أضف سؤال أو موضوع جديد          

بدال ماتغير حساس الكفر ب 200 ؟ تعال شوف موضوعي

up 14 down 4
hmada1213 2018
قبل 11 سنه



بسم الله الرحمن الرحيم 

السلام عليكم ورحمة الله وبركاته .

أمسي / أصبح عليكم بالخير أحبابي اعضاء منتدى حراج .

تقبل الله صيامكم وصالح أعمالكم .

اليوم ودي أتكلم عن مشكله ب أغلب السيارات بالذات الجموس بحساس الكفرات 

أمس ولعت عندي لمبة الكفر الخلفي يمين يقول ناقص ، نزلت أعبيه ، وأعبيه ، وأعبيه ؟

عبيته 50 تقريباً بس ماطفت اللمبه ، قلت لايكون خرب الحساس ، أشوفه بكرا العصر . 

صحيت اليوم اللي بعده وللأسف باقي تشتغل اللمبه ، ف كلمت زميل لي وسألته عن المشكله 
وقال كم مقاس الجنط ؟ قلت 20 ، قال أوزن الهواء كلها على 30 بالضبط 

رحت للبنشري وقست هواء الكفرات طلعت مختلفه اللي 25 واللي 33 واللي 38 وواحد 60 اللي هو أمس جلست اعبيه

نزلت منها كلها ووزنتها على 30 بالضبط ، وشفت اللمبه ولقيتها طافيه الحمدلله .

( زبدة الموضوع ) 

قبل لآتغير حساس ب 200 ؟ اوزن ضغط الهواء على حسب مقاس كفراتك .

وإحتمال تطفى اللمبه لآن الحساسات لازم تكون كلها بمقاس واحد يعني من 30-28 كحد أقصى

وإذا ماطفت سو إعادة برمجة وإذا ماطفت غير واحد جديد والشكوى لله . 

وصلى الله وبارك .







إبلاغ إبلاغ



الردود


هلاحماده فينك 
شكرا ع


up 0 down 0
ابوآصف -74
قبل 11 سنه



جزاك الله خير علی الموضوع ياغالي ولايك


up 0 down 0
مستشار ابوي 404
قبل 11 سنه



احنا كان عندنا جمس نفس المشكله بس انا نسمتها الين اخر شي بعدين رجعت وعبيتها ورجعت تمام


up 0 down 0
memo alasiri 663
قبل 11 سنه



يارجال الأمريكي لازم تولع لك لمبه لمبتين في الطبلون خلاص تعودنا انا اخوي مولعه عنده لمبة التشك انجن ولمبة حساس الكفر من اربع سنين

 فحصت السياره طلعلي ولا عشرين كود قلت لأخوي صلحها بس مطنش سيفووووووون حتى حساس طرمبة البنزين يولع ويطفي واقوله لاتتهاون بكرمبة البنزين يمكن توضب الماكينه لاقدر الله ومطنشششش قلتله لارجعت من اليفر بصلحها لك على حسابي هديه مني لك ☺


up 1 down 0
kaboom smash 646
قبل 11 سنه



عفوا قصدي طرمبة زيت الماكينه مو البنزين 


up 3 down 0
kaboom smash 646
قبل 11 سنه



يالييييل قاعد اكتب من الجوال السموحه على الاغلاط قصدي السفر مو اليفر هههههه


up 3 down 0
kaboom smash 646
قبل 11 سنه



موضوعك ممتاز ياخوي كلامك سليم لان وززنيه السياره تكون مختلفه من كل جهه فيشتغل واحد من الحساسات على انك تنقص زي الكفرات الناقصه لان وقفتها تكون مايله الى الكفرات المنسمه فطبيعي تشتغل وكلامك سليم واهنيك انك كشفت المشكله
وحاول كل اسبوعين تزود الهواء الناقص لانها مشكله لو نسمت وانت بمكان بعيد


up 0 down 0
احمد شريف 3174
قبل 11 سنه



مرحبا اخوي اذاتبي اللمبه تطفى عب الكفرات 40وبعدين افتح السوتش وادعس جلنط وبعدين ولع النور وطفه مع تكرار العمليه لين ماتدق السياره زامور لحالها وبعد ذالك قم بتنسيم الكفرات لين ماتدق بوري لحالها طبعا الكفر تلو الاخر واذا ما زبطت معاك ارسل لك مقطع لها  


up 0 down 0