راسي اوجعني من التفكير والحيره شوروا علي افضل سيارة مناسبة

4 2

لايمكنك التصويت حتى الحصول على 20 نقطة على الأقل
إضغط هنا للإخفاء

moaz012 47
قبل 9 سنه و 9 شهر

بسم الله الرحمن الرحيم


اخواني حبايبي مانزلت هالموضوع من اجل المقارنات او الجدال والتعصب الغير مبرر لسيارات مالنا في صناعتها ناقة ولا جمل !!

الموضوع اني محتاج سيارة ضروري هاليومين عشان اداوم…  انا كان عندي اكورد 2011 وصار حادث وراحت تالف ولله الحمد… الاكورد الله يرحمها كانت ايامها جميله ورساوة وكرف يشهد الله ان رجلي ثقيله عليها وكانا صامده ماقد غيرت فيها مساعد ولا اي شي مجرد اقمشة وكفر وزيت وامشي علما اني اسبوعيا انزل لاهلي وارجع بالويك اند (500كم)

حاليا الميزانية ماتسمح لي ولا كان ركبت اكورد بدون تردد ليس لانها الافضل ولكن لاني جربتها بنفسي ولا ابي اجرب شي اخر ماعرف عنه (وجه تعرف ولا وجه تنكر) 

حاليا الخيارات المتاحه امامي هي :
1-مازدا6 الشكل الجديد.
2-ماليبو lt عليها عرض في الجميح تطلع اقساط ب1260 ريال.
3-التيما 2014 سعرها مناسب لاربع سلندر نص فل.
4-فولكسواجن جيتا .

طبعا كلها اصفار وكالة… 

المازدا 6 استاجرتها خفيفه ووسيعه وسعرها جدا مناسب على مواصفاتها لكن حسيتها شوي ناشفه ع المطبات وعيون القطط والاستاندر مافيها مثبت سرعه.

الماليبو مريحة وفيها مثبت سرعه لكن مادري عن متانتها وسمعة الشفر الدفع الامامي سيئة وخصوصا كان لي تجربة ابيكا 2007 غيرت لها 3 مكاين وهي مامشت 160كم!!

الالتيما مناسبة ولو انها خفيفه لكن سعرها مناسب وبالخطوط تمشي وهي ممتازه ومحركات النيسان لايعلى عليها لكن مدري عن العضلات والتربيط هذا عيب النيسان والاهم من ذلك توفر القطع الغيار خصوصا مع الحمراني ومشاكله التي لحقت المستهلك اكثر من غيره.

الفولكسواجن سيارات المانية لايعلى عليها لكن ثقافة المستهلك لدينا ثقافة قطيع للاسف ..يحكم اسعار السيارات المستعمله هي القناعات القديمة والمستاصله والتي ليس لها سبب يذكر فتجد مثلا الواحد يشتري سيارة جديده مافيها ذيك المواصفات فقط عشان يقولك هذي شيك بالجيب وتمسك سعرها ..ولما يجي يبيعها يجي المشتري يقول اوه هذي تمسك سعرها ويشتريها بسعر اكبر من ماتستحق وهكذا مجرد قناعات وهمية نؤمن بها تحكمت في اقتصاد سياراتنا… المهم لاطول عليكم الالماني مظلوم عندنا للاسف ..الجيتا سعرها مناسب لكن صغير حجمها مثل الالنترا وايضا انا متخوف من قطع غيارها تتوفر او لا .. وذلك بحكم ان وكيلها غير متوسع لعدم انتشار سياراته في البلد مثل غيره من الوكلا الكبار… 

المطلوب منكم جزاكم الله خير تشورون علي وتقدمون ارائكم وتجاربكم عن السيارات التي ذكرتها ولا باس بتنويري لخيارات اخرى مناسبة لم اذكرها بالاعلى… .وتقبل الله منا ومنكم صالح اعماالكم

إبلاغ

الردود