تجربة شراء كاميرا تسجيل للسيارة ـ حياكم فيديو جولة في شوارع المدينة

114 12

لايمكنك التصويت حتى الحصول على 20 نقطة على الأقل
إضغط هنا للإخفاء

أبو يزن ٩٩ 3182
قبل 10 سنه و 4 شهر

بسم الله الرحمن الرحيم 

الموضوع هذا انا اشتغل فيه من ٣ ايام ، تصوير ورفع وجمع واقتصاص لطلب الاعضاء

*****************

كلنا نشوف مقاطع يوتيوب لحوادث في روسيا 

هذي الكاميرا صغيرة ، تُثبت على القزاز الامامي ، وتسجل كل شي يصير قدام السيارة من يوم تشغل السيارة الى ان تطفيها 

في روسيا شركة التأمين تسوي خصم لكل من ركبها لان عن طريقها تعرف سبب الحادث بوضوح

فأنا عجبتني وبحثت عن افضل نوع رخيص واشتريته عن طريق موقع امازون 

***********************

واشوف الكاميرا هذي مفيدة وضرورية ، بعض فوائدها في نظري :- 

• لو لاقدر الله صار لك حادث ، تقدر ترجع للكاميرا وتعرف سبب الحادث وتعرف الخطأ على من وبالتالي يكون تقدير الخطأ دقيق اكثر ، وتقدر تعرض الفيديو على العسكري او موظف نجم 

• احيانا بعض اللي مايخاف الله يصدمك ويهرب ، لا تلحقه ولاتعرض نفسك وغيرك للخطر ، وارجع للكاميرا وخذ رقم لوحته وبلغ عنه واذا انكر بامكانك عرض الفيديو للعسكري

• لولا قدر الله شخص لف عليك او رجع عليك ريوس واتهمك انت ، قول له طيب صح ، ولما يجي العسكري خليه يشوف الفيديو هههه
 
• احيانا نسافر للسياحة وتجي مناظر طبيعية في الطرق صعب تمسك الجوال وتصور ، الكاميرا تصور عنك 

• احيانا تشك ان ساهر لقطك ولا مالقطك ، ترجع للكاميرا وتتاكد 

• احيانا يصير حادث لاقدر الله قدامك تقدر ترجع تشوفه

مواصافات الكاميرا :-
* FULL HD تصوير واضح جدا وصافي ويصور لوحات السيارات
* مخرج HDMI
* مخرج للذاكرة
* مخرج لسلك AV

*****

تدخل في الكاميرا ذاكرة حد اقصى ٣٢ قيقا ، والكاميرا رح تصور واذا امتلئت الذاكرة تفرمت دايركت 

طبعا التصوير رح يكون عبارة عن ٣ دقائق للمقطع ، وراح ينشئ مجلدات لكل يوم 

*******************

الكاميرا لاتحتاج اي تركيب او اسلاك ، مجرد تحطها في مدخل الولاعة كانك تشحن جوال 

ولاتخلي السلك نازل ، عشان المنظر ، السلك طويل ، حاول بنفسك تخليه على طرف الديكور مثل مو موضح بالصورة

طبعا تقدر تخفي الكاميرا خلف المرايا ان حبيت

*****************

رابط الكاميرا على امازون :- 
http://www.amazon.com/gp/aw/d/B00FONBG1A/ref=mp_s_a_1_1?qid=1406059853&sr=8-1 

سعر الكاميرا : 
(( 194 ريال سعودي )) بدون الشحن . 
الشحن = 140 ريال 

الافضل تشتري اكثر من حبة لك ولاقاربك واصدقائك يصير يتقسم سعر الشحن 

لو اشتريت ٥ كاميرات سعر الشحن نفسه مايزيد 

**********************

وهذا التصوير امس صليت الفجر وطلعت اصور لكم في شوارع المدينة المنورة 

انا حاولت قدر الامكان ان اقتص من الفيديو عشان مايكون طويل عليكم 

رفع الفيديو لليوتيوب استغرق معي نصف يوم واللاب توب شغال ^_^ فداكم بس 

****************

ملاحظة القزاز ماكان نظيف فيه بعض الاوساخ ^_^
وشي ثاني حط الجودة FULL HD عشان تشوف الفيديو حقيقي

http://m.youtube.com/watch?v=5jTVylZdrGw&feature=youtu.be

إبلاغ

الردود