أضف سؤال أو موضوع جديد          

الله يعين سياراتنا

up 35 down 2
ابواسسامه1111 247
قبل 9 سنه و 2 شهر



منظر مر علينا جميعاً ......... سياره قديمه ، فيها بعض الصدأ ، فيها حكه بسيطه هنا او هنا ،ولكن لاتزال بطيس الوكاله ، و وقفتها وقفت وكاله ..!! نروح للمنظر الثاني : سياره يادوب لها سنة او سنتين من المصنع ، فيها ((قبعة)) في الرفرف الخلفي :) وواحد من الصدمات طايح :) + أحد الإسطبات غير موجود ..!! المنظر الأول لسياره مع واحد أجنبي !! ليش الأجانب مهما كنت جنسيته تلاقي سيارته نظيفه ؟ أعرف واحد تونسي كانت معاه 180بي ، مين يعرفها ، المهم موديلها والله اعلم 82 والله ياناس إن طيس الواكله عليها وكتلوجها بالدرج!! وهو كل يوم مداوم عليها رايح جاي وسافر عليها كم مره ، لا أحد ينكر هالشي واغلب الناس إذا جاء بيوصف سيارة يقولك مع مصري ! مع سوري ! مع هندي ! وكأنها ضمان وكاله ههههههههههه المشكله وبصراحه لما تشوف سواقتهم مع احترامي للكل تحس أنهم من جنبها في السواقه الواحد تلقاه يحرق أم الكلتش وهو لسا ماتحرك وتلاقيه (يزرها) بالتروس لين تطلع عين السياره ، وفي السنه ممكن يغسلها مرتين :) ،،،، وتعال لسياراتنا حنا الله يخلف علينا ، والله ياجماعة الخير إني مره كنت بمطعم انتظر طلبي يجهز وشفت ربع موديل 2011 وقف ونزل السواق ، تتوقعون وش يكون ؟ والله العظيم ياشباب إنه طفل عمره لسا ماوصل 10 سنوات !!!! و وين ؟ هنا بالرياض مهوب بمنطقة نائيه او من هالقبيل ونقول عادي مافيه زحمه الدنيا بر !!!! طيب ياخي إذا انت كسلان تروح تجيب لك عشاء ومتخاف على اخوك ولا ولدك يوم تعطيه السياره بالعمر هذا ياخي خاف على ارواح المسلمين وانتم عارفين الربع وخطورته وسرعت إنقلاب الجيوب بصفه عامه >> كأني طلعت عن الموضوع ..

نرجع لموضوعنا حنا الواحد من يكبر شوي يحصل تحت رجله سياره إما حقت ابوه او اخوه وتعال شف انواع التفنن في الاكسوارات ( ام كلب ) هههههههههههههه ،وفيه البعض تلقاه فعلا محافظ على السياره بس قليل للأسف ، في النهاية كلامي هذا مجرد دردشة على خفيف معكم واليت نشكر الله على هالنعمه ( السياره) ونقدر قيمتها ونقدر حتى قيمة الحرمان منها ، وعلى قولت بعض الشيبان : لاتشغل المسجل يصرف بنزين هههههههههههههههه












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههههه موضوع رائع


up 3 down 0
عمر1992 380
قبل 9 سنه و 2 شهر



أما عاد المسجل يصرف بنزين توي أدري هههههههههههههههههههههههههههههههه


up 7 down 0
عاشق الكورفت zr1 6469
قبل 9 سنه و 2 شهر



الحمدلله على كل حال ههههه
موضوع جميل وتسلم :)



up 6 down 0
فل اوبشن mr 3279
قبل 9 سنه و 2 شهر



دوم الإبتسامه ومشكورين على المرور ،، أنيق لي الشرف أن يكون إسلوبي لو ربع إسلوبك


up 7 down 2
ابواسسامه1111 247
قبل 9 سنه و 2 شهر



اسلووووووووووووووووبك رائع واهنيك ع الموضوع


تشكر على اهتمامك اخوي
والحمدالله على النعمه الي عايشين حنا فيها 
ولك احلا لايك


up 3 down 0
بشوش 5096
قبل 9 سنه و 2 شهر



للتوضيح فقط :

أبو كلب = شيء رخيص ولا يستاهل مشتراه = سلبي

أم كلب = شيء جامد ويستحق قروش مشتراه = إيجابي




up 9 down 0
serinzo 271
قبل 9 سنه و 2 شهر



موضوع حلوووو خخخخخخ


up 1 down 0
applespiderx 6
قبل 9 سنه و 2 شهر



موضوع فايف ستار
ولك مني احلا لايك


up 1 down 0
ابووفهدد 1528
قبل 9 سنه و 2 شهر



موضوعك جدا ممتاز



up 0 down 0
ابو و محمد 253
قبل 9 سنه و 2 شهر



اذكر واحد مصري كان ساكن جنبنا يقول كنت امشي 60 وزعلت من المدام ومشيت 80 ههههه يعني مسرع الحين
ههههههههههههههههههههههههههههههههههه البلا مادرى ان ربعنا وهم مبسوطين يمشون 200 !!! خخخ
عشان كذا مواترهم نظيفه لانه مايسرع واي شي يحصل معه بالطريق يتفاداه بعكسنا تماما لمن نكون على سرعه مايمديك
تتصرف مثلا لو صادفت مطب بتاكله بحذافيره لكن هو لا .. يهدي وياخذه برواقه شفت كيف الفرق !!؟ هذا اقرب مثال

وموضعك فله نبي كذا مقارنات وفروق وغيرها بس ياخي لاحظت حاجه انو ولا شي عندنا زين
دايم حنا سلبيات ارجوكم اذكروا شي ايجابي ابي احس اننا احسن من الناس الثانيه لكن مافيه امل هههههههه


up 7 down 0
عـادل عبدالله 4751
قبل 9 سنه و 2 شهر



لايغرك في الشياب صح انه مايسرع ولا يفحط بس يقطع قلب الموتر بنمره 


up 4 down 0
جني جبله 921
قبل 9 سنه و 2 شهر



ياشباب انا فاسطيني وامشي فوق ال 200 ومعي اكورد
بس محافظ عليها
الصيانه
الكفرات ميشلان
دفعت 7000 ريال مالها داعي فقط تشييك على 150 الف
اكسسوارات فوق 4000 ريال
الله يحفظ البلد وشعبها شعب طيب واصيل
مافي داعي لتجريح باي جنسيه
الله يديم عليكم الامن والامان


up 2 down 0
البطش 3583
قبل 9 سنه و 2 شهر



واحد من العيال عنده فولكس فاغن موديل 77 شاريها ايام وكالتها والله الى الان معه ماشاء الله تبارك الله اقوله ليش ماتبيعها قال اذا احد سامها ب 100 الف ببيعها 


up 1 down 0
فتححي 125
قبل 9 سنه و شهر