فحصت الاكسنت وفيها طقطقه

وش ذا الفلبيني..
كل المشاكل عنده عادي هههههههههههههه

ابعد عنها نصيحه

ابعد عنها وفك عمرك

لو انا منك احجز موعد في الوكالة وادخلها عليهم ويعطونك العلم بكل شئ واسعارهم نوعاً ما مقبولة

خذ يارس الجديده 2015 ستاندر ب 900 اقصاد على ما اعتقد 
ادخل موقع عبداللطيف حميل واحسب التكلفه اكتب الدفعه الاولى كم 
والدفع الاخير كم وكم سنه ويطلع القصد 
اشوف الكثير يمدحون اليارس الجديده واشوفه انتشرت انتشار قوي مع انه ماكملت سنه نازله 
كويسه وتويوتا وارتاح ويفضل تاخذ قير عادي اقوى 

الله يجزااااااااااكم خيررررررر ماقصرتم طبعا الجميع اتفق على الطلاق ،،
بصراحه انا افكر بهذا خايف ادخل بمشاكل وفعلا المستخدم متعب جدا وخساره
انا شريتها 22500 و 1000 نقل وتامين
و 200 بطاريه و 200 مسامير كليبر و 600 كفرات و300 زيت وفلتر قير
المجموع الكلي 24300

كم توقعون تجيب بالسوووووووووقـ ،،

سالفة الدوده ترها كهرب يعني ما بيقدر يغير فيها شي

مثل شايب كان عند بنشر وانا اغير الزيت ومعه اكسنت كرت وكاله ويشكي على اليماني الطقه الي فـ الدركسون
قام اليماني اخذ شحم ويدخل تحت الطبلون يشحم والشايب على نياته يقول للشايب رح جربها ذلحين شف راحت

وهي ما بتروح لانها عيب من المصنع وما منه ضرر الا صوته وانا معي النترا وفيها نفس الطقه وسافلها

والمسكين الي يضحون عليها ويطلبونه يغيرها على حسابه وماهي الا فتره بسيطه وترجع مره ثانيه
والعلبه غاااليه حقت الالنترا الي معي 2008 فـ الشركه كامله بـ 9000 بعد الخصم وقبل الخصم 11000

طول النمره سببه الدعس على الموتر تلقى المستخدم الي قبلك كان شاد عليه شوي فـ النمر تمد معك شوي 
ولا يحتاج تسوي فيه شي واظب زيته وحط شي اصلي

بالقصيم الافضل لك انه تشتري الكورولا لان اغلب الورش هناك يعرفون لها  . بالتوفيق

هلا اخوي عقاب الخيل ،،
ههاي كلامك صحيح موتر باكستاني ،، ولاكن كنت مضطر ،، وخمه زي ماقالو ،،
انا بعد العيد ان شاء الله السوق بيكون حامي ،، وابعرضها للبيع ان جابت قيمه ممتازه بعتها ودفعتها مقدم ،،
انا شيكت على اليارس ،، مع الدفعه بيكون القسط مايقارب 500 ممتاز ولاكن المشكله المكينه صغيره ،،
والكورلا شي عجيب غاليه ولا عليها عروض ،
المهم الله يعين ،، والموتر يمشي ماغطه الليله 200 كيلو مانزل عن 160 مافيه إلا العافيه لاكني متخوف شوي ومسألت الدوده عادي اكرفها سنه واغيرها ب1300 ، واعتبرها جوال وطاح بالماء ههاي
لاكن اللي مخوفني القير بصراحه اخاف فيه شي ،
مع ان التحاليل والاشعه تقول انه سليم ،،

هلا اخي ،الله يجعل الموت المعونه
مشكلة الاكسنت الجديده الدوده كهرب ،، ولاتوجد اذا بتغيرها لا طلبيه انا سألت عنها

الشكل السابق علبه ،، وبصراحه حمار مكده مع اخوي 2010 موظب المكينه ومغير القير تماتيك كارفها كرف

ومثل ماتفضلت انا اطلعت على الطقه بالدركسون بموقع منتدى السيارات الكوريه الكثير يشكي منها ،، وخاصه الالنترا
، وموضوع اليمانيه وغيرهم انهم يقولون شحم
يارجل انا لفيت المكانيكيه والميزان مايعرفوووووووووووون ابدا اللي يقول ماتهرب واللي يقول مدري ايش لو تجيب لهم طائره قال اعرف ابرمجها ضحك بضحك
اللي ماعنده خبره بالورش ياكلها فلفل احمرررررررر

لو انا مكانك ببيعها لو جابت لي 20 الف , وبدفع 15 الف دفعة اولى وبطلع لي اكسنت الجديد على يدي وكالة وقسطها مايتعدى ال 700 ريال ان شاء الله 



و 5000 بدلع نفسي واهلي فيها :) 

والله ياخوي مدري وش اقولك لكن معاي اكسنت فاكها وكاله وياكثر الاصوات اللي 

سمعتها قبل ماتكمل السياره 10000 كيلو لدرجة اني وسوست وكرهت السياره 

نفسيا ، لكن واحد الله يجزاه خير قالي عادي إلا إذا شفت عطل مؤكد هذيك الساعه تصرف 

والان السياره ماشيه معي 130000 كيلو ماغيرت فيها الا زيوت وبطاريه وكفرات فقط

ف نصيحه لك اذا قالك اكثر من ميكانيكي نفس العطل خلاص غيره وحافظ على موترك 

اما سالفة الاصوات ياكثرها وخاصه بعد غسيل السياره 


وعلى قولتهم امسك مجنونك لا يجيك اجن منه هههههههه 

الله يعينك ياخوي امير

بس اذا لك جية للرياض رح لل ترايستار للجربكس في الصناعية القديمة 

شغلهم ممتاز ويعطونك ضمان ٣ شهور او ١٠.٠٠٠ الاف 

اخوي الاصيل ..
بيعه مثل ماهو .. الي دفعته في الموتر لك ولاستخدامك،
يعني راس مالك هو الاهم ،،، بس لازم تقول للشاري
موضوع الدودة يتحمله . وانت تتنازل عن الي دفعة كفرات وبطارية وو
وهذي ماراحت بعيد ، للسيارة وللمشتري الفايدة 
اخصم من راس مالك ١٥٠٠ او حاول يكون كامل
٢١٠٠٠ القيمة + ١٥٠٠ الدودة بطلع ع الشاري ٢٢٥٠٠
اعتقد كذا توازن لك وله 

بعدين تبيع كاش وتدخل اقساط بنفس الحجم " العلبة
 ٢٠١٥ وجديد مختلف معك ، لكن الي خلاك تشتري مستعمل وتفشل في الفحص والختيار
لا تحمل المستعمل مشكلتك 
رأئي لك تشتري بفلوسك موتر حجمة متوسطططط اوسع واريح واقوي وكاااش 

والا مكان بعت الجيب من اساسة بتقول القسط هنا اخف ، اقول موتر ملك ازين واحلا واخف ع القلب
اللومينا خيار ممتاز ٢٠٠٧ وفوق وقيمتها قريبة من فلوسك

واذا متخوف منها ... دور ع ابراهيم التركي واسأله عن تجربته لها 

مجرد انك تتشكى من الاكسنت بنفسك صدقني مراح تتصالحوا وحتعيشوا مناقرة 
ونكد ومشاكل ههههههه الله يعينك ويسهل امرك

نصححححية 90 فاللمية من المواتر الي تشوفونها فالحراج مع بكستاني وخر عنه ولا تفكر تشتريه لانه مكروف امه كل يوم يحمل عليه عمال وعربيات فوق التنده والسيارة تحك فالارض من كثر ماهي فل 

هلا اخوي عقاب الخيل ،،

نعم ، ولاكن اللي عندي بدون ملف لاخر الطاره ،،
اذا حركت الدركسون يسار وهزيت الطاره يسار عدة مرات متتاليه اسمع طق طق طاااقيه ههاي
امزح ، واذا حركته يمين نفس الطريقه مايطق ،،

تصدق ، من كثر ماعرض المشكله للورش والفحص اخر شي رحت يم النجارين ،، الاخشاب ،
لاعاد امزح ،،
مره وانا اغير الزيت المكينه قلت للبنشري تعال بالحفره وهزيت الدركسون ناداني وقال ، الصوت هنا واشر ناحية عمود الدركسون قلت يم العظلات قال لاااااااااا اتوقع انها ربلة درسكوووووووون
والاخوان افادون انها يا ربلة دركسووون او مسامير توازن ، تقريبا حسب خبرته بالاكسنت

الدوده فيه صناعه كوريه قيمتها ٦٨٠ ريال وشغل يد ٣٥٠ مع عمود توازن ومساعدات ترجع السياره وكاله 
سياره ممتازه واقتصاديه وخفيفه