الصيانة الصيانة

نهاية هالوكيل بتكون مثل بالبيد
سحبو منه الكادلك
ثم سحبو منه البيجو
ثم سحبو منه السوبارو

اخر شي كرشوه من اي وكاله يمسكها والحين صار شغال تاجير سيارات منتهي بالتمليك

المهم كيف الباجيرو معك يستاهل كل ريال يندفع فيه

سيارات ميتسوبيشي مثل مثلهن مثل البنات الجميلات المقبلات على الزواج

ولكن وليهن غير صالح أو جشع يجعل الخطاب يبتعدون عنهن .

من أجمل ماقيل عن ميتسوبيشي السعودية

يارجال العيسائي مثله مثل غيره احتكر وكالة سيارات ميتسوبيشي وصلى بنا شرق

طرنبه لا يعرف تسويق ولا خدمات ما بعد البيع ولا مراكز خدمة زي العلم والناس 

اعدم أم سمعة سيارات ميتسوبيشي 

انا ما اتجنى عليه انا لي تجربه معه بأفضل سيارة عائليه فان مرت علي وهي سبيس واجن 2002

صيانه زفت تصليح زفت خلاني ابيعها واشتري غيرها

الباجيرو يستاهل الي دفعته فيه وانشهد موتر

خفيف ورساوه وبالبر انساه حتى الشكل مع الجنط ال18 معطيه رزه

انصح فيه الي يبي ياخذه بس الي يبي مستعمل يروح الكويت يحصل 2011 ماشيه 50 الى 60 بحدود 55 الف كذا

جبنا باجيرو قبل فتره لواحد من الشباب 2010 ماشي 50 الف واتعب واقول نضيف طلع مع الجمرك والرسوم ب60 الف

يااخوان ابي احد يذكر لي اعلان للعيسائي ؟ ماذكر ان شفت لهم اي تسويق او اعلان

الوكيل ذا يبيله مقاطعه نهائيا ووقتها الصانع في اليابان بيشوف المبيعات انخفضت وخست وراح يتفاهمون مع هالوكيل

اي شركه تعمل صيانه بس غالبا الموظفين متضجرين من الراوتب مقابل مجهوده لان عليهم ضغط وادراره
كل شركه ماتراعي الجانب ذا بمحفزات هذا من ناحيه الوكاله ومن ناحيه الموظفين الصيانه اوغيره
مايراعو من الناحيه الدينيه جوده عمله امام الله ويالتالي الشركه والموظف مفهيين خالص وبالطبع يصبح
العميل هو الضحيه ومن هذا المنطلق اخصم عند شراء سيارتك الصيانه والضمان واتكل على الله هو الحل
الانسب وماصورتك في موضوعك انما هي نسخه مخباه هههه او مكرره في جميع الوكالات

وعليكم السلام ورحمه الله
الله يبارك لك ويعطيك خيرها ويكفيك شرها

التشييك الاول فالوكاله عشان يدخل السستم ويفتحون له ملف بعده لا تفكر تمرهم لا العيسائي ولا غيره
وشيك مكان ماتبي المهم يكون معتمد واحفظ فواتير الصيانه في حال لا قدر الله صار مشكله فالسيارة
وحاولوا يتهربون كالعاده بعدم انتظامك بالتشييك وقتها يكون لك حجه عليهم بالفواتير اللي معاك
وان شاء الله ما تحتاجهم وماتشوف الا كل خير
بالتوفيق

عقاب الخيل وش سيارتك

انا ما انكر ان العيسائي سيئ كاتوفر قطع بس بل ئساس الشركه الام مستوبيشي شايف نفسه ومغليه اسعاره مع ان جودته معروفه بس اسعاره مبالغ فيه

لافض فاكم وانا اقتنعت ولا باشيك عليها بل على حسابي خارج شركته ونغير افظل وافضل تشيك انشاء الله

يا اخوان اخذة متسوبيشي مونتيرو 2016 بطاقه جمركيه عن طريق بنك الرياض واشيك عليه برا الوكاله واخذ زيت متسوبيشي من نفس الوكاله وغيره برا وبعد ثلاث اشهر من شرائي لسياره صارت ترتفع الحراره حتى يصير المكيف حار ولا ادري ما اسبب رحت لوكاله بصراحه ماتوقعت انها سيئه لذي ادرجه المهم طلبو مني بعض الاوراق مثل البطاقه الجمركيه وقيمة السياره وفواتير تغيير الزيت برا الوكاله المهم جبت جميع الاوراق قال بدخل السياره الصيانه
بس فاجئني قال تدفع 1122ريال قلت حق ايش قال حق اتشيك والصيانه قلت طيب الضمان قال مايشملها لكن انا اضبطك وبنقصلك فهمت منه انه نصاب ولا يخاف الله لاوبعد قال كل ماتجي تشيك عليها تدفع نفس المبلغ يعني سرقه عيني عينك وبعدها اتصلت على وزارة التجاره قالو يشملها الضمان وغصب عنهم الله يوفقهم ومنتظر ردهم
تقييم متسوبيشي زفت جدا وتعامل مركز الصيانه العيسائي زفته جدا ولا انصح بااخذ اي سياره منهم افضل سياره وتحمل تايوتا من زمن القديم وهوا مميز وتعامل الوكاله مميز
اما صيانة متسو بيشي ياكلون فلوس على المساكين الذينه ليس لديهم اي خبره في الصيانه ولكن حسبي الله ونعم الوكيل عليهم وعلى تعاملهم الزفت
يقولك موظف الصيانه متسوبيشي البطاقه الجمركيه لاتشمل الضمان الصيانه في الوكاله الا على حسابك الخاص
والبطاقه الجمركيه هي بطاقه متعارف عليها في دول الخليج ومعتمده في جميع الوكالات
لكن متسوبيشي التي على طريق مكه تقاطع شارع عبدالعزيز هذوله نصابين ياخذون فلوس بغير حق حسبي الله ونعم الوكيل على الظالم
بعكس شركة تايوتا العملاقه ولا تقارن بمثل متسوبيشي السيئه سمعتها
تايوتا تعتمد الضمان على جميع السياراة سواء اخذتها عن طريق الوكاله او بطاقه الجمركيه ولا تدفع لهم شي بصراحه اشكر جزيل الشكر وكالة تايوتا واشكر وزارة اتجاره على جهودهم الرائع والله يوفقهم على فعل الخير وينصرهم على الظالم
لكم الفضل الكبير علينه ياوزارة التجاره اسال الله ان يعينكم على اخذ حق كل عميل من هذه الشركات الظالمه مثل شركة متسوبيشي التي اسائة سمعتها الصيانه وتعاملهم السيء ...
اخوكم : موسى جابر الفيفي