اصحاب الهونداي ..اقلطو ..

ياخي م عليك من كﻻم الناس

كل واحد يفتي من راسه

تبي تتأكد مر على محﻻت قطع الغيار حقت هونداي واسالهم

وفيه محل اسمه منيف النهدي حق هونداي يجيب لك اي قطعة تبيها روح هناك واسأل اذا عندهم قطع الاكسنت وﻻ ﻻ

الي قالك ماعنده سالفه قطعها متوفره وبكل محل ورخيصه وسعرها بمتناول اليد ...

قطع السيارات الصغيرة من هونداي متوفرة 

منيف النهدي هذا عنده قطع غيار هونداي اصلية شاري من عنده كبوت وصدام وشمعه لسوناتا ١٤ وقطعها أرخص من الوكالة بفرق واجد وطبعا هي قطع وكالة .

منيف النهدي ،،الوعلان ،،الناغي ،،المجدوعي<<<< قطع أصليه

طبعاً أي مدينه قد زرتها أحصل موزعين غير الوكالات اللي فوق لهونداي تجاري وأصلي

فلذالك بأي حق يقولك قطعها ماهي متوفره

خاصه الاكسنت تحصل قطعها حتى في البقاله اللي حول بيتكم


ههههههه عاد هذي امزح

توافيق ياصاحبي

عاد مالقيت الا الاكسنت ماتحصل قطعها .... الاكسنت لو تدخل سوبر ماركت كبيرة لقيت قطعها ماليه الشوارع ملي شركات ومحلات تأجير واجانب يطلعونها حتى السعوديين اللي على قد حالهم يشترونها وقطعها متوفرة في كل مكان اي محل قطع غيار هونداي بتلقى عنده قطع اكسنت ورخيصة بعد


ولا تاخذ بكلام الناس ترى بعضهم يجيب حكي من راسه

بعض الناس ينصحك شر كأنه يقول والله ماتشتري السياره يروح يقول قطع غيار مو متوفره ومن هالحركات مسوي ينصح ولا شريت السياره حسدك عليها وين طيب اللي يقول ابعد عنها ومسوي مهتم 

الرياض فيها محلات قطع غيار تجاري جودتها مقاربه للاصلي 

القطع التجاريه درجه اولى صناعتها كوري يعني زي الاصلي ورخيصه

تدري ان قطع هونداي ارخص من تايوتا ويمكن تدخل بقاله وتشوفها تبيع قطع هونداي 

يمكن علي حسب المنطقه الي انت فيها ولا هيونداي قطعها منتشره

الهونداي قطعه مو متوفرة ...!!!
يا رجل انا معاي اكسنت مره بالهنداوية في جده الظهر ومعي عيالي ..انفجر سلندر زيت الهيدروليك حق الكلتش
السيارة ما تعشق ... صرت اطفيها وانقزها بالنمره الاولى لين وصلت لورشه خايسه جنب بوفيه وسط حارة مشبوهه
الميكانيكي قال لازم يتغير ... ارسلته وقلت جيب القطعه وجيب فاتوره
نقز ذيبان بالدباب حقه ... ثلث ساعه وهو عندي بالقطعه 
١٢٠ ريال للسلندر و ٧٠ ريال شغل يد مع الاكراميه ... ونص ساعه وانا ماسك خط المدينة .