وعليكم السلام ورحمة الله وبركاته
الكامري أفضل من ناحيه وحده داخل البلد سياره خفيفه مرنه أكثر من الفورد
مع اني من محبين الفورد 
قطع غيار ما أعرف شيء عن الكامري الا أنها تنقص زيت والله أعلم 

وأسأل الله العظيم رب العرش العظيم  أن يعافيك ويشفيك وكل من يعاني من مرض 

يالغالي انا كان معي فورد ٩٩ 
وشريت كامري ٢٠٠٥ نظيف واستعملتها سنتين 
وبعتها ورجعت للفورد 
وشريت مازدا ٢٠١٥ 
واخذ الفورد استعمله 
اللي يستعمل الفورد ويرتاح فيه ما يرتاح في اي سيارة ثانية 

اللي يبيع الفورد بيرجع له 

جلد البلوف لـ 97 تكلف 900 أصلي وكاله بدون فك راس

اكيد الكامري افضل طالما وصلت الى 450 الف 
الكامري عيبة قير عادي والا موتر

الفورد كفى وفى معكم فترة ومسافة ممتازة

الكامري اذا نظيف توكل على الله

ممشى فوردك كثير يمكن يمشيك سنه او سنه ونص واحتمال لاغيرت جلد البلوف يضرب الشنبر ( مجرد توقع ) لكن الافضل تشوف الكامري كان ممشاها اقل من 300ألف 
توظيب الفورد قطع اصليه يكلف نفس قيمة الزياده 
توظيب الكامري لو احتاجت يكلف حدود 6000 لكن مستحيل تضبط الا بتغيير مكينه وبتكر اقل شيء 10آلاف 

بالمختصر كان الكامري مكينتها زينه وومشاها زين مو كثير فكر فيها 
وترا العكس اللي يمشيك قيمته حول 570 لكن الاصلي وكاله حدود 1500

الله يرزقك الشفاء العاجل
و يختار لكم اللي فيه الخير

الكامري أفضل من الفور موديل 97 وتحت اما 2003 وفوق الفورد احسن
الله يرزقك الشفاء العاجل ويرزقك منحيث لا تحتسب وجميع المسلمين +1 لايك للجميع

ابو ركان تعوذ من الشيطان
تكلفه جلد البلوف من 500 إلى 600 كأقصى حد مغيرها بموتري 
وأيضا وش دراك أن الفورد بيمشي سنه أو سنه نص ياحبيبي المحافظه وتغيير الزيوت بإنتظام تعمر معاك السيارة 
وأعرفلك فورد عندنا بالطايف موديل 99 ماشي 900 ألف وماشاء الله تبارك الله الممشى مو مبين عليه

أبو نواف أحسن من أي ناحية لاتنسى أن أبو جميل ماقصر بقطع الغيار رفع أسعاره 100% وهذا خبر قديم وممكن عندك علم فيه
وعلى فكره مساعد الكامري الواحد سعره 1600 لموديل 2006 والـ 2003 نفس الشئ ماتغير أي شئ بالتعليق
والفورد من موديل 93 إلى 97 وهو أطلق الموديلات ومعروف بالقوه والتحمل ورغبته بالسوق وخصوصا 97 ماتغير شئ حاجات بسيطه فقط
من 98  إلى 2011 إلى بدايه 2012  وقوف تصنيعه وهو نفس الشئ ماتغير إلا حاجات بسيطه

نصيحه ياأخوان / تكلموا من واقع تجربه فقط لاحد يفتي من راسه

اخوي عبد الله
شوف الي يناسبك وترتاح فيه وأهم شئ لاتنسى الإستخاره السيارات كلها موديلات قديمه وأنت أفحصها وبتعرف الي فيها 
وجربها كم يوم عشان تشتري وأنت عندك قناعه تامه 
والله يكتب الي فيه الخير لك ولجميع المسلمين..

ياشيخ اخوك صغير اذا كان بالثنويه ولا بثالث متوسط لاتاخذ بكلامه ابد 

يكون معه رجه ويقول ابغاها ابغاها ويوم تشترونها له يجيكم بعد شهرين يقول ليتني كان معاي الفورد 

لاهنتم يا اخوان كلكم 

اخوي ابو طارق كلامك عين العقل جربت الموتر وطلع فيه بلاوي
المساعدات مفقعه والباور فيه ونه والكلتش ثقيل وطقه في القير عند التعشيق واصوات قربعه داخل الموتر 
والبدي مشهب وراعيه يقول لاخوي يبيله تلميع!!!      
يوم شفتها اي تلميع الا يبيله حرق وصنفره ورش بويه 

نصيحه انتبهوا من الاستعجال والثقه العمياء ....
اخوي يحسبها بسيطه الخرابات ماتكلف    اهم شيء عنده المنظر !!
صراحه اغراني بكلامه لكن يوم شفتها ماتوقعت هي !!

جمل الله حالكم وكثر الله خيركم والله يشفيني ويشفي جميع مرضى المسلمين قولوا امين

اخوي do8sh 
انشهد كلامك صحيح كأنك تعرف اخوي 

الله يسعدك +1

اذا الفرد نظيف حرررام تبيعه طبق له جلد بلوف وشف علة الدركسون يمكن ركبة يمكن شي وخله معه احسن له


الكامري اولا قير عايدي يعني مملة ومتعبة وثانيا بيفقد ركوب الفرد وثالثا انها 2003 يعني قديمة والموديل هاذا اغلبها تنقص اذا انت تبي له الراحة من الورش والحالة اشتر له لو اكسنت موديل جديد احسن من انه ياخذ الكامري ولا يقعد على فرده انا هاذا رايي الشخصي هو باز الحين بالكامري لكن صدقني بيفقد الفرد

الله يشفيك ويشفي جميع مرضى المسلمين

اما مساعد الواحد للكامري ب ١٦٠٠ ريال  ههههههههههه حلوه ذي وتقول لااحد يتكلم وهو مايدري ياابو طارق انت اللي تتكلم وانت ماتدري 


بالنسبة لصاحب الموضوع بما ان الكامري يبي لها شغل كثير خلك على الفورد حتى لو ماشي كثير لان حتى لو خبط لا قدر الله مكينته رخيصه ومتوفره 

والله يكتب لنا وياك الصالح ويشفيك ومرضى المسلمين يارب 

انا مابحلف ولا شئ روح اسـأل وتأكد بنفسك يابو ناصر
الأصلي الأصلي مو مايز أو كي واي بي

انت تقصد الطقم يالغالي ماهو المساعد الواحد ومتأكد لاني قد شريته 

ياحبيبي ابو ناصر الحبه الواحده شارينها انا وولد عمي ب 1600 ريال اصلي وكاله لموديل 2006
وفيه انواع كثيره منها مايز وكي واي بي وتايلندي وصيني انواع كثير