أضف سؤال أو موضوع جديد          

شروط تظليل السيارات - نظام المرور

up 5 down 1
a.aljaaidi 88
قبل 7 سنه و 11 شهر



بسم الله الرحمن الرحيم 
أبدأ الموضوع بحديث المصطفى عليه الصلاة والسلام الذي قال " إن المؤمن ليدرك بحسن خلقه درجة الصائم القائم " .

- كنت اقرأ اليوم نظام وشروط المرور في تظليل السيارات ولمن أحب الإطلاع بالإمكان مراجعة الرابط التالي :

http://www.rt.gov.sa/instructions.php?id=34

1- مواصفات التظليل :

* يجب أن يكون التظليل من النوع الشفاف الذي لايحجب الرؤية ولا عاكساً للصورة (على هيئة مرآة)
ولا يحمل أي زخارف أو نقوش أو صور أو خلافها مما يحد من درجة شفافيته.
* أن يكون التظليل من الأنواع المسموح بها داخل المملكة العربية السعودية والتي لا تلحق ضرر بالإنسان
أو البيئه وفق ماتحدده الجهات المختصة.

2- الاجزاء المسموح بتظليلها :

* يسمح بوضع تظليل شفاف يمكن من خلاله رؤية من بداخل المركبة بحيث تكون شفافية التظليل
لا تزيد عن المتعارف عليه محلياً بــ (زيروتو) (02)
* يقتصر وضع التظليل على الزجاج الجانبي للمقاعد الخلفية.
* لا يسمح (نهائياً) بوضع أي تظليل على الزجاج ألإمامي والخلفي للمركبة في جميع الحالات.
* لا يسمح بوضع أي تظليل على الزجاج الجانبي الأمامي للسائق والمرافق في غير الحالات المرضية.

--------------------------------------------------------------

اتوقع الآن كثير يفكرون يظللون سياراتهم وقلت أنقل الشروط والمواصفات لأجل نستفيد كلنا من معرفة النظام
وتقليل الخساير والفلوس اللي نحطها في هالتظليل ويجي المرور بكل بساطة ويقول ( إقشعها ) هههههه .. 
التظليل اللي من محلات الزينة ماعليه حسوف , المشكلة باللي يظلل بـ 1500 ريال وفوق والله يا إنها حسرة بالقلب .

على الطاري ياحبايب ,,
بالإمكان إستيراد العوازل الحرارية ( لومار , 3m .. الخ ) وغيرها بأسعار جدا معقولة مقارنة بالأسعار الخيالية هنا ..
وتوفرون مبالغ ماتقل عن ( 1000 ) ريال !! ومضمونة 100 % 
وياكثر الأخوان اللي ممكن يخدمونكم بذا الشي ويستوردن لكم تظليلة مثل ( لومار ) بمبلغ معقول ويجي مقصوص
ومرتب وكل شيء .. منها تفيد هالتاجر البسيط اللي هو واحد مننا وفينا ويترزق بالمعقول ومنها نستفيد حنا بتوفير
مبلغ مايقل عن ( 1000 ) ريال كحد أدنى وخلونا نسأل أنفسنا .. من أولى بفلوسنا .. حنا ولا التاجر ؟ 


موفقين ياحبايب واذكركم واذكر نفسي بعكس صورة حسنة عن أخلاق المسلم الصائم بالتعامل الطيب والكلمة الطيبة








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مظلل السيارة كلها كتم
ومرتاح ولا أجلس لهاذا النظام الفاشل بدون تضليل ماتهمني المخالفات دام مرتاح


up 14 down 3
aabody12122 161
قبل 7 سنه و 11 شهر



تدري يابوعابد التظليل الأصلي ممكن يخدمك ويحقق لك الهدفين 
يكون شفاف بنسبة جيدة للرؤية ومن جهة ثانية تكون نظامي , مايزعجك احد او يخالفك 
موضوع التظليل بالسعودية تحديدا المفروض يراجعونه لأن الشمس عندنا درجة حرارتها عالية جدا :(


up 5 down 0
a.aljaaidi 88
قبل 7 سنه و 11 شهر



المشكلة ليست في النظام

المشكلة في العسكري الي يطبق النظام بما يخدم مصلحته في التعجيل بانتهاء الدفتر

أنا لو يوقفني العسكري آخذه باللين وأقول له خلها عدم ربط حزام الأمان وبكذا يرتاح هو من ورقة وأنا أرتاح من التكلفة العالية للمخالفة


up 4 down 0
أبو عبادة 4852
قبل 7 سنه و 11 شهر



أنا ودي اظلل الخلفيه زيرو تو مدري تو زيرو المهم ابظلل الخلفيه هل فيه مخالفه ﻷن  بعض السيارات اعمتنا يكبسون النور العالي وﻻ عليهم من أحد ﻷن ما صار وراي احد كابس العالي انزل راسي تحت وعيوني قدام ﻷن اعمونا بالنور لين ابعد عنه


up 0 down 0
إلنترااا 278
قبل 7 سنه و 11 شهر



النترا  سو نفس طريقتي اذا احد كبس العالي اعطيه دقتين بالاشارات واذا مانزل النور امسك فرم 

واخليه يطوف وارفع النور عليه عشان يحس باللي الناس يحسونه 




up 3 down 0
05512 1697
قبل 7 سنه و 11 شهر



فرم --- فرمل

معليش اكتب بالجوال


up 1 down 0
05512 1697
قبل 7 سنه و 11 شهر



يا رجال ظلل كتم ماحد يوقفك
تظلل نص ونص بيوقفك مادري وش نظامهم الزبدة انا مجرب


up 2 down 1
al_orainy 56
قبل 7 سنه و 11 شهر



انا مظلل زيزو تو على كل السيارة وقفني العسكري واداني قسيمة 300ريال قال تعرف ليه أديتك قسيمة قال علشان انك مظلل قزاز السواق والمعاون


up 1 down 0
ملك الدتسن 48
قبل 7 سنه و 11 شهر



المشكلة في العساكر كل واحد له نظام من راسه

بعدين وش اللي اظلل القزازتين الخلفية لحالها

المفروض يعدلون ذا النظام

الشمس أعوذ بالله تصلخ


up 0 down 0
البيرااوي 100
قبل 7 سنه و 11 شهر



وش الفايدة لو ماأضلل أحسن يبغون السيارة مشلتحة قزاز مضلل وقزاز لا 


up 1 down 0
خيال الجزيرة 45
قبل 7 سنه و 11 شهر



هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


وش ذا النظام مانظلل الزجاج الخلفي ولا الزجاج الامامي ولا الزجاج الجانبي لسائق والمعاون وش خلم هذولي شكلهم يقصدون المثلثات هههههههههههه


up 1 down 1
كاس العالم2014 -41
قبل 7 سنه و 11 شهر



على حسب مزاج العسكري 



up 0 down 0
شبح 600 sel 6082
قبل 7 سنه و 11 شهر



يا 05512 ما أحب أكبس بوجه أحد وﻻ ودي أكبس عشان ما تصير مشاكل ابغى اظلل الخلفيه واريح راسي هل هي ممنوعه الخلفيه ؟؟


up 0 down 0
إلنترااا 278
قبل 7 سنه و 11 شهر



اخوي الشروط قديمة الي عندك هذي الي اول مابدأ التظليل

النظام الحين نسبة الشفافية ورا 50 بالمية والقزاز للراكب والسايق والقزازة الخلفية"القزازة الخلفية المقصود منها ان الي امامك يشوف السيارة الي قدامك ماتحجبه عنها" لايقل عن 75 بالمية والامامية ممنوع تظليلها الا بتظليلة زيرو زيرو الشفافة فقط




up 1 down 0
YASSER505 4174
قبل 7 سنه و 11 شهر



يارجال انا معي النترا مظللها زيرو2 وحاط صورة الامير سعود الفيصل بالقزاز الامامي ولاابن امه من عسكري يقولك فكها بيروح وراء الشمس ع طول


up 0 down 1
سعد2012 -34
قبل 7 سنه و 11 شهر



الشمس حاره اجارنا الله واياكم وبدون تظليل تؤذي العين .. 

انا عندي حساسية بعيني ودايم تجف والتظليل يخدمني م عليش 

ونا اظلل زيرو وان خفيف وخلفي زيرو تو 

بعدين غير الحساسية وغيرها في ناس شوي ويفتح الباب ويركب معك 

عيب والله عيب اتمنى يسمحون بزيرو وان .. 




up 2 down 0
fahadlfc 314
قبل 7 سنه و 11 شهر



ولا تلبس نظارات شمسيه
هههههههههههههههههههههههههه
الشروط هاذي لو يشوفها الكافر اسلم 
استغفر الله العظيم


up 1 down 0
وائل ..... 303
قبل 7 سنه و 11 شهر



مظلل كتم وجتني مخالفة امس قبل اذان الفجر بربع ساعة
طاير البيت ابي الحق اكلي شي واشرب ما
حسبي الله عليه العسكري عطاني سرعة وتظيليل


up 0 down 2
ابو عبدالله 506 240
قبل 7 سنه و 11 شهر



والله الحمدلله مظلل السياره الخلفي ( كتم ) اما الامامي وسط - ولا أحد وقفني
- مع العلم اوصخ نقطة في مكه اسفل كرا وانت نازل من الهدا لحووووج صح



up 3 down 0
أبو فيصل 1155 98
قبل 7 سنه و 10 شهر