أضف سؤال أو موضوع جديد          

طريقة حلوة .. تحافظ فيها على نظافة مدينتك وسيارتك . تجديد

up 17 down 3
hmada1213 2018
قبل 7 سنه و 10 شهر



طبعاً عندي موضوع قديم وحبيت أجدده للفائده .
-
السلام عليكم ورحمة الله وبركاته .. 








كيف الشباب ؟ 









طبعا كثير وانت تسوق وفجأة الا وقوطي حمضيات شاطف موترك ,, ولا وقشور فصفص ,, ولا مناديل ,, ولا قراطيس ,, وبعديييين ؟؟؟؟؟؟ 








ياخي الحين انت اذا نزل البقالة وشريت لك شي تشربه او تاكله ( لوزين سنكرس فصفص ) وحطيتها بالكيس وركبت السيارة , 




ليش ماتاخذ الكيس وتجمع فيه قراطيسك ومناديلك ؟ 




انا عن نفسي اجمع الاكياس واحطها تحت المرتبه . ’ وأخذ لي واحد وافتح الدرج اللي قدام رجول الراكب واعلق الكيس على طرف الدرج واسكره واجمع فيه الوساخه والقراطيس واذا صار مليان اقرب زبالة وارمه , 






هاااه وش بيضرك لو سويت كذا ؟


تراكم اذيتوا المسلمين ياللي ترمون قراطيس وعلب ومناديل 

, حتى ديرتكم ماسلمت من وساختكم , 

وفالختام ياليت تسوون هالطريقه انظف لكم ولسياراتكم 

والسلام عليكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فيه واحد قالي مقوله عن هالموضوع

يقول اللي سيارته وصخه ومليانه قواطي ومناديل وعلب هذا شخص محترم ونظيف

لانه مايرمي هالاوصاخ بالشارع ويأذي الناس 



up 11 down 1
مصفي النية 303
قبل 7 سنه و 10 شهر



انا صراحة سيارتي منتهيه من الوصاخه سنكرس توكس لوزين بيبسي كودرد الي تبيه فيه بس هاذي صرت انتبه شوي اروح اقرب درام بسياره وارمي القراطيس


up 0 down 0
ابو مطرقه 22 76
قبل 7 سنه و 10 شهر



الحمد لله سيارتي 6 سنوات ونظيفة وما ارمي اي شي بالشارع 
عودت نفسي والاولاد نجمع الاغراض بعد الانتهاء في ميس وفي برمسل النفايات 

حتى في البر نفس الطريقة والمطعم كذلك 


up 2 down 0
kingksa2015 489
قبل 7 سنه و 10 شهر



الحمدلله لي أكثر من سنه مطبق هذي الطريقه , أعلق الكيس في قير الدبل و ارمي فيه و إذا امتلى رميته فأقرب صندوق زباله ( و أنتوا بكرامه ) .


up 1 down 0
أبو داحم الدربي 256
قبل 7 سنه و 10 شهر



حمادة تسلم على الموضوع , المشكلة عندنا ناس همج للأسف يعني تخيل قبل فتره والله حرمه فتحت قزاز السيارة ورمت صحن فيه اكل !!!!!!!





يعني شوف الوقاحة رمت صحن البلاستتك وفيه اكل ياليت الصحن لحاله بس !!! لو تطبق عقوبات اللي يرمي اي شيء يصكونه مخالفة كان شفت اللي ياكل شاورما حتى القرطاس يبلعه بعد مايخلص هههههههههههه 


up 4 down 1
ابو سعود629 4708
قبل 7 سنه و 10 شهر



ياولد هي حلوه الطريقه لكن شفت وش تسوي عند اخوي 

والله والله انا اروح اغسلها وانظفها واوقفها من كثر الوصخ اللي فيه تدخله عادي جدا تلقى بطاطس مقليه على المقعده لها اسبوعين 
وجزم الله يكرمكم ولوزين نص وحمضيات 6 علب وكلها مهي مغلقه فيها نص اجي برمي يصايح علي ويقول شعب همجي وسيارته رايحه فيها 


up 1 down 0
do8sh 208
قبل 7 سنه و 10 شهر



اخوي مسالة تعود والحمد لله ما اخبر ان السيارة فيها زبالة تكرمون او اتركها في أي مكان

ابدا بنفسك وباذن الله لك الاجر

واشكر على التذكير


up 2 down 0
amh2222 417
قبل 7 سنه و 10 شهر



مصفي النيه
الخص اللي تتكلم عنه
تلقى بيته زباله مثل سيارته
تلقى مكتبه زباله مثل سيارته

الشخص النظيف
تلقاه نظيف في كل مكان
تلقى سيارته نظيفه
تلقى بيته نظيف
تلقى مكتبه نظيف

وقس على ذلك مثلا بسيط
الشخص اللي تلقاه حاط فجيبه اوراق وفلوس وبطايق وكل جيب فيه اوراق مبعثره
او تلقى محفظته غير مرتبه وخابص الفلوس مع الاوراق زالبطايق وفلوسه معجنه

هذا تلقاه شخص غير مرتب ومنظم
والطبع غلاب
اما لو شفت محفظة واحد مرتب الفلوس من الفئات الاكبر الى الاصغر
وحاط الاوراق في جيب
والبطايق في جيب
ومن هالشغل فهذا الشخص تلقاه مرتب في كل شي 


up 1 down 2
شويخ من أرض مكناس 2823
قبل 7 سنه و 10 شهر



صحيح كلامك وانا بصراح اتضايق لو سيارتي وسخه 
كنت اجمع الاوساخ بكيس بس عجبتني فكرتك انه اعلق الكيس بالدرج ..
راح اطبقها وادعيلك


up 1 down 0
أبو غاليه ... 770
قبل 7 سنه و 10 شهر



شويقح

اوافقك الرئ ي بطل


up 0 down 2
القناص الروماني -18
قبل 7 سنه و 10 شهر



ممكن عادي تقلى مناديل مرميه بسيارتك 
بعض الاحيان تشوف علب غازيات 
بعض الاحيان تشوف علك او ماشابه 

بس ولد عمتي انسان عزوبي والله معجون اسنان وفرشه بسيارته ومشط وشواحن جوالات واشمغه وثياب وملابس داخليه هههههههههههههه
شقه ماهي سياره 


up 2 down 2
ryan702 466
قبل 7 سنه و 10 شهر



الحمد لله ما ارمي شي من الشباك او المكان اللي اجلس فيه اجمعها في اكياس وارميها في مكانها المخصص


up 1 down 1
شقردي2014 408
قبل 7 سنه و 10 شهر



كلام جميل وواقعي اشكرك


up 2 down 1
carcat 181
قبل 7 سنه و 10 شهر



احيان اجمعها بكيس واحيان ارميها 

كنت اجمع كل القمايم بالكيس 

وكل من شافني ولا ركبي مع قال ( محافظ على البيئه هاه..)

اقول ايه.. النظافه والترتيب والمحافظه شي طيب..


up 0 down 0
نوار الوذيناني 510
قبل 7 سنه و 10 شهر



ولله الحمد و المنة أكياس الزبالة الصغيرة موجودة عندي في سيارتي ولا استغني عنها
حتى أبنائي الصغار عودتهم على النظافة و رمى النفايات في مكانها الصحيح و المخصص

يا أخوان و الله و الله و الله عيب الواحد رجال عرض و طول يفتح زجاجة سيارته ويرمي !
النظافة من  الإيمان و أنا أقولها الشخص الوسخ الأناني و اللي ما تهمه النظافة بشكل عام وخاصة نظافة الطرقات و الشوارع
هذا إنسان وسخ و إيمانه ضعيف ولازم يراجع نفسه لأنها علامة من علامات ضعف الإيمان


up 1 down 0
أبو جـود 2747
قبل 7 سنه و 10 شهر



لأني دايما في عجله وعندي ضغوط واكون مشغول بمليون شغله وانا اسوق اجعل من القسم الخلفي لسيارتي كأنه سلة مهملات مافي غير قوة نطل كأني مايكل جوردن  بعد ما افضى ابدا اشيل
كل شي وارميهم بقرب برميل زباله وانتو بكرامه.


up 0 down 1
face.care 230
قبل 7 سنه و 10 شهر



ههههههههههههه
يارجال صارت عاده عندنا والمساكين عمال البلدية مايدري وش ينظف وش يخلي


up 0 down 0
Abu Tariq 16 1086
قبل 7 سنه و 10 شهر



انا صفتي في هي البلد )اجنبي( ولكن يعلم الله اني اغار عليها متل بلدي ويعز علي ارمي اوساخ في شوارعها او في المنتزهات لان نحن مسلمين ورب العزة امرنا بالنظافة


up 1 down 0
h i c h a m 9
قبل 7 سنه و 10 شهر