وانيت بحدود 50 الف ريال أو أقل

4 8

لايمكنك التصويت حتى الحصول على 20 نقطة على الأقل
إضغط هنا للإخفاء

ابديت للتسويق والتطوير 190
قبل 10 سنه و 5 شهر

السلام عليكم ورحمة الله وبركاته 

انا ابغى اشتري وانيت بحدود 50 الف ريال أو أقل 

ما عندي مقدره أكثر يعني 50 الف ريال هذا اكثر شي اقدر ادفعه كاش حالياً

ومالي في الأقساط أبداً ما ارتاح لها ولا احبها ... 
-----------------------------
المهم اول شي كان ودي في حوض امريكي سلفرادو وسيررا الشكل الي من 2007 وانت طالع

وبصراحه اسعارها مرتفعه وماشيه كثيييييييييييييير يعني مستهلكه وما تستاهل الاسعار المطلوبه مافيا حيل اشتري سياره اجلس اصلح فيها
رحت شفت تويوتا  اغلبها مكرووووووفه وبرضو مرتفعه اسعارها
-----------------
النيسان اسعاره معقوله نوعاً ما المستخدم لكن نادر ما احصله معروض للبيع فجده 
وانا كان ودي في مستخدم بحدود الـ ثلاثينات يعني مو معقول ادفع فيه قيمت جديد 
وما تهمني المواصفات استاندر غمارتين نعمه  اهم شي الغمارتين عشان الاهل والمكيف
واذا احد يعرف لي فحدود الثلاثينات يعني 2010 وفوق اكون شاكر له 
------------------
ميتسوبيشي نادر برضو وما حصلت
ايسوزو نفس الكلام 
واذا احد يعرف لي فوق 2010 مستعمل نظيف غمارتين في الثلاثينات يدلني عليه واكون شاكر له
---------------------
هاذي الشركات الي شفتها حتى الان وفي فلوكس واجن بس غالي

المهم

شفت الشركات الصينيه 
دير وجيرت وول ومدري ايش شركات كثيره 
بالنسبه لإنها صينيه فماني متخوف من هالشي اسعارها رخيصه وانا اصلا عندي جيلي وجداً ممتازه والحمد لله 
يعني ماهي مشكله انها صينيه

المشكله الوكلاء
يعني جيلي وكيلها الحاج حسين علي رضا وكيل ومعروف وقوي وبكل صراحه وامانه ممتاز جداً 
ما يوصل مستوى عبدالطيف جميل لكن ع الاقل يوفر قطع فروعه منتشره صيانته ممتازه ضمان حلو 
يعني مميزات كثير وفوق كذا السياره منتشره وما عليها خوف

لكن يوم جيت اشوف الونيت الصيني نادر ما احصله في الشوارع معادا (دييير)
والوكلاء مو معروفين يعني الرسام والرستماني كل الي عندهم معرض ولا معرضين بكره يقفل ويمشي
مثل الرسام كان له واحد في النسيم في جده ومع ازالة القطار روح وماله فروع ثانيه فجده ! 
وكثير وكلاء بدأو ورجعو قفلو مره ثانيه 
فمافي وكيل قوي يعتمد عليه 
انا خايف من توفر القطع يقولو تركب عليها قطع تويوتا هايلوكس هل الكلام هذا صحيح ؟ هل احد جرب هذا الشي

وايش الشركه الصينيه الافضل بينهم هل هي (جريت وول)علماً بإنه في شكل جديد منها الشكل القديم مافي جديد 
الا موديلات سابقه الي هي دير 

وبس اذا احد يعرف اسعارها في المعارض وغيرها ياليت يفيدني 

واي ونيت تحت الـ 50 الف غمارتين ياليت تدلوني عليه 

ويعطيكم العافيه جميعاً 

إبلاغ

الردود