رأي العارفين بسيارة بريفيا

هي خلفي انا جربت 2003 قيرها مرة ضعيف

أشكر مرورك  ورأيك وانتظر بقية الآراء.

وعليكم السلام ورحمة الله 
حياك الله أخي أبو عبد الرحمن، السيارة موديل قديم و راح تتعب معها 
نصيحتي أبحث عن موديل أحدث عند كيا أو هيونداي 

بالتوفيق ،،،

أشكرك أبو جود.
هي موديل 97 وصاحبها طالب 8000 ويقول كل شئ فيها على الشرط ماعدا القير يحتاج 
توظيب على حد قوله .
فأنا رغبتها لانها تويوتا ولكن خبرتي فيها قليلة جدا

لا تأخذها خذ الفورد او الهوندا

قريب لي كان عنده فورد وندستار .يقول مافيه ورشة بالصناعية الا ومر عليها والمشكلة يقول 
المهندسين يكرهونها ولا يبون يصلحوها من التعقيد اللي فيها .
لا ويقول القطع مافيه الا طلبية واصلي فقط وغالية في نفس الوقت.

أشكر رأيك أخي fasool95  ولك التقدير 
وبالنسبة للهوندا فأخاف من غلا أسعار القطع 

فكر في الانوفا إذا لقيتها رخيصة ...

رأيك طيب يابو خالد ولا زلت انتظر الآراء.
والله يكتب اللي فيه الخير.

شوف لك من الكوري ممتاز البريفيا خوي معاه الشكل الي تبغاه قطعه غير متوفره بتاتا اخر ره يبغى كرسي جيربوكس وجلده للعامود 
ماحصل ولف محلات تويوتا كلها قالوله مافي فليه تشتري شئ ماله قطع 

جديد بالمنتدى لايك عسى الله يوفقنا وياكم

نعم فالك ابو خالد ( فكر في الانوفا إذا لقيتها رخيصة ... )

+1 لايك للجميع

اذا كنت فاضي كل يوم تروح الصناعية اشتريها 

لانها صراحة ماتطلع من الورشة هذي النوعية بالذات

السيارة ممتازة وعمليه ولكن الموديل قديم والقير تعبان
ولو كانت جديدة كان الوضع غير

اي سياره كبوتها صغير ابعد عنها لان القطع محشوره فوق بعض والميكانيكي راح يصرفك او يطلب مبلغ عالي

والله صدقت يا ابو عبدالرحمن 
فكر بالهونداي h1 او بالجمس ألفان او الجمس السوبر بان 

السلام عليكم

كان عندي بريفيا تقريباً نفس الموديل طلعت روحي معاها
بالعربي السياره ماتسوى

متعبه وغير مجديه