتلوج هو اللي يحدد كل كم تغير البواجي

البواجي انواع
ممكن سيارتك تغيير البواجي كل 80 او 30 او 100 الف كيلومتر

والسيارة اللي فيها البواجي تحتاج تغيير تلاحظ صعوبه بالتشغيل وصرفيه بنزين وتفتفه وتقطيع عند بعض السرعات والمكينة عزمها ضعيف

وقرأت ان البواجي اذا خليتها كثييير يعني حللت عمرها للاخيرلو فكيتهم ممكن ينكسر البوجي وبعدين لازم فك المكينة...

حسين  ماشيه 191 لزم تسوي لها صيانه كامله بواجي فلتر بنزين فلتر هواء  وتروح بتفته عمر بواجي 100 الف 

الحمراني المغبر رفع سعر كل قطع الغيار
يقول بواجي الالتيما الكترونيه مدري وش سالفته !!!!!!!!
حتى زيت القير صار ب400 اول ب250
لقيته بمحل ببريدة ب280 و ناوي اخذ اثنين منه
العيسى فتح ببريدة فقط مبيعات بانتظار يورد قطع غيار
اما بحائل توه يبنون وكالة العيسى و الله يعين

الغالب والمنتشر بين الناس كل سنه أو 60 ألف كم بس هذا كله كلام فاضي 
عندك الكتيب حق الوكاله مكتوب فيه متى تغير ومتى ماتغير
هذا الكلام الصحيح

اريديوم وين القاها واسعارها على كم؟