تجربتي مع تجديد الاستمارة والفحص الدوري ..

13 2

لايمكنك التصويت حتى الحصول على 20 نقطة على الأقل
إضغط هنا للإخفاء

max_9ms 2356
قبل 10 سنه و 4 شهر

السلام عليكم ورحمة الله وبركاته 

احبتي الكرام ابطرح لكم تجربتي مع الفحص الدوري نظرا لكثرة الاستفسارات حوله بالاضافه الاستمارة ومايخصها 


بطبيعة الحال اول شي عملته كان التأمين على المركبه واتجهت للعربيه وتم التأمين بمبلغ قدره 850 ريال 


ثانيا .. اتجهت للفحص الدوري .. مع العلم ان اوقات دوامهم برمضان من 8 الصبح الى 5 العصر 

انا توجهت لهم حول 4 ونص وخفت يكونون مقفلين لاني تأخرت لكن لحقت عليهم الحمد لله 

بالبدايه اعطيت الرجل اللي بالاستقبال قيمة الفحص وهي 73 ريال 
( في حال تم الرسوب تعود في مدة اقصاها اسبوعين وتدفع 24 ريال فقط ) 

ثم توجهت للمسار ونزلت من السياره واستلمها الفني

وهي 4 مراحل للفحص وباختصار ..
 اكثر شي دقق عليه .. 

1 .. المساحات وعدم وجود شعر بالزجاج الامامي
2 .. الانوار الاماميه والخلفيه مع الاشارات والريوس 
3 .. البريك الامامي + والجلنط
4 .. نسبة الكربون (  وضع لي صغير بداخل الشكمان وظهرت النسبه على الشاشه امامه ) 
5 .. التضليل .. وانا كنت كاتم كل الموتر ولكن كلمني رجال سعودي من الفحص قال شيلها ولا تراهم بيرسبونك وشلتها 
القزازتين الاماميتين + اللي بالوجه 

ثم عطان ورقة الفحص وعديته ولله الحمد


الخطوه الثالثة .. دخلت نظام ابشر .. ثم سجلت مستخدم جديد 

ويعطيك خيارين لتوثيق الهويه واكمال التسجيل  .. اما عن طريق الذهاب للجوازات 
او عن طريق مصرف الراجحي والخطوات سهله وموجوده بالموقع ( ابشر ) 

ثم سددت عن طريق الصراف 250 ريال والتجديد لغاية 1438 
( دفعت 250 لانها مطوفه 5 شهور ) 

ثم دخلت على ابشر واخترت تجديد المركبه وظهرت معلومات ماكنت اعرفها صراحه مثل وقت دخول السياره للمملكة وميناء اللي تم وصوله عن طريقه 

المهم جددت ثم قال اتجه لاقرب فرع وخذ نسخه جديده من الاستمارة وانا بصراحه كل يوم اقول بكرا وانتم خابرين اوقات دوامهم من 10 ل 2 ونص وانا ناايم ماقوم هالوقت ههههههههههههه


المهم اي استفسار حاضرين 

إبلاغ

الردود