أضف سؤال أو موضوع جديد          

قصه الشايب المحظوظ

up 27 down 12
fasoli90 249
قبل 6 سنه و 9 شهر



بسم الله الرحمن الرحيم 
صباح /مساء الخير 
الشايب والوايت
يسولفون عن شايب نوى يشتريله وايت علشان يسقي الحلال وذا الشايب متقاعد وشاريله غنم وفوقها خمسين من الأبل فاخذ الشايب يجمع من الدراهم لين وصل خمسه وثمانين الف ريال فقام وتوكل على الله وعزم يروح يدورله وايت 
بالصدفه وهو يمشي إلا ذيك الناس مجتمعه في قطعة ارض كبيره وحولهم وايت 
الشايب عجبه الوايت قال لقيناه
خلني اروح اشوف هو على كم 
وصل عندهم الشايب لقاهم يحرجون واستانس لأنه ماهو غالي ولا ذاك الرجال ماسك المكرفون ويحرج 50 من يزود 52 من يزود 55 من يزود 
قال الشايب شكلهم يحرجون على هالوايت وان شاء الله يكون من نصيبي
ويخش معهم بالحراج ..56.. 
ويزودون ويزود ويزودون ويزود 
المهم وصلوه 75 قام خربها وقال لهم 80 يوم سكتوا كلهم واهجدوا والتفتوا عليه !!!
يناظرونه ويناظرون بعضهم تغامزوا وانقز له واحد منهم
ويسحبه على جنب وقاله شف يا رجال انت باين عليك ابن حلال وطيب وش رايك لو نعطيك شيك بمليون ريال ذا الحين بس امش من هنا 
انصدم الشايب وقال
هاااااااا .. وش السالفه!!؟؟
مليون ريال وليه؟؟
قال الرجال خذ الشيك وتوكل على الله والله يستر عليك 
وش اسمك؟؟عطاه اسمه وكتب الشيك باسمه
وهو مايدري وش السالفه!!

طيب علمني وش العلم؟؟
علمه أثر ذالجماعه يحرجون على مخطط وواقفين بالصدفه جنب الوايت اللي جايبينه يرشون به الأرض 

والشايب خش عليهم عرض ولا يدري وش العلم
وهم بعد اخترشوا شوي يحسبونه هامور وبيلطش عليهم المخطط قاموا صرفون بمليون

وهو ماصدق طاير من الفرحه ويقول بخاطره
(عجز اجمع 90 ويجيني ذا الرزق من الله)

فسبحان الله مقسم الارزاق على عباده 

اتمنى انه ينال رضاكم 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


سبحان الله صدث شيء غريب

والله يقسم الارزاق لمن يشاء

ولك جزيل الشكر على طرحك

وتستاهل +1

بالتوفيق للجميع


up 3 down 2
amear 1347
قبل 6 سنه و 9 شهر



هههههههههههه لين قالوا حظ +1


up 1 down 0
fahad11-11 160
قبل 6 سنه و 9 شهر



القصه واقعيه 
منقوله 


up 2 down 3
fasoli90 249
قبل 6 سنه و 9 شهر



يقول المثل الشهير 

قال وش دراك انها كذبه .قال من كبرها
                                   


up 9 down 7
متقروش 1995 -137
قبل 6 سنه و 9 شهر



قصه جميله ،،،،،،،،، وفعلا ترى الصدف تجي ليش لا ،،،،،،،،،،،


up 1 down 1
امير الاصيل 1714
قبل 6 سنه و 9 شهر



هههههههههه 

والله يانه محظوظ 

ياليتني مكانة الله يرزقنا بس

ومشكور على القصة 


up 1 down 0
جيلي ec7 2013 114
قبل 6 سنه و 9 شهر



لنفرض إن القصة حقيقية وأنا أشك إنها حقيقية بس خلنا نمشيها 
لو إعتقدوا فعلا أنه يسوم المخطط ب٨٠ مليون ومشت عليهم من الحمار الي بعطيه مليون والرجال بيشتري مخطط ب٨٠ مليون؟؟؟
يعني مليردير ماهو في حاجة مليونك 



up 3 down 1
shaddad1 62
قبل 6 سنه و 9 شهر



shaddad1 < هههههه عادي هم يعرضوله واذا وافق وافق وكلهم بالاخير كسبانين
ترى مليون مو بسيطه حتى لو كنت مليونير
مو زي الالف والالفين يمديك تعوضها


اما الملياردير السعوديين مايتجاوزون 40 واحد


up 0 down 0
n.zero 258
قبل 6 سنه و 9 شهر



القصه قديمة ويقولون عسكري يبي وايت يكده فيه ودخل غلط بالمزاد

طبعا القصه واضح انها تاليف .

مشكور ع السالفه


up 1 down 1
صبـر 257
قبل 6 سنه و 9 شهر



يارجال الله يرحم امك قولي وين ذا المخطط اللي يحرجون
عليه خليني اروح اقلط معاهم يمكن احصل لي مليون ولا مليوني 



up 0 down 0
vip-yt 329
قبل 6 سنه و 9 شهر



القصة قد قريتها قبل كذا بس م ادري عنها صدق وﻻ كذب

لكن المهم نتعلم منها ان الارزاق بيد الله

ومشكور ع النقل


up 1 down 0
واآحد 244
قبل 6 سنه و 9 شهر



لاعاد من جدكم تصدقون مثل هالكلام..
واحد يزايد بالملايين يجيه واحد يقوله اعطيك شيك بمليون...
يعني اللي جاه يعطيه مليون ماخاف منه وهو مزايد ب 80 مليون.
ولو انهم عارفين انها ماهي معه كان جوه علموه تاها بالملايين..
واصلا هذا ماهو تفكير تجار..اعطيك مليون عشان تمشي..
التاجر ابو الملايين ماجاب هالملايين بمثل هالتفكير ههه



up 3 down 2
badalfa -39
قبل 6 سنه و 9 شهر



قصة جميلة رغم اني اتوقع انها غير صحيحة
السبب القصة سمعتها كم مره بس مختلفه 
سمعت انه واحد يدور جمس خخخخخخخخخ وباقي السالفة نفس الشي 


up 2 down 0
الباحث1 135
قبل 6 سنه و 9 شهر



والله قبل م ادخل اني توقعتها ذا القصه


up 1 down 0
kq11 231
قبل 6 سنه و 9 شهر



الله يرزق الجميع من واسع رزقة وفضله انه سميع مجيب


up 0 down 0
amh2222 417
قبل 6 سنه و 9 شهر



يارجال لا مليون ريال ولا 50 الف ريال تجيب لك السعاده
هو الرضى اهم شي حتى لو انك محتاج للمليون ريال هذي ...


بس كأنك تروج لعمل الشريطيه !


up 1 down 0
aazz1989 -20
قبل 6 سنه و 9 شهر