ارغب في شراء سيارة من الامارات و من يتفضل بتزويدي بالمعلومات

اول شي يكون معك جوازك و الرخصه ويكون عند رمز بريد ب اسمك تقدر تطلع وانت واقف
من البريد السعودي .. 2-تاخذ جوازك وتروح لاي مطار وتوقف في المواقف مدة ربع ساعه بالكثير وتدخل للمطار واسال

عن الجوازات وتطلب منهم طباعة الرقم الموحد( مطار الشارقة على سبيل المثال)
( سدد قيمة الموقف 10 درهم قبل تطلع من المواقف)
3- تروح لادارة الهوية وتجيب معك جوازك+ برنت الرقم الموحد من الجوازات الاماراتية + 250 درهم ، تاخذ رقم تصف سرى( يفضل عندك رقم جوال اماراتي )
4- يجي دورك تعطي الموظف اوراقك ويرحب فيك

يسالك عدة اسئله جاوبه بكل صراحه وبيسالك وين ساكن قله باالفندق الفلاني الحي الفلاني
5 - يبصمك ويصورك ويقول تعال خذها بعد ساعة بكل ترحيب وابتسامه :):)
وابيك تدعي لى ان لله يرزقني وللمسلمين

الله يوفقك هذي معلومات لم تمر علي و يرزك و يرزقنا و جميع المسلمين الجنة بلا حساب او عقاب 


بس بالنسبة لموديلات السيارات الي اعرف انه اخر خمس سنوات و في بعضها لو جديدة ما تتجمرك يعني موديل 2010 وهي سليمه من كل عيب؟ افيدوني جزاكم الله الف خير 

بالتوفيق ... والله يجزاك خير يالزهراني على الافاده +1 لايك للجميع

ومن قالك رخيصه بالامارات

؟؟؟

بتلقى رخيص بس بتلقاها صار لها حادث او مرشوشه

بتروح وبتشوف الاسعار بنفسك

اذا عندهم بدموعه توصل للـ 55 موديل 2010 امريكي لكزس

عندنا امريكي 2010 برفعت الخشم يقول 80 و مالي حد ولا احد يسوم تحتها ويقولك كل شي نظيف وهي ما فيها شي سليم حتى المثلث مكسور


ي رجل الموضوع خرافه عننا ولو معي 2010 و مريت المعرض الي انا مشتريها منه ما اداني 60

الله يوفقك ويسهل امرك 

وانقل لنا تجربتك بعد الشراء

الله يسهل امرك وافحص السيارة
ومبروك مقدما

الامارات أول كانت رخيصة ، الحين سياراتهم ارتفعت شوي ، الا اذا انت بتوقف عند مدخل المعارض وتشتريها من إماراتي على طول ، فتطلع رخيصة عليك 

انا سمعت والله اعلم

يقال ان السيارات في الامارات رخيصه لانها تجي من برا نص ونص مهرقله

ويتم رشها وتظبيطها ب1000 درهم كاامل من الصدام للصدام
وتنبياع على الخليجيين على اساس انها شد بلد

ما انكر ان سياراتنا غاليه صحيح ومبالغ جدا بأسعارها
لكن شوري عليك ونصيحتي لك اشتر من الدمام او جده الموانئ دائما ارخص
وانحش من الرياض وطقته .

الاخوان ماقصرو ياخوي لكن عليك بالفحص واهم شي يكون التابع لدوله .. اذا بتشتري من إمارة ابوظبي او مدينة العين .. افحص عند أدنوك .. وإذا في إمارة دبي عندك في معارض العوير وكذا مكان في دبي .. فحص ال RTA .. وإذا في إمارة الشارقة .. عندك قرية تسجيل ... والله يحفظ الجميع

بارك الله فيكم  

اخي الكريم تغيرنظام استخراج البطاقه السكنيه
اذا تبي تتملك سياره بلوح اماراتيه في شروط توهم مطبقينها
واسهلها يكون عندك ايجار بيت او فله
توني راجع من الامارات ورحت لللشارقه ودبي وكلهم رفضو وقال لي الموظف لازم تتوفر فيك احد الشروط

حسب ما قريت فالمنتديات ان سيارات الامارت بالذات الامريكي تجي مصدومة ولا غرقانة ويصلحونها ويضبطونها وعشان كذا تتطلع رخيصة اما النضيف ماسك سعره واذا كان ارخص بيكون شي بسيط ولا حق التعب والهجوله والجمارك 

و الله يا اخوان دخنا في ذا البلد الله يحميه من شر النفوس الي تزهق اهله اجل سيارات 2006 و 2005 توصل للـ 50 وين يا اهل العقول 

اذا جيتهم بها قالوا اوف موديل قديم و اذا بغيتها من عندهم قالوا مرغوب افضل شي نحول نصب مثلهم و لا كيف احترنا يشتغلون بينه ولا بمصلحتهم بعدين الشريطية ياخي استرزق بس بالشي الطيب 
و ترى المبالغة في السعر عن سعر السوق الحقيقي هذا فيه ظلم لكن تفهم مين ناس جاهله الا من رحم الله و الله ي وجيه تسد النفس حتى الابتسامه لو تلقها فيهم بالضحك النجاسه لكن باذن الله ربي يضيق عليهم حتى يعتدلون