أضف سؤال أو موضوع جديد          

بدال ماتغير حساس الكفر ب 200 ؟ تعال شوف موضوعي

up 14 down 4
hmada1213 2018
قبل 7 سنه و 10 شهر



بسم الله الرحمن الرحيم 

السلام عليكم ورحمة الله وبركاته .

أمسي / أصبح عليكم بالخير أحبابي اعضاء منتدى حراج .

تقبل الله صيامكم وصالح أعمالكم .

اليوم ودي أتكلم عن مشكله ب أغلب السيارات بالذات الجموس بحساس الكفرات 

أمس ولعت عندي لمبة الكفر الخلفي يمين يقول ناقص ، نزلت أعبيه ، وأعبيه ، وأعبيه ؟

عبيته 50 تقريباً بس ماطفت اللمبه ، قلت لايكون خرب الحساس ، أشوفه بكرا العصر . 

صحيت اليوم اللي بعده وللأسف باقي تشتغل اللمبه ، ف كلمت زميل لي وسألته عن المشكله 
وقال كم مقاس الجنط ؟ قلت 20 ، قال أوزن الهواء كلها على 30 بالضبط 

رحت للبنشري وقست هواء الكفرات طلعت مختلفه اللي 25 واللي 33 واللي 38 وواحد 60 اللي هو أمس جلست اعبيه

نزلت منها كلها ووزنتها على 30 بالضبط ، وشفت اللمبه ولقيتها طافيه الحمدلله .

( زبدة الموضوع ) 

قبل لآتغير حساس ب 200 ؟ اوزن ضغط الهواء على حسب مقاس كفراتك .

وإحتمال تطفى اللمبه لآن الحساسات لازم تكون كلها بمقاس واحد يعني من 30-28 كحد أقصى

وإذا ماطفت سو إعادة برمجة وإذا ماطفت غير واحد جديد والشكوى لله . 

وصلى الله وبارك .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هلاحماده فينك 
شكرا ع


up 0 down 0
ابوآصف -74
قبل 7 سنه و 10 شهر



جزاك الله خير علی الموضوع ياغالي ولايك


up 0 down 0
مستشار ابوي 404
قبل 7 سنه و 10 شهر



احنا كان عندنا جمس نفس المشكله بس انا نسمتها الين اخر شي بعدين رجعت وعبيتها ورجعت تمام


up 0 down 0
memo alasiri 663
قبل 7 سنه و 10 شهر



يارجال الأمريكي لازم تولع لك لمبه لمبتين في الطبلون خلاص تعودنا انا اخوي مولعه عنده لمبة التشك انجن ولمبة حساس الكفر من اربع سنين

 فحصت السياره طلعلي ولا عشرين كود قلت لأخوي صلحها بس مطنش سيفووووووون حتى حساس طرمبة البنزين يولع ويطفي واقوله لاتتهاون بكرمبة البنزين يمكن توضب الماكينه لاقدر الله ومطنشششش قلتله لارجعت من اليفر بصلحها لك على حسابي هديه مني لك ☺


up 1 down 0
kaboom smash 645
قبل 7 سنه و 10 شهر



عفوا قصدي طرمبة زيت الماكينه مو البنزين 


up 3 down 0
kaboom smash 645
قبل 7 سنه و 10 شهر



يالييييل قاعد اكتب من الجوال السموحه على الاغلاط قصدي السفر مو اليفر هههههه


up 3 down 0
kaboom smash 645
قبل 7 سنه و 10 شهر



موضوعك ممتاز ياخوي كلامك سليم لان وززنيه السياره تكون مختلفه من كل جهه فيشتغل واحد من الحساسات على انك تنقص زي الكفرات الناقصه لان وقفتها تكون مايله الى الكفرات المنسمه فطبيعي تشتغل وكلامك سليم واهنيك انك كشفت المشكله
وحاول كل اسبوعين تزود الهواء الناقص لانها مشكله لو نسمت وانت بمكان بعيد


up 0 down 0
احمد شريف 3176
قبل 7 سنه و 10 شهر



مرحبا اخوي اذاتبي اللمبه تطفى عب الكفرات 40وبعدين افتح السوتش وادعس جلنط وبعدين ولع النور وطفه مع تكرار العمليه لين ماتدق السياره زامور لحالها وبعد ذالك قم بتنسيم الكفرات لين ماتدق بوري لحالها طبعا الكفر تلو الاخر واذا ما زبطت معاك ارسل لك مقطع لها  


up 0 down 0
الشمال الغربي1 241
قبل 7 سنه و 10 شهر