أضف سؤال أو موضوع جديد          

كلام من القلب للقلب قبل الانقلاب

up 20 down 10
face.care 230
قبل 6 سنه و 10 شهر



بسم الله الرحمن الرحيم

السلام عليكم ورحمة الله وبركاته

أخواني الأعضاء أخواني أسرة موقع حراج والقائمين عليه 

أسعد الله أوقاتكم بكل محبه وجعل هذا الشهر الفضيل شهر خير وبركه ومغفره من النار

سأحاول أن لا أطيل عليكم قدر المستطاع

بعد أن جلت بالمعارض بغرض بيع سيارتي الصغيره وشراء سياره عائليه كبيره وجدت (سوف يبداء الردح)

الشريطيه مستحلين المعارض بنسبة 99% أحتيال ونصب وبخس ورفع أسعار حسب سلعتهم غير الافلام الي يسوونها
يعني مثلا" أنت رح تبيع سمح وسعرك طيب ارخص من سعر سيارتهم يصيرون يسومونها سومات عاليه طبعا"  انت بتورط ما رح
أحد يشتري منك بهالسعر واذا حشرت واح فيهم يركب معاك ويطلعك برى المعارض وبعدين يلف ويدور عليك ويسحب نفسه ويمشي
افلقني لو قدرت تدخل المعارض مره ثانيه
طبعا" غير افلام كثيره يمثلونها عليك ما تخطر على بال ابليس وكأن أرض المعارض معهك صك تمليك فيها

المهم طفشت وقلت يا ولد أذكر في موقع جميل ونظيف ووضعه تمام كان لي سابقه معه بالجوالات وهالقصص اسمه (حراج)
 
يا عيال دخلت بالعضويه السابقه ونزلت اعلاني وصرت ادور سيارة وخذلك افلام قلت بقلبي يا زين الشريطيه 
عدو على ايديكم:

-نسبة عدم الجدية 80% تقريبا (اعلانات طقطقه)
-ردود وبخس اسعار ورفع اسعار وتحس كأن الشريطيه بهالموقع أكثر من المعارض.
-نسبة الأطفال والمراهقين الي يستهبلون على العالم كثاااار.
-الخوابير وعمليات النصب الوهميه حدث ولا حرج.
-عدم الجدية وتضييع وقت العالم.
-نسخ صور لسيارات اخرى ووضعها بسبيل بخس اسعارها بالسوق أو رفع اسعارها (أعلانات وهميه لأغراض شخصيه)
-طبعا" شوي ويقلب الموضوع بالردود العنصريه بين اهل تايوتا واهل هيونداي و كيا ويشاركهم بالمضاربه اهل امريكا شفر وفورد 

يشهد علي ربي أن موقع حراج ومنتداه من أفضل المواقع العربيه بالبيع والشراء والفائده ولكن نطمح من الادارة النظر لهذه السلبيات
والحزم أكثر ووضع مراقبين يتصلون على اصحاب الاعلانات والتأكد من الجديه ومتابعت الردود ووضع طرق ومخططات لتوثيق
العضويات ووضع اشخاص تشرف على كل قسم بالمنتدى والحراج واخذ المواقف والحزم بشده على هذه الظاهره لكي نشهد موقع تجاري
لا مثيل له.

لا يفيد فقط قطع الوعود والعهود والقسم هنالك اشخاص لا تخاف الله فيجب ردعهم

احترامي وتقديري لكل قراء الموضوع وزوار هذا المنتدى المحترم

فإن أخطئت فسامحوني وإن اصبت ف من عند الله

وصلى الله وسلم على اشرف الخلق والمرسلين نبي الله محمد بن عبدالله علية افضل الصلاة واتم التسليم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


كلامك عين الصواب قله من الناس اللي تضع مخافة الله نصب اعينها ،،،

يبقى في أُمة محمد صلى الله عليه و سلم الخير 


up 3 down 0
panamira 1906
قبل 6 سنه و 10 شهر



انا معك في بعض الاعلانات اشوف ردود صبيانية وغير جادة او تخريب بيعة اتمنى من ادارة الموقع النظر الى هؤلاء لانهم يفسدون على الجميع


up 5 down 0
-ابو حسن- 68
قبل 6 سنه و 10 شهر



يارجل خذ عندك أحد الأمثلة

انا شريت موتر معروض هنا بحراج

ايام ماكان معروض كنت من فترة لفترة اتابعه واتابع ردوده وللأمانه ما آخذ بها بعين الاعتبار

لكن احد الردود خلاني اعرف قيمة ابلاغ الادارة عنها

الرد كان (ماشاء الله يامحمد موترك نظيف لا تبيعه)

المشكلة ان صاحب الموتر ماهو محمد 

وخذ عندك بعد .. كنت عارض موتر هنا وذاكر التواصل عن الواتس آب او الاتصال

طبعاً 90% يتواصلون بالواتس آب و 80% منهم حقين طقطقة

أولهم واحد جايب لي صور لكمارو من موقع مستعمل ويقول تبادل راس براس .. المشكلة كل صورة تختلف! 

والثاني يقول انا معي موستنق ابتقاوم معك من استمارة! 

وغيره حقين السوالف اللي يقول موترك مايسوى 50,000

تصرفات غريبة لدرجة انا ما استوعب انها تصدر من ناس عاقلة وراشدة!

خلاصة الكلام, اذا انت مسدد عمولة للموقع يتيح لك الغاء خاصية الردود

اقفل الردود والتواصل عن طريق الواتس آب والرسائل والخرابيط ذي .. الصامل بيجيك لو بسابع أرض! وكله مقدر ومكتوب


up 7 down 0
u_a7mad 5
قبل 6 سنه و 10 شهر



هذا الي سويته يا احمد قفلت الردود


up 1 down 1
face.care 230
قبل 6 سنه و 10 شهر



شي طبيعي ياغالي ان الجديه في السوم تصير اقل بكثير من ارض الواقع بساحة المعارض والسبب ان السوم يصير من ورا شاشه  يعني رقم وقطه وامش

هل فكرت في الناس اللي تسوم وترفع في السلعه وهو ماعنده نية بيع ? 

يعني واحد ينزل اعلان ويجيك واحد يرفع لك سومه فوق. والثاني مثله وصاحب السياره يتعلق مع هاللي سلموها وسحبو عليه

وايضا لا تنسى اللي يسوم ويواعد. وبعدين يسحب عليك  لانه يحس انه انظحك عليه اخذ سياره بسعر عالي


up 2 down 0
شكلين مابحكي 3160
قبل 6 سنه و 10 شهر



كلام فيه الكثير من الصحة ولكن لي ملاحظة

انا من وجهة نظري الشخص لا يقارن سعر سيارته باسعار سيارات المعارض الا في حالة وحدة بس

وهي انه يوقف سيارته في معرض مثله

لكل شي ثمن وثمن انك تبيع وتاخذ فلوسك في يوم بيكون نقص في قيمه السيارة الفعلية 

وفيه شي مهم وهو ان الكل يبي يشتري صيدة حتي صارت هاجس عند البعض فيبخس سيارتك علشان يقول والله صيدة موتر صح وسعره رخيص

انا اشوف اي شخص يرغب في سعر مناسب ويرتاح من عوار الراس هي

يوقف موتره في معرض ويعلن عنه بان الموتر للبيع وموجود في المعرض الفلاني والعاملين في المعرض هم يتولون المفاوضات وانت اطلع منها وارتاح

ان جاك شاري من الموقع زين ولا تنسي العمولة وان جاك من برا ازين

وبعد انت تحد موترك بسعر المعارض 




up 1 down 0
ksasp 74
قبل 6 سنه و 10 شهر



 انا من رأييي يفتح قسم اسمه قسم (مزاد) ولايمكن الد خول لهذا القسم إلا برسوم رمزية مثلا( بمبلغ 50 ريال) وذلك لإثبات الجدية فالبيع والشراء 
وبكذا يمكن حلينا 90 فالمئة من مشكلة عدم الجدية 


up 2 down 0
Yaser1 669
قبل 6 سنه و 10 شهر



يارجال والله ما الومك اقسم بالله اني كرهت اعرض اي سياره بالموقع 

يجيك واحد يتصل عليك 24 ساعه ويرسل اخوياه اذا كان بعيد ومن ورشه لورشه ويوم تجي لتسجيل السياره بالمعرض يختفي ولا يرد على جواله
واللي كلمني شايب ولا هو بزر ضابط في الخرج برتبة رائد ولا اقول الا حسبي الله ونعم الوكيل في هذيك اللحية 


ارسلت للموقع اقتراح اضافة خاصية دفع عربون ولا عبرو الاقتراح وحذفت الاعلان ومن يومها حرررمت احط اعلان سيارات

اذكر بعد مان فيه واحد يدور جيب ربع وواحد من اخوياي عنده طلبه وقلت لصاحب الاعلان طلبك موجود ووووووووووالله يا اخوان سنه كامله كل يوم رساله خاصه واتصال بسبب ردي

الموقع بالعربي 80% ماخذ الشغله طقطقه على خلق الله


up 2 down 0
ابو راكان تبوك 956
قبل 6 سنه و 10 شهر



^^^ 

فكره ممتازه وجميلة الصراحه 


ذحين مالك الا توقف سيارتك بمعرض وعطهم حدك على الموتر وعطهم رقمك وافتك وبيجون الناس وبيشوفون الموتر 
واذا هم بيشترون يدق عليك صاحب المعرض ويقول ان جاك المبلغ الفلاني بالموتر وريح بالك ياعم مالك الا تروح تستلم الفلوس وبس والمعرض ياخذ اظن الف ريال بس 


up 2 down 0
do8sh 208
قبل 6 سنه و 10 شهر



انا من رأي لايتم تسجيل عضويه في هذا الموقع الا برقم بطاقة الهويه علشان يتم البيع والشراء بين الناس الجادين فقط


up 1 down 1
mosfer alyami 774
قبل 6 سنه و 10 شهر



انا قلت رايي قبل فتره ولا زلت عليه ان الي يبي ينزل اعلان يدفع عربون 50 ريال علشان يقل التلاعب ويكون الرجال جاد بالبيع مو يبي يشوف قيمة موتره او ينزل سياره مو له او سياره مو حقيقيه !

لو صار الشي الي قلته راح يقل التلاعب هذا اذا ما اختفى أصلا "


up 1 down 0
07sbeshal 1344
قبل 6 سنه و 10 شهر



صراحة كلامك ميه في المية بعضهم يسرقون صور ويعرضونها وبعضهم يطقطق 

مثل واحد في الموقع نسيت اسمه مسكين الرجال يبي يبيع سيارته وخشوا شريطيه مادري 

ورعان وجلسوا يسولفون تخيلوا واحد يقول للثاني كيف الحال واخبارك عساك طيب والرجال مسكين 

جلس يدعي عليهم ويتحسب عليهم مسكين الرجال يدور الصامل ويبي يبيع والشباب قلبوها شات 


up 1 down 0
أبو عزام.... 473
قبل 6 سنه و 10 شهر



انا من بعد طقطقة وطفش ومريت المعارض وساموا سيارة تسوى 70 ب 45 ويقول شرط البدي وكالة وعالفحص واتحداك تلقى احسن من السومه هذي بعد ههههههههههههه


الان بعد هالسنين السيارة تسوى 45 ,, هل بيسومونها ب الف ولا الفين الحين ؟


up 1 down 0
YASSER505 4174
قبل 6 سنه و 10 شهر