قصه الشايب المحظوظ
27
12
إضغط هنا للإخفاء
بسم الله الرحمن الرحيم
صباح /مساء الخير
الشايب والوايت
يسولفون عن شايب نوى يشتريله وايت علشان يسقي الحلال وذا الشايب متقاعد وشاريله غنم وفوقها خمسين من الأبل فاخذ الشايب يجمع من الدراهم لين وصل خمسه وثمانين الف ريال فقام وتوكل على الله وعزم يروح يدورله وايت
بالصدفه وهو يمشي إلا ذيك الناس مجتمعه في قطعة ارض كبيره وحولهم وايت
الشايب عجبه الوايت قال لقيناه
خلني اروح اشوف هو على كم
وصل عندهم الشايب لقاهم يحرجون واستانس لأنه ماهو غالي ولا ذاك الرجال ماسك المكرفون ويحرج 50 من يزود 52 من يزود 55 من يزود
قال الشايب شكلهم يحرجون على هالوايت وان شاء الله يكون من نصيبي
ويخش معهم بالحراج ..56..
ويزودون ويزود ويزودون ويزود
المهم وصلوه 75 قام خربها وقال لهم 80 يوم سكتوا كلهم واهجدوا والتفتوا عليه !!!
يناظرونه ويناظرون بعضهم تغامزوا وانقز له واحد منهم
ويسحبه على جنب وقاله شف يا رجال انت باين عليك ابن حلال وطيب وش رايك لو نعطيك شيك بمليون ريال ذا الحين بس امش من هنا
انصدم الشايب وقال
هاااااااا .. وش السالفه!!؟؟
مليون ريال وليه؟؟
قال الرجال خذ الشيك وتوكل على الله والله يستر عليك
وش اسمك؟؟عطاه اسمه وكتب الشيك باسمه
وهو مايدري وش السالفه!!
طيب علمني وش العلم؟؟
علمه أثر ذالجماعه يحرجون على مخطط وواقفين بالصدفه جنب الوايت اللي جايبينه يرشون به الأرض
والشايب خش عليهم عرض ولا يدري وش العلم
وهم بعد اخترشوا شوي يحسبونه هامور وبيلطش عليهم المخطط قاموا صرفون بمليون
وهو ماصدق طاير من الفرحه ويقول بخاطره
(عجز اجمع 90 ويجيني ذا الرزق من الله)
فسبحان الله مقسم الارزاق على عباده
اتمنى انه ينال رضاكم
إبلاغ
سيارات للبيع
الردود
1
0
منقوله
2
3
قال وش دراك انها كذبه .قال من كبرها
9
7
1
1
والله يانه محظوظ
ياليتني مكانة الله يرزقنا بس
ومشكور على القصة
1
0
لو إعتقدوا فعلا أنه يسوم المخطط ب٨٠ مليون ومشت عليهم من الحمار الي بعطيه مليون والرجال بيشتري مخطط ب٨٠ مليون؟؟؟
يعني مليردير ماهو في حاجة مليونك
3
1
ترى مليون مو بسيطه حتى لو كنت مليونير
مو زي الالف والالفين يمديك تعوضها
اما الملياردير السعوديين مايتجاوزون 40 واحد
0
0
طبعا القصه واضح انها تاليف .
مشكور ع السالفه
1
1
عليه خليني اروح اقلط معاهم يمكن احصل لي مليون ولا مليوني
☺
0
0
لكن المهم نتعلم منها ان الارزاق بيد الله
ومشكور ع النقل
1
0
واحد يزايد بالملايين يجيه واحد يقوله اعطيك شيك بمليون...
يعني اللي جاه يعطيه مليون ماخاف منه وهو مزايد ب 80 مليون.
ولو انهم عارفين انها ماهي معه كان جوه علموه تاها بالملايين..
واصلا هذا ماهو تفكير تجار..اعطيك مليون عشان تمشي..
التاجر ابو الملايين ماجاب هالملايين بمثل هالتفكير ههه
3
2
السبب القصة سمعتها كم مره بس مختلفه
سمعت انه واحد يدور جمس خخخخخخخخخ وباقي السالفة نفس الشي
2
0
1
0
0
0
هو الرضى اهم شي حتى لو انك محتاج للمليون ريال هذي ...
بس كأنك تروج لعمل الشريطيه !
1
0
والله يقسم الارزاق لمن يشاء
ولك جزيل الشكر على طرحك
وتستاهل +1
بالتوفيق للجميع
قبل 10 سنه و 3 شهر