أضف سؤال أو موضوع جديد          

تخيل تكتشف بعد ما تشتري سيارة مستعمله تطلع تالف سكررررراب

up 10 down 7
face.care 230
قبل 6 سنه و 10 شهر



بسم الله الرحمن الرحيم

السلام عليكم ورحمة الله وبركاته

أخواني أعضاء منتدى حراج المحترم

بدخل بالموضوع سريع, في أحد الايام شد أنتباهي اعلان في موقع حراج عن سيارات مصدومه انك تقدر تصلحها وتستخدمها
أو تبيعها وتترزق المهم اخذت العنوان وطلعت مدري اذا احد فيكم قبل هالمره زار صناعية اللؤلؤه على طريق حاير بعد ما وصلت
هناك الصبح وشفت بعيني ورش تبيع سيارات مصدومه طبعا" كلها اتوقع شارينها تالف الله وأعلم من وين بس كميات كبيره وأكثرها
موديلات حديثه وسيارات فخمه بس الطامه الكبرى انها مو قطع 99% منها يتصلح ويرجع يمشي في الشارع وينباع على المساكين
الي يدورون الكشخه بدون اخذ الحسبان بالأمان الي بسيارته التالفه, عدو على ايديكم مشاكل هالسيارات

ايرباقات طالعه
شاصيه مضروب
اكله قلبات لين دايخه
مكاين وقيور مخبطه
سيارات تشوفها سليمه وهي ماكله رصيف من تحت كلش منتهي
حدث ولا حرج.

شفت سوناتا ماكله صدمه من الشنطه خاشه جوا لين المراتب ومصليحنها تصليح وكالات مافي امل يبين معاك انها كانت مصدومه 
المشكله موديل 2014 وممشاها ما يتعدى 20,000 كيلو يعني الي بيشوفها بالمعارض بيغرم فيها

والله اني كرهت السيارات المستعمله وخفت خوف ما يعلم فيه الا الله تخيل ان كل هالسيارات تتصلح وترجع تنباع علينا
وهي تالف.

في أمريكا اي سياره طلع الاير باق حقها خلاص هذي ما تسوى تصير خبر كان تنباع تشليح قطع مو زي عندنا نكشخ فيها

أنتبهو من المستعمل ومن الناس الي ما تخاف الله والمشكله كثير منهم يحلف ويحط بذمتة والعياذ بالله

أسف اني طولت عليكم بس موضوع اشوفه مهم للطرح ونتمنى يصير عندنا تاريخ للسياره زي دول برى نقدر نعرف كل شي عن ماضي السيارة
كذا ناخذ مستعمل وحنا مطمنين

وصلى الله وبارك على سيدنا محمد واله وصحبه اجمعين.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لاحول ولاقوة الا بالله

حرام عليهم


up 1 down 0
شقردي2014 408
قبل 6 سنه و 10 شهر



الله يكفينا شرهم

البعض يضن ان التلاعب على المسلمين بيغنية

الله يطفينا واياكم شر دعوة المظلوم


up 4 down 0
amh2222 417
قبل 6 سنه و 10 شهر




لاحول ولاقوة الا بالله من فتره طويله ما اشتري الا جديد حتى لو صغيره او تقصيد اهم شي جديده لان ماعندي ثقه في السوق ابد +>1 لايك للجميع


up 1 down 0
Abu-Nawaf 338
قبل 6 سنه و 10 شهر



تريله جايه من قطر فيها 6 يوكون زيرو جديده بقراطيس الوكالة ما بين قصير و طويل صار لها حادث
و تظررت السيارات .
وجدتها في ورشة كبيرة و معروفه تم اصلاحها و لا اعرف كيف بيعت اذا طاحت في شخص لاذمة له  .
و ركب لها اكياس بودي من شارع الزينة بعد الاصلاح لتمشي على اكبر معلم في السيارات و يشتريها على اساس انها وكالة .


up 2 down 0
المخلصm 238
قبل 6 سنه و 10 شهر



^^^ هذا الي يخوف في ورش عندهم فنانين مو سمكريه ترجع الموتر زي الوكاله وهذا الشي شفته بعيني


up 1 down 0
face.care 230
قبل 6 سنه و 10 شهر



الانون لايحمي المغفلين 
اصحاب الورش لقو مغفلين يشترون منعم 
اي واحد يبي ياخذ سيارة مستعملة يفحصها باكثر من مركز فحص وبالوكالة 
يفحص بدي ومكينة ، تضيع ١٥٠٠ - ٢٠٠٠ ريال ولا تضيع ٨٠ او ٩٠ الف 


up 2 down 2
mrryooon 172
قبل 6 سنه و 10 شهر



شرعا ممكن تتوجه بشكوى بيع الغبن وتاكد من احد المحامين وشيخ المعارض بان السيارة اغلى مما تستحق كثمن والله يعوضك دنيا واخره


up 3 down 0
amh2222 417
قبل 6 سنه و 10 شهر



الله يفكنتا من هالنوعيات التي دمرت السوق وتحلل لنفسها السرقه باسم الربح

حرام الكذب والتربح من الكذب سحت 


up 2 down 0
kingksa2015 489
قبل 6 سنه و 10 شهر



عذرا للاخطاء الاملائية 
الانون = القانون 
منعم = منهم


up 0 down 0
mrryooon 172
قبل 6 سنه و 10 شهر



السؤال ليش مايكون عندنا رقم لأي سيارة نقدر نعرف 
تاريخها كامل مثل السيارات الامريكية !! 
الخوف يلعبون بتاريخ السيارات بعد ، يعني مافيه 
حل الا جديد 


up 0 down 1
faisal_fahd -66
قبل 6 سنه و 10 شهر



^^^^
المشكلة مو بالاستفسار للسيارات المستخدمه
المصيبة حتى الوكالات تصرف سيارات مضروبة ومسمكرة
وكلنا نعرف اقفال وتغريم شركه الجميح وايضاً المتحدة لنفس الكلام
طيب هل معقول اني افحص سيارة جديده ومن الوكيل مستلمها ؟؟


up 1 down 0
abo kayan-55 652
قبل 6 سنه و 10 شهر



قبل كم شهر لقيت سوناتا 2014 جدييييييييييييده مع شاب وقمت اتمقل فيها وافتح بيبانها واقلب فيها والموتر بقراطيسه

بعد ما خلصت جا عندي وقال وش رايك بالموتر

قلت الموتر اللي باين عليه انه جديد

قال تبي من الاخر انحش الموتر مصدوم ومقصوصه شنطته

والسياره تبع معرض ..


up 1 down 1
jibreen 134
قبل 6 سنه و 10 شهر



تبون الصراحة الحل بيد المرور 

المفروض أنه يوفر خدمة زي الكارفاكس بسعر رمزي

والموضوع ما يحتاج جهد كبير لأن عنده قواعد البيانات

عنده جاهزة وكذلك أي حادث يصير ويباشره هو أو نجم

يدخل مباشره في الحاسب المركزي 

وصدقوني الحل هذا بيقضي على 70% من التلاعب الموجود


up 2 down 1
بسكوت اوريو 230
قبل 6 سنه و 10 شهر



^^^ 

تبي الصدق 

المرور جيد بالمخالفات ومع ساهر وطقته 

اما يسوي تقارير زي كارفاكس  اغسل يدك 


up 2 down 1
fawaz__11 534
قبل 6 سنه و 10 شهر



انا معي فورد 
وشاريه ع الفحص 
والبدي وكاله
لاكن انغشيت فيه طلع مصوم ع الصدام الخلفي صدمه جامده حركت الشاصي وميلت البدي
وماكتشفت هالشيء الا بعد فتره طويله
ماقول الا حسبى الله ونعم الوكيل 
ان شاء الله يلقاها في نفسه ولا عياله
الله يمحق بركه حياته كلها 
المهم المشكله ماحد عرف لها كشفت عن افضل الورش والميازين 
ولا احد عرف عليتها 
الدفرنس مايل من الجهه اليسار متقدم شوي للامام 
والشاصي ماهو مبين عليه شيء 
ولا احد عرف وش علتها ابداااااا
مغشوشه بطريقة محترمه



up 2 down 0
م.بن عبدالله 2027
قبل 6 سنه و 10 شهر



سبق ووحذرت بالمنتدى على ازيرا مامشت شي جدييده بقراطسيها معدوم جنب كامل وجاب لها جنب نفس لون وركبه وسئلته يقول اتحدا اي فحص يبين موتر مقصوص وعنده كميات كبيره واغلبها مامشت بس جايتها صدمات قويه وورشه ذي بالشفا وقفلت لها حوالي 8 شهور .


up 2 down 0
x500 777
قبل 6 سنه و 10 شهر



الحل, انه الي ماعنده قدرة على الجديد يشتري مستعمل من امريكا عليها تقرير شامل من اول ماخرجت السيارة من الوكالة الين ماانباعت وان شاء الله يتطبق هالنظام عندنا


up 1 down 0
مشعل خالد 0255 -4
قبل 6 سنه و 10 شهر



عند الله ما يضيع حق


up 1 down 0
face.care 230
قبل 6 سنه و 10 شهر



يارجل لا تخاف ولا حاجة..
خد العربية افحصها بنفسك وجربها ..
عجبتك روح افحصها عند محل مختص ..
وانتهت الحكاية..
اما اللي بيشتروا سكر في مية في الحراج..
>>
ده جنان 


up 0 down 0
mohammad saeed 2864
قبل 6 سنه و 9 شهر