ابغا اروح عمان ؟

صباح الخير ههههه سوالك هذا انا في اعمل ع هالخط ودايم وبالهبل يجوني حقين عمان وسالتهم البارح ههههه واحد يقول جاي من صلاله الى الاحسا ١٩٠٠ كيلو والثاني يقول من عممان الى الاحسا ١٢٠٠ وش الفرق بيتهم مدري اكيد بر عن طريق الامارات ويفيدونك اكثر الاخوان 

الله يسهل دربك يارب وتوصل بالسلامه 

بالنسبة للموضوع يفيدونك الاخوه ان شاء الله 

شاقح راح لعمان العام الماضي او اللي قبله ماني متذكر بالضبط بيجيك ان شاء الله وبيفيدك 

شاقح يفيدك باذن الله

يعطيكمم العافية ^^ 
وانتظر باقي الاعظاء .. 

اذا عندك مقدرة في الذهاب لعمان بالطائرة انصحك روح لها وتستأجر سياره من هناك احسن لك من هالخط 

صح لو الخط ماهو طويل يعني زي الامارات تقريبا 800 كيلو من الرياض لدبي عادي اما 1900 كيلو على قولة حبيبنا دوريه والله بعيده هههههههههههههه

ما ضنتي فيه طريق من عمان للسعوديه مباشره. الاغلب تروح لدبي ومناك تدخل لعمان

شكراً شكراً 
Camry 
مستريح البال .. 

انت وين رايح ... شرق عمان ام غربها؟
انصحك تروحها عن طريق الامارات وناسة وممتعة وتمر بدولة ثانية وامان اكثر بعد الله ... من الهفوف لابو ظبي للعين ثم لعمان ما تزيد عن 1000 كيلو تكون في شرق عمان
افضل ما تقطع الربع الخالي

اخوي فيه طريق
ومن الاحساء تقريبا 1000كيلو
لكن ما زال تحت الانشاء وإن شاء الله يفتح قريب
وإن شاء الله بداية1436



اما الثاني
عند طريق الامارات وبعدين عمان
تقريبا بيطلع عليك2300كيلو

من الاحساء الى الامارات 260كيلو
من الامارات الى عمان 1000كيلو تقريبا
من مدخل عمان الى صلاله1000كيلو تقريبا



اهم شي البنزين لا ينزل على النص
لان فيه اماكن يبعد المحطه عن الثانيه200كيلو
وما تضمن فيها بنزين اولا

تروح وترد بالسلامه إن شاء الله

وعليكم السلام

هناك طريقين:
الأولمن الرياض طريق الدمام الى مفرق النعيرية 258 كم
من مفرق النعيرية الى الهفوف 119 كم
من الهفوف الى سلوى (محطة فقط ) 134 كم
من سلوى الى البطحاء ( مركز الحدود للسعوديه ) مع الامارات 132 كم
هنا تامين على المركبه ضروري ربما تسأل عنه حتى في العوده ومدة التأمين حسب المده اللتي تتوقع انك ستقضيها .
من الغويفات ( مركز الحدود للامارات مع السعوديه ) الى العين الأماراتيه 453 كم
من العين – البريمي إلى مزيد ( المركز الحدودي بين الامارات وعمان ( 20 كم
هنا تامين ثاني على المركبه ضروري ربما تسأل عنه حتى في العوده
من مزيد الى عبري مدينه في عمان بها جميع الخدمات 112 كم
من عبري الى الغابة (محطة فقط ) 235 كم
من الغابة الى هيماء (محطة فقط ) 200 كم
من هيماء الى الغافتين (محطة فقط ) 95 كم
من الغافتين الى مقشن ( مافيها محطة ) 68 كم
من مقشن الى قتبيت (محطة فقط ) 60 كم
من قتبيت الى ثمريت ( مافيها محطة ) 194 كم
من ثمريت الى صلالة 78 كم
هذا الطريق تقدر مسافته ب 2000 كم تقريباً
هناك طريق ثاني عن طريق مسقط وهو يزيد عن الطريق الموضح اعلاه بحوالى 500 كم وهو كالتالي : -
البطحاء الحدود السعوديه مع الامارات الى ابو ظبي – دبي – الشارقه – الفجيره- كلبا ( الحدود الاماراتيه العمانيه )
كلبا الى مسقط ( مروراً بمدن وقرى وهجر عمانيه مناظر رائعه وطريق سريع مزدوج وبه جميع الخدمات )
مسقط الى نزوى ( طريق مزدوج سريع وبه جميع الخدمات )
نزوى الى الغابه ( وهناك ملتقى الطريقين اللذي عن طريق العين والقادم من مسقط )
الغابه الى صلاله نفس الطريق المذكور سايقاً
وهذا الطريق تقدر المسافه فيه ب 2500 كم تقريباً


ولا تنسى فحص السيارة وضغط الكفرات والكفر الاحتياطي

درب السلامة

عذب المعاني يعطيك العافيه
لا ينزل البنزين عن النصف مقطعة بين المحطات

روح بر وتوكل على الله اذا انت من هواة المكشات سيارة رفيعة ودبل وعزبة متكامله

واذا غير كذا روح جو
وانصحك بالاختيار الاول ديرة تفتح النفس بس ما ادري كيف الارض جاها مطر والا لا


اضف الى ذلك الشقق عندهم لك عليها خذ فراشك وبطانياتك


ولا تنسى ادوات الحلاقه الخاصة فيك خذها معك

واذا شريت ذبيحة لا تذبحها في المصلخ راح تندم اذبحها في البر النظافة والشغل صفر ويخدرونها بالكهرب


على العموم تروح وترجع بالسلامة

ماعندك اﻻ نطلع الحساء بعدها 
طريق حرض الى المنفذ طريق 
سيد واحد خدمات شبه معدومه 
فيه كذا مقطعه بالخط عب فل 
قبل ماتدخل اﻻمارات
بعدها عمان 
اقرب شئ لحدودنا مع عمان الى هي 
الخرخير بس مدري فيه منفذ هناك او ﻻ
-------؛؛-
واذا كانك تبغا الشور شفلك واحد من اهل 
اﻻمارات واساله عاد عن الخط و المسافه 
وكل الى في بالك

فيه طريق من عمان الى السعوديه يطلعك مع طريق حرض
سلطنة عمان خلصوا منه وباقي السعوديه مسكينه ماخلصوا هههههههههه

انت وين تبي تروح لعمان ؟ عندك مكان معين ولا بس تبي تسوي مثل السعوديين يروح صلاله ويرجع وبس !!!

الاخوه ما قصرو معك


الاهم ان المشوار طويل ومتعب واذا كم يوم وبترجع تراه متعب جدا والمشوار حوالي 2000كلم

طلعنا مره ولكن اكثر من واحد يسوق ولكن لازم تجلس 5 ايام والا متعب

طيران مع العربية اريح لك و الا بلاش
انا العام رحت الامارات طيران
و واحد من الجماعة راح بالسيارة و الله تعب و بالنهاية استخدم المترو و التكاسي
كيف عاد عمان و هي ابعد

يعطيكم الف الف عافية جميعاً ' 

الله يعينك وش تبي بالمشوار 
اطلع بالطياره واستأجر سياره من موقع تأجير السيارات قبل لاتسافر 
ملاحظه التأجير عندهم ماله علاقه بعدد الكيلومترات المقطوعه

الله يعينك الخط مسافة بعيدة جدا وخط متعب 

 اذا مشيت خط ريح في الامارات يوم بعدين اطلع سلطنة عمان 

لو تطلع طيران اريح لك لان مشوار بعييد