أضف سؤال أو موضوع جديد          

تامين المركبه بعد الحادث

up 1 down 4



السلام عليكم ورحمه الله وبركاته. اخواني اليوم الساعه ١ فاليل قدر الله وصار علي حادث والحمد لله يوم سلمنا انا واخوياي. كان قدامي تحويله ومطب صناعي وهديت عند المطب وجاني واحد كويتي يمشي ١٨٠ الله يهديه تقول مايشوف التحويله والمطاب التحذيريه وصدمني من الخلف وانعدم موتره المسكين شاله صطحه وانا موتر تاثر بس يمشي حمد لله ووصلني الرياض  ولا كان بلشت في ديره اسمها الارطاويه حقت الدوشان المهم الرجال نزل معصب وقال ليش ما زحفت يمين ولا تليت موترك يوم سمعت الفرامل (شين وقوي عين ) جا الاسعاف وتطمن علينا وعليهم جزاهم الله خير  الرجال حطو المرور الخطا عليه ١٠٠-١٠٠ وحذف بوجهيي تامين وكال في امان الله صراحه انصدمت المشكله يا اخوان والسوال كيف اخذ حقي من التامين وكيف الطريقه تامين التعاونيه وهل لازم اراجعهم في الرياض ولا ارسلهم الاوراق انا في شقراء علما ان موتري بيكلف من ٤٠٠٠ وحوله حسب التوقعات وجزاكم الله خير الجزا







إبلاغ إبلاغ



الردود


المرور يعطيك ورقة تروح لثلاث ورش وتسعر الموتر وقطع الغيار واذا كان مكلف يخلونك تروح لشيخ المعارض ويسعرها قبل الحادث وبعده ويكتب الفرق في ورقة ويحطها بظرف توديه المرور المرور يطبع لك برنت تقرير الحادث ويرفق معاها الظرف ويرسلك لشركة التأمين وأهم شي لازم تسويه هو تصور السيارة بعد الحادث وتصور مكان الصدمة كاملة عشان مايشغلونك تروح للتأمين وتعطيهم الأوراق وبعد 14 يوم تجيهم تستلم الشيك

للأمانه التعاونية الكل يمدحهم ولاعندهم مرمطة


up 1 down 1
أبو ناصــر 1282
قبل 11 سنه



زين الحمد لله اني مصور السياره وقت الحادث طيب اذا كان المبلغ من ٤٠٠٠ الا ٥٠٠٠ اويقل اويكثر بشوي يمشي ولا يروحوني شيخ معارض


ابو حاتم موترك كورلا ابيض لني شفت تحويله عند الي توديك حاير كورلا ضارب في صبات حقت تحويله  بنسبه لتامين الله يعينك بتتعب في بدايه لكن راح تحصل لك شي بالاخير 


up 1 down 1
سكودر 14929
قبل 11 سنه



لا يالغالي موتري ددسن غمارتين والحادث اولا الساعه حول ١ قبل الارطاويه فيه تحويله مع الخط السريع بين ام الجماجم والارطاويه


علا طريق الكويت السريع


الورش تقدر يابو حاتم لأن اذا صارت الضربه بالشاصيه يمتنعون عن تسعيرها ويقولون مكلفه لازم تروح لشيخ المعارض لأن هالسالفه صارت لي وانتبه من شيخ المعارض احشرة زين لأنه ظلمني لابارك الله فيه


up 1 down 1
أبو ناصــر 1282
قبل 11 سنه



المشكله موتري جديد والله اني شاريه الخميس الفايت  قبل اسبوع وانعدم صدامه وباب الصندوق وطرف الرفرف الخلفي والاصطب والشاص جاه عفط خفيف جدا


لا الشاص سليم خفيف جدا مايذكر يمكن ٥ صانتي


الحمد الله على سلامه ياابو حاتم بنسبه لتامين اذا شاص انضرب وارباق طلع تالفه يعطونك جديده بدلها هذا الي اعرفه بتامين 


up 1 down 0
سكودر 14929
قبل 11 سنه



اذا الموتر موديل السنه تصليح
وكاله طرقن عن خشومهم يسونه
وجعلها اخر المصايب


عفط الشاصي احتمال تسويلك مسحيه
في الكفرات


عفط الشاص خلفي والموتر مهو جديد بس بودي وكاله ماكد رش ولا سمكر ابد ابد ٢٠٠٢


جزاكم الله خير يا اخوان علا الدعوات


وعليكم السلام ورحمة الله وبركاته والحمدلله على السلامه وماتشوف شر ،

ثم عندي تعليق على الي يقول كلمة ( برنت ) ترى معناها طباعه فما يحتاج تذكرها مرتين 




up 0 down 3
almjrm 72
قبل 11 سنه



هههههههههههههههههههه ^ تحقيط 


up 2 down 1
سآآآل 318
قبل 11 سنه



حمدلله عالسلامة ابو حاتم :) ؛

وشركات التأمين ملزمه تعوضك ١٤  يوم ؛ او ترفع شكوى بمؤسسة النقد ( اتصال ) ؛ ويغرمونهم . 


up 1 down 2
سآآآل 318
قبل 11 سنه



المهم الحمد لله على سلامتكم


up 1 down 0
ابن الـوادي 96
قبل 11 سنه