تخيل تكتشف بعد ما تشتري سيارة مستعمله تطلع تالف سكررررراب
10
7
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
أخواني أعضاء منتدى حراج المحترم
بدخل بالموضوع سريع, في أحد الايام شد أنتباهي اعلان في موقع حراج عن سيارات مصدومه انك تقدر تصلحها وتستخدمها
أو تبيعها وتترزق المهم اخذت العنوان وطلعت مدري اذا احد فيكم قبل هالمره زار صناعية اللؤلؤه على طريق حاير بعد ما وصلت
هناك الصبح وشفت بعيني ورش تبيع سيارات مصدومه طبعا" كلها اتوقع شارينها تالف الله وأعلم من وين بس كميات كبيره وأكثرها
موديلات حديثه وسيارات فخمه بس الطامه الكبرى انها مو قطع 99% منها يتصلح ويرجع يمشي في الشارع وينباع على المساكين
الي يدورون الكشخه بدون اخذ الحسبان بالأمان الي بسيارته التالفه, عدو على ايديكم مشاكل هالسيارات
ايرباقات طالعه
شاصيه مضروب
اكله قلبات لين دايخه
مكاين وقيور مخبطه
سيارات تشوفها سليمه وهي ماكله رصيف من تحت كلش منتهي
حدث ولا حرج.
شفت سوناتا ماكله صدمه من الشنطه خاشه جوا لين المراتب ومصليحنها تصليح وكالات مافي امل يبين معاك انها كانت مصدومه
المشكله موديل 2014 وممشاها ما يتعدى 20,000 كيلو يعني الي بيشوفها بالمعارض بيغرم فيها
والله اني كرهت السيارات المستعمله وخفت خوف ما يعلم فيه الا الله تخيل ان كل هالسيارات تتصلح وترجع تنباع علينا
وهي تالف.
في أمريكا اي سياره طلع الاير باق حقها خلاص هذي ما تسوى تصير خبر كان تنباع تشليح قطع مو زي عندنا نكشخ فيها
أنتبهو من المستعمل ومن الناس الي ما تخاف الله والمشكله كثير منهم يحلف ويحط بذمتة والعياذ بالله
أسف اني طولت عليكم بس موضوع اشوفه مهم للطرح ونتمنى يصير عندنا تاريخ للسياره زي دول برى نقدر نعرف كل شي عن ماضي السيارة
كذا ناخذ مستعمل وحنا مطمنين
وصلى الله وبارك على سيدنا محمد واله وصحبه اجمعين.
إبلاغ
الردود
البعض يضن ان التلاعب على المسلمين بيغنية
الله يطفينا واياكم شر دعوة المظلوم
4
0
لاحول ولاقوة الا بالله من فتره طويله ما اشتري الا جديد حتى لو صغيره او تقصيد اهم شي جديده لان ماعندي ثقه في السوق ابد +>1 لايك للجميع
1
0
و تظررت السيارات .
وجدتها في ورشة كبيرة و معروفه تم اصلاحها و لا اعرف كيف بيعت اذا طاحت في شخص لاذمة له .
و ركب لها اكياس بودي من شارع الزينة بعد الاصلاح لتمشي على اكبر معلم في السيارات و يشتريها على اساس انها وكالة .
2
0
1
0
اصحاب الورش لقو مغفلين يشترون منعم
اي واحد يبي ياخذ سيارة مستعملة يفحصها باكثر من مركز فحص وبالوكالة
يفحص بدي ومكينة ، تضيع ١٥٠٠ - ٢٠٠٠ ريال ولا تضيع ٨٠ او ٩٠ الف
2
2
3
0
حرام الكذب والتربح من الكذب سحت
2
0
الانون = القانون
منعم = منهم
0
0
تاريخها كامل مثل السيارات الامريكية !!
الخوف يلعبون بتاريخ السيارات بعد ، يعني مافيه
حل الا جديد
0
1
المشكلة مو بالاستفسار للسيارات المستخدمه
المصيبة حتى الوكالات تصرف سيارات مضروبة ومسمكرة
وكلنا نعرف اقفال وتغريم شركه الجميح وايضاً المتحدة لنفس الكلام
طيب هل معقول اني افحص سيارة جديده ومن الوكيل مستلمها ؟؟
1
0
بعد ما خلصت جا عندي وقال وش رايك بالموتر
قلت الموتر اللي باين عليه انه جديد
قال تبي من الاخر انحش الموتر مصدوم ومقصوصه شنطته
والسياره تبع معرض ..
1
1
المفروض أنه يوفر خدمة زي الكارفاكس بسعر رمزي
والموضوع ما يحتاج جهد كبير لأن عنده قواعد البيانات
عنده جاهزة وكذلك أي حادث يصير ويباشره هو أو نجم
يدخل مباشره في الحاسب المركزي
وصدقوني الحل هذا بيقضي على 70% من التلاعب الموجود
2
1
تبي الصدق
المرور جيد بالمخالفات ومع ساهر وطقته
اما يسوي تقارير زي كارفاكس اغسل يدك
2
1
وشاريه ع الفحص
والبدي وكاله
لاكن انغشيت فيه طلع مصوم ع الصدام الخلفي صدمه جامده حركت الشاصي وميلت البدي
وماكتشفت هالشيء الا بعد فتره طويله
ماقول الا حسبى الله ونعم الوكيل
ان شاء الله يلقاها في نفسه ولا عياله
الله يمحق بركه حياته كلها
المهم المشكله ماحد عرف لها كشفت عن افضل الورش والميازين
ولا احد عرف عليتها
الدفرنس مايل من الجهه اليسار متقدم شوي للامام
والشاصي ماهو مبين عليه شيء
ولا احد عرف وش علتها ابداااااا
مغشوشه بطريقة محترمه
2
0
2
0
1
0
1
0
خد العربية افحصها بنفسك وجربها ..
عجبتك روح افحصها عند محل مختص ..
وانتهت الحكاية..
اما اللي بيشتروا سكر في مية في الحراج..
>>
ده جنان
0
0
حرام عليهم
قبل 9 سنه و 9 شهر