بخصوص العموله

ايه بس برضوه لاتنسى تحت القسم فيه السؤال اللي يجيك هل تبرأ ذمة المعلن في حال ذكر ان العمولة على المشتري الجواب اكيد لا


بمعنى انه ممكن المشتري يتحملها مثل سعي المعرض بعضهم موقف موتره في المعرض ولين انباع يقول لي مثلن 20 صافي بمعنى ماينقص منها ولا ريال عمولة سعي نقل ملكية قصده عليك يا المشتري هاذي على حسب الاتفاقية المسبقة

اكبر خطأ يقع فيه بعض المعلنين كلمة "العموله على المشتري"


اذا انك ماتبي تدفع قيمة العموله زد مبلغ السلعه

مثال : عندك كورولا عارضها ب 40000 ريال للبيع بدال ماتتفلسف وتقول العموله عالمشتري اضف للحد اللي انت طالبه قيمة العموله لتصبح 40400 ريال

اتمنى وضحت الفكره

افهم مقصدي زين اللي اقصده ان بعضهم يبي في الموتر 20 الف مثلن صافية له مايبي يدفع عمولة الموقع لأنه محتاج المبلغ هاذا او كذا فمثلن يقول للمشتري ب 21 يجي المشتري يقول اخصم خله ب 20 ويقول له بس العمولة عليك مهب معناها ان برية ذمة المعلن لا انا ادري بس انهم اتفقوا انه يعطيه 20 الف والعمولة عليه ويحولها مثلن للموقع وبكذا انبرت ذمته قبل لا يشتري ولا يكتب الموتر .... هاذا المقصد

واحد شفته في اعلان سيارته كاتب العموله على المشتري رد عليه واحد قاله العموله عليك انت اقسمت ويرجع يعيدها العموله على المشتري وينفخ ناس اعوذ بالله تقسم وتحنث في نفس الوقت 

فيه بعضهم ماهو فاضي يدور رقم حساب ويحول عموله  علشان كذا قالها يبي يبري ذمته يعني الله يعينك يا مشتري تشتري سياره وتمر اقرب صرافه 

^^^
صاحب الموقع عنده حسابات ثلاث ارباع البنوك قول ما ابي ادفع العموله وبس 

الموقع ما اظن له دخل مين اللي بيدفع , لكن الذمه بتكون على البائع .

يعني مثلاً اذا اتفقوا ان المشتري هو اللي يدفع العموله
هنا البائع لازم يبرئ ذمته , ياخذ العموله من المشتري , ويحولها لهم .

وبكذا أعتقد برأ ذمته , والله أعلم

ولا وش رايكم ؟

^^^^
نعم مثل ما تفضلت
والمفروض بما اني صاحب عرض واقسمت بكون احرص من المشتري
وانزالها من ذمتي انا ما اضمن المشتري يحولها او لا لإنشغاله او تأخره او حتى عدم اهتمامه
لكن البعض الله المستعان لا ذمة ولا ضمير يرمي الكلمه بنفس المووضوع العموله على المشتري ويمشي

قبل كم سنه واحد من الزملاء اشتري سيارة من هنا وقاله البائع العموله عليك
بعد ما اتموا البيع راسل الاداره انه اشتري السياره الفلانيه برقم اعلان كذا وبمبلغ كذا
فـ يبي رقم الحساب في البنك اللي حسابه عليه وكم عموله الموقع عشان بيحولها عليهم
فكان ردهم انت غير ملزوم بدفع العموله وهي تبقى في ذمه البائع ورفضوا يآخذون منه المبلغ

لذلك الواحد يتقي الله ومايحط في ذمته شي ويفك نفسه 

سلام عليكم اذا اعلنت سياره ماهي لي في موقع حراج يحق لي اخذ نصف العموله تكون بيني وبين الحراج الرجا الي عنده علم فيها يفيدني

طيب سؤالي مثلا اجرت شقه عن طريق حراج كيف تحسب العموله