تقرير تجربتي لهوندا سيتي 2013 - بالتقييم والصور

32 3

لايمكنك التصويت حتى الحصول على 20 نقطة على الأقل
إضغط هنا للإخفاء

أبو يزن ٩٩ 3182
قبل 9 سنه و 9 شهر

﷽ 

تقرير تجربتي لـ :- 
هوندا ( سيتي - CITY ) فل كامل 2013 

في عيد الأضحى ، السنة الماضية . فكرت بشراء سيارة للمدينة تكون صغيرة ، عملية ماافكر ادخلها ورشة صيانة . 

وفي وقتها نزلت موضوع استشيركم قبل سنة ، هل اشتريها أو اشتري هونداي أكسنت 2014 ! 

لٰكن اغلب الآراء نصحوني ب الهوندا لسمعتها وجودتها ، ولا تهون الاكسنت ، بسبب ان هوندا فيها امان وايرباقات وABS

طبعا أنا محافظ علىٰ السيارة وجميع الصيانات في الوكالة عشان الضمان ، بس بعد قرار وزير التجارة سحبت عليهم 

ندخل في التقرير لعدم الاطالة 

بعد تجربة السيارة ، عجبتني بحجمها وماطلع فيها ولا عيب مصنعي او اي مشكلة ما شاء الله . 

اشتريت السيارة فل كامل بـ ( 56 ألف ريال )
طبعا الآن تغير الشكل كلياً 

وهذا تقييمي من ١٠ 

جودة السيارة :- 
[ 10 من 10 ] 
لا اصوات في الديكور مثل بعض السيارات وولا شي 

شكل السيارة الخارجي :- 
 [ 6,30 من 10 ] 
بسبب الشكل الخلفي لك عليه

شكل السيارة الداخلي :- 
[ 7 من 10 ] 

صرف الوقود :- 
[ 9 من 10 ]
بنزين ( 95 ) ممتاز 

مساحة الارجل الخلفية :- 
[ 3 من 10 ] 

قومة السيارة :- 
[ 5 من 10 ] 
لٰكن لو دعست راح تبدل غيار وتسرع بس صوت الماكينة يرتفع

 ثبات السيارة علىٰ الخط :- 
[ 8 من 10 ] 
بدون هواء وسرعة

عزل الهواء :- 
[ 7,30 من 10 ] 
علىٰ سرعة ١٢٠ فما فوق 

مواصفات الفل كامل :- 
- ماكينة 1,5 
- ABS + نظام ايرباقات متكامل
- كشافات ضباب 
- انوار اشارة علىٰ المرايا 
- مدخل يو اس بي و AUX
- مثبت سرعة 
- ازرار تحكم علىٰ الستيرنق 
- تعشيق القير العادي خلف الاستيرنق " رياضي "

عيوب السيارة اللي ظهرت معي :- 
• مقاس كفراتها نادر جدا جدا جدا في السوق ، حبل علي كفر وتعبت وبعد ٥ اشهر حتى حصلت نفس المقاس 
• بعض قطع السيارة غير متوفرة بالمحلات ، فقط في الوكالة ، لان نوع السيارة غير مشهور مثل الاكورد
• المرايات الجانبية صغيرة 
• مساحة الارجل الخلفية ضيقة 
• لا يوجد أمبير لحرارة الماكينة

تعبت وانا اكتب ^_^

وهذي صورتها لكم :- 

((((( اذكروا الله )))))

إبلاغ

الردود