الحذفيه وش اسبابها

الامس رحت لبنشري يمني 

قال ممكن كرسي المساعد او اليايات

هل كلامه صحيح ولا ماله علاقه؟

وعليكم السلام ورحمة الله وبركاته

.. الحمد لله على السلامه اولا.... ثانيا الحذفيه لها عدة اسباب وانت ذكرت انك تعرضت لحادث اكيد احد المقصات تاثر او الشاص فيه ضربه واثرت على وزنيه المقصات والاذرعة شيك على المقصات والاذرعة وان شاء الله امورك فى السليم .... :)

نعم بالنسبه لليايات او المساعدات اذا كان فيها مشكله تصير السيارة مايل بشكل بسيط ويمكن انت ماتلاحظ الميول وتاثر على وزنيه السيارة فى الطريق والافضل بعد الحادث تشيك على المقصات والاذرعة والمساعدات وكراسيها واليايات ..... :)

ان شاء الله اليوم بروح ورشة شخص يقرب لي واشوف وش وضع المقصات والاذرعه

والسيارة لما صلحتها تضرر الذراع اليسار ومع تصليح الحادث غيرت ذراع يسار فقط

هل المشكله سببها الذراع اليمين قديم واليسار جديد؟

هذه ملاحظه ممكن تساعد بتحديد المشكله

سويت ميزان والكفرات صارت سنتر ومافيها اي ميلان لكن فيه حذفيه


اخذت مشوار تقريبا 20 او 25 كيلو داخل المدينة

رجعت عند البيت حصلت الكفرات مايله من جديد!!



هل هي المقصات؟ 

أخوي احتمال كبير من المقصات

اخوي انا سويت حادث وبقولك وش سويت 

طبعا الصدمة وصلت الى الشاصي من جهت السواق المهم صلحتها وكان الكفر اليسار الامامي مايل وداخل شوي 

وكانت فيها حذفية قوية جهت اليمين طبعا رحت عند ميزان يماني وفاهم 

سوا سحب للكفر وصار مستقيم وراحت الميلة واخيرا سوا لها وزن الكفرات كلها 

وراحت الحذفية .. 

ما ادري اذا اللومينا مقصات او عكوس 

اذا كانت دفع خلفي ومقصات قدام ممكن احتمالين 
1- وزن مقصات ( طبعا لها وزنه من نفس الجويزه يفكها ويلفها )
2- ميول في الشاصي
لكن اذا كانت عكوس 
افحص الجنوط الاماميه والمسامير 
افحص الشاص

رايي وانا اخوك اول شي تسويه شيك عالكفر وعلى ضغط الهواء عشان تبين معاك قوة الحذفيه
وتبين الدرجه ومن خلالها  راح تعرف السبب

واحمال ميه بالميه بسبب الكفر  بدل الكفر وحطه ورا وشوووف تمشي معاك ولالا

اذا مازبطت  نبدا نشيك على القطع الي لها دخل ب هالشي  وحده وحده لين نطيح بالسبب مع اني حاس مية بالمية انه بسبب الكفر
صارت لي
وغيرت كل شي وومازلت الحذفيه
يوم بطلع جده والكفرات الي قدام عليها شوي ملاحظات بدلتها  بالي ورا والسياره رجعت ميه ميه 

واتمني  ان يكون هذا هو  السبب عندك  عشان نتجنب الخساير بقطع الغيار 

طبعاً اتمني ان المشكله ماوصلت لـلشاص < توني  انتبه لكلمت حادث  

بس تاكد من الكفرات ورد علي 

ولغيرت الكفرات شف الحذفيه تخف ولا نفس ماكانت عليه 

لان لو خفـت  الوزنيه  يصير نطمن ان الشاص ماجاه شي ان شاء الله 

اهم شي ابدا بالاشياء الابسط فالابسط

ممكن السبب تاثر الجنوط من الحادث يصير فيها طعجه وتخرب الوزنية كل يومين تسوي لك رجه وتحذف