ماهو زيت المكيف او الكمبروسر والطريقة الصحيحة لتعبئة الفريون

وعليكم السلام ورحمة الله وبركاته

الزيت هو يجي لونه ازرق لون غريب ويحطون مقدار بسيط تقريبا نصف فنجال الشاي يكفي

ولو بتغير الكمبروسر الافضل وضروري تسوي تنظيف للدورة كاملة المواصير مع رديتر المكيف

لانه لو ما سويت تنظيف للدورة بيشتغل معك اسبوعين او شهر بالكثير ويضرب مره ثانيه

بالنسبة للكمبروسر سعرة غالي حق الهوندا الله يعينك لكن لو تغير كلتش و كويل يكفي ما ادري وش المشكله عندك بالضبط

ياليت توضح المشكله وش فيه الكمبروسر عشان تغيره

زيت مكيف خذ اصلي  يجيك اخضر  امريكي او الماني  

 بنسبه  للفريون فيه امريكي وفيه صيني  الافضل امريكي ومكتوب عليه USA

هلا بالطيبين
المشكلة اللي عندي ان الكمبروسر صلب ولا عاد يبرد ولا حتى يطلع هوا
واذا على السعر الله يخلي المستعمل ب600 ريال

وش تقصد اخوي ( سقوط الاقنعة) بالكلتش والكويل؟
اعذرني خبرتي محدوده ببعض اجزا السياره

وان شاء الله بسوي تنظيف للرديتر والمواصير حق المكيف

واخوي( سكودر) وين ينباع هالزيت وكم تتراوح اسعاره؟

جزاكم الله خير جميعا

فرق بين صلب وبين ما يطلع هواء

هنا مشكله وهنا مشكله

ما يطلع هواء ماله دخل بالكمبروسر لانك حتى لو فكيت الكمبروسر وتشغل المكيف

راح يطلع هواء حار لان تحكم دفع الهواء من المروحه ماله دخل الكمبروسر

الكمبروسر يبرد فقط كيف عرفت انه صلب

الا لو عندك مشكلتين الكمبروسر صلب و المروحه خربت او انفصلت مع بعض بتكون مشكله غريبه

عموما الكمبروسر يدور او ما يدور

ولو ما يدور له صوت لو شغلته او بداية الخراب كيف كانت وحولينه فيه رايش حديد متناثر او لا

والله ياخوي عرفت انه صلب على كلام اكثر من كهربائي
والمشكلة كالتالي
اول مااشغل المكيف على الدرجة الأولى تهتز السيارة ولايطلع هو اساسا
وتحس انه السير حق المكيف مشدود وبينقطع

طيب على الدرجة الاولى ما يشتغل طيب لو زدت الهواء

عموما صلب حسب كلامك لان السياره تهتز والسير يكون مشدود

رغم ان السير من الاساس يكون مشدود سواء صلب الكمبروسر او لا

لو الكلتش او الكويل انحرقت بيكون فيه اثار رايش حديد متناثر حولين الكمبروسر

هنا تقدر تغير كلتش وكويل لو مستخدمه لان الكمبروسر نفسه صعب يخرب

تخرب القطعتين اللي ذكرتها لك وتحصلها حسب نوع السياره وبالغالب تحصلها موجوده عند محلات المكيفات

ولو انك بجدة فيه بصناعية بني مالك محلات متخصصه فقط لبيع قطع الكمبروسر مفرقه مستخدمة ونظيفه

لو ترسلي رقمك بالخاص افضل

والصراحة مالاحظت اذا كان في رايش او   لا

وللعلم هذي مو اول مره اغير فيها الكمبروسر

قبل حوالي شهرين. صارت نفس المشكله 
وغيرت الكمبروسر. وصار المكيف ممتاز. وقعد حوالي شهر ونص ورجعت المشكله

الظاهر مثل ماتفضلت السبب عدم تنظيف رديتر المكيف والمواصير 
هو. سبب رجوع المشكله

مايمديني ازيد الهوا. اذا على الدرجة الأولى احس انه في شي ينقطع او ينفجر
فمااتجرأ وازيد الهوا.   فانااقول احسن شي اسويه اني اطفي المكيف

وابشر برسلك رقمي على الخاص

تحصله بقطع غيار شفروليه 

اخوي يمكن من الرمان حق بكرة الكمبروسر مصلب علشان كذا يشد السير او انه الكمبروسر اساسا مصلب من الداخل
نزل السير ودور البكرة بيدك حقة الكمبروسر هل تدور معاك او لا

نصيحة إذا بتغير الكبمرسر وتعبي فروين نضف المواصير كاملة ونظف الثلاجة وبخصوص الفريون يجي نوعين أمريكي وصيني عب الأمريكي وترا الأمريكي يجي نوعين النوع الأول الأصلي والنوع الثاني ناسي اسمه بس الزبدة خله يوريك العلبة وتشوف عليها us أمريكا واشرط علية يكون الأمريكي الأصلي لأنة زي ماقتلك يجي نوعين وبالتوفيق 

اخوي في السماء غيم الأخوان ماقصروا معك وكلامهم صحيح 

اولاً قم بتنظيف الدوره كامله تشتري زيت فريون جركل كبير قيمته اعتقد خمسين او ستين ريال 

ثم تصبه مع الليات والمواصير حتى يدخل الثلاجه والدوره كامله ويرطب الرايش القديم الموجود فيها

ثم تتركه ساعتين او ثلاث 

ثم تغسله بالبنزين وتنفخه بهواء ضغط عالي حتى يطلع الوسخ كله 

ثم تغير الرديتر وتغيير الرديتر شرط اساسي 

ثم تغير الفلاتر وتركب كل شيء وتأكد ان الكمبروسر جديد واصلي 

ثم يضغطها الكهربائي هواء عشان يتأكد ان مافيه تهريبات وتنسيم 

ثم يفضيه ويعبيه زيت اصلي حق الكمبروسر فيه نوع اصلي علبه صغيره قيمتها اعتقد 90 ريال 

طبعا ً يعبيه اقل من البياله حقت الشاهي 

ثم شغل وعب فريون اصلي وإن شاءالله يضبط 

بس انتبه لاتتهاون في النتظيف 

لو تركب كمبروسر الوكاله وانت ماغيرت الرديتر ولانظفت صدقني ماتستفيد اي شيء ابد

السلام عليكم ورحمة الله وبركاته
جزاكم الله خير. ماقصرتوا اخواني الكرام بيض الله وجيهكم

ابشركم تم تنفيذ نصايحكم وتم اصلاح المكيف والان يعمل على اكمل وجه

لكم دعوه بظهر الغيب عسى الله يكثر من امثالكم
وعيد مبارك عليكم وكل عام وانتم بخير

واسف على التأخير في الرد لانشغالي بعيد عن الموقع

وتستاهلون لايك لكل واحد فيكم

زيت البترومين عبيت من البلد وسافرت 400 كيلو  وراح الزيت كله الزيت كان اصلي
ومافيه تهريب و سوا لي مشاكل بالسيارة 
# رد على صاحب الموضوع

جزاك الله خير اخوي اطرب على الافادة 
بس مستغرب اكثر الناس تمدحه
يمكن الزيت اللي شريته مغشوش 
والله يعوض عليك ان شاء الله