يعوض الله عليك..خلاصه زياره صيانه تويوتا البديعه_للتصريف فن

10 4

لايمكنك التصويت حتى الحصول على 20 نقطة على الأقل
إضغط هنا للإخفاء

أبــوســالــم 775
قبل 10 سنه و 5 شهر

مساكم ربي بالخير بعد السلام عليكم ورحمة الله وبركاته

كتبت قبل تقريبا 3 ايام عن مشكله تهريب فريون المكيف بشكل مفاجئ وكامل


رحت فرع خريص وكان ردهم المراجعه بعد العيد بأسبوع _ وانا اصب عرق من الحر ههههه 
ومع الصيام 

وكان رد المصري _ اذا العربيه ما وعأت بحادث ولا اكلت مطب اوي هيكون التصليح على الضمان 

قلت له متى ؟
قال بعد العيد جبها لينا وحيشيك عليها المسؤول عشان بعدين حنرفع تقرير للوكاله وهم هيحددون هتتصلح بالضمان ولا لا 

هههههههه
عالعموم انا اذكر قبل سنه تقريبا جاها حادث لكن كل الاضرار خارجيه _ صدام _ شمعه يسار _ رفرف _ طرف بسيط للكبوت 
لكن ما وصل شي للرديتر ولا الاجزاء الداخليه نهائيا وماشيه معي زي الحلاوه 

عالعموم طقت براسي اروح فرع البديعه 

ورحت فرع البديعه بالرياض ودخلت استقبال الصيانه وانتظرت حتى يجي دوري تقريبا ساعه وربع 

جاء دوري كلمت المسؤول نسيت اسمه لكنه كان ثاني مكتب على يمين الكاشير واحد اسمر ومتين

قال لي صيانه ولا مشكله .. قلت له مشكله 

قال وش المشكله وقلت له السالفه 

قال ما فيها حادث 
قلت له كلها حوادث خارجيه
قال عالعموم بعد العيد لو فيه تصليح لكن ابشوفها 
ورحنا للسياره وشغل الكشاف 

وقال لي اهاااا شوف شوف عندك العمود هذا محكوك مع البدي 
واناظر والاقيه محكوك فعلا
قلت له وش فيها طيب كذا محكوك 
قال لي الي غير السمكري الي غير لك الصدام لعب بوزنيته 


المهم قلت له طيب ليش التهريب جاء من اسفل بالشبك الاسفل ويوم فتحت الكبوت يوم سربت ما شفت يهرب من عنده مكان هذه الماصوره

قاعد ينتع بالكلام ولا عرف وش يقول 

قلت يا مسلم التهريب كله من تحت .. وما جاء التهريب من هذا العمود 
قال لي طبيعي ياخي لانه ما يلاقي الا من تحت 
من اقبح الاجوبه الي مرت عليّ ههههههه
وكل شي اردد له السؤال ولا يعطيني جواب علمي مقنع 

يا مسلم انا معك الماصوره انشرحت من فوق وهذا بسبب السمكري .. ما قلنا شي 
لكن المفروض اذا الفريون راح يهرب يهرب من نفس مكان الشرخ 
لكني شفت الدنيا كلها من تحت .. بل اسفل شي من تحت 

ما اعطاني جواب مقنع 

في نهايه الشد والاخذ 
قال لي الله لا يهينك على حسابك التصليح ومافي امل نصلحها على الضمان _ بهذا اللفظ السوقي

شركه عملاقه وموظفينها الفاظهم سوقيه الا ما رحم ربك

عالعموم ممكن اكون انا غلطان وممكن هو 
انا ما ودي اظلمه ولا اظلم نفسي بعد


فممكن احد منكم يشرح لي سالفه الشرخ من فوق و التسريب من تحت ؟

لعل احد يكون افهم من الوكاله ههههههه


والصوره الاولى والثانيه توضح مكان احتكاك عمود المكيف 
والثالثه توضح ان الفريون مخلص 




وخلاصه زيارتي للصيانه 
• اعلم علم يقين ان الوجه الي يقابلونك عند شرائك للسياره هو وجه مختلف تماما عن الوجه الذي سيقابلونك عند وجود مشكله معينه
وأقل ما يفعلونه معك 
↓↓

# صيانه تويوتا _ للتصريف فنون

إبلاغ

الردود