استفسار عن قرض البنك

يعلق اسمه في سمه مثل ماحصل مع شخص اعرفه من 7 سنوات واسمه معلق واذا رجع توظف يرجع للبنك ويسوي جدوله جديده حتى يسدد ويفتك منهم بس في نقطه مهمه اذا مثلا اخذ قرض 100 الف وسدد 10 آلاف وبعدها سحب عليهم كأنه مادفع ولا ريال يرجع عليه كامل المبلغ حتى وان سدد الميه مابقي غير الف ترجع كلها عليه حسب مافهمت من مندوب التحصيل

ماله علاقه البنك فيه

اذا اخوك مايبي مشاكل
يرجع القرض لهم
احتمال البنك يقدر وضعه وياخذ القرض ويحل مشكلته
واحتمال ياخذ القرض ويجبر اخوك انه يرجع الفوائد ( الربويه )

او
يقول لخوك خذ القرض وسدد الاقساط حقته حتى ينتهي

اما ان اخوك ياخذ القرض وبعد مايلقى وظيفه يسددهم فهذي مشكله 
ممكن يحطونه فالبلاك لست
او خل اخوك ياخذ القرض ويسدد سواء متوظف او لا

بيض الله وجيهكم وماقصرتي على ردكم الوافي كان ودي اقيمك بس مدري وش فيه الموقع ماعرفت له شكلي
الف شكر لكم جميعا

اتصل عالبنك ؛ قسم التمويل ؛ وسالهم :) 

مرحبا بالجميع اخوي ماجد انا اخوي أخذ من بنك الأهلي قرض 70 الف وسدد 10 الاف وبعدها فصل من الوظيفه العسكريه جلس عاطل سنتين وبعدها توظف وراح للبنك قال بسددكم كاش قالو سدد 55 الف بس وبعدها نزلو اسمه من سمه بعد شهر من التسديد  يعني لو اخوك بيسدد بعد كم سنه بيخصمون له بس عشان يسدد لانها تسمى ديون معدومه ويبون العميل يسدد بس 

الله يعينك ويسهل امر اخوك

البنوك لا تقبل بالسداد الا مع الفوائد

ولكن من الافضل انه يعمل بشكل مؤقت في عمل يوفر له دخل يسدد بع الدين

مثال ذلك سيارة لموزين راح تكفيه باذن الله مصاريفه ويسدد وبدون ما يحتاج الى احد

الله يعطيكم الف الف الف عااافيه جميعا وماقصرتوا ردودكم وافية لي جميعا

اذا كانت الوظيفه طيبه حاولووو فيه يرجع ،،

مايخفيك ،، الانسان معرض لضغوط والازمات النفسيه ،، حاول فيه انه يتحمل لعل وعسى ان الله يهديه ويرجع لوظيفته ولله يوفقه ويسهل امره ،،،،،،،،،،،،

اخوي :

اخوك ليس سارق اخوك مقترض وصار متعثر بدون وظيفه كيف يسدد .
الاجراء يكون بلاك لست في البنوك ما يقدر ياخذ قرض ثاني فقط .
ويقولون فيه قرار منع اصدار جواز سفر .مدري تطبع او لا .
الله يرزق بالوظيفه الطيبه ولعلها خيـره .