صدمت والي صدمني معه تامين ؟ وش اسوي

كيف صدمت واحد صدمك ؟

تجيب تسعيرة من ثلاث ورش وتروح تختمها من شيخ المعارض الااذا الموتر جديد تسعيرة من الوكالة وبعدها ترجع للمرور تختيم وتسلمها لشركة التامين وتنظر استلام الشيك لمدة لاتزيد عن اسبوعين @

ثاني شي

روح عند شيخ الورش هم يقيمونها و يحطون لك تسعيرة الورش و بعدين تاخذ ورقة اصلاح من المرور و تاخذ اوراق
شيخ الورش الى الوكالة عشان ورقة تسعيرة القطع و بعدين توديها للنأمين

عندك 3 اوراق وحدة لشيخ الورش
وحدة للمرور
وحدة لمراجعة التأمين ورقة صغيره كذا

شيخ الورش هو اللي يحدد وكاله ولاورش عاديه بس التقدير من الورش دايماضعف الواقع

انتبه تسعرها عند اي ورشه

فيه ورش معتمده عند المرور وهي اللي بياخذون عليها
والافضل شيخ المعارض

الله يعيتك والحمد لله على السلامة 

شيخ المعارض يشطح بالسعر شطحة
بالي شفته يزيييد حيل عن سعر 
انا مرة قدرلي ب 3000 
وصلحت السيارة ب 300 بس! 
حتى سالته ايش فيك زودت السعر كذا الصدمة بسيطة
قالي بعوضك عن المبلغ الي بينقص من قيمة السيارة الصدمة
الصدم
الصدم
يمكن يختلف بين السيارات
سيارتي كانت هونداي قديمة
هذا شيخ معارض الشفاء 

اوه معليش
شيخ معارض النسيم كان
الشفاء ما جربته

الحمدلله على السلامه
اولاً تروح لتقديرات الورش في الصناعيه 
فيه مركز مرور صغير تعطية اوراقك + 30 ريال وفيه في نفس المركز 3 رجال من 3 ورش يقدرون الصدمه
اذا تكلف اكثر من 5000 ريال يعطونك تقرير لشيخ المعارض
تروح لشيخ المعارض تدفع مبلغ وقدرة نسيت كم المبلغ ويقدر الصدمه وسعر السيارة قبل وبعد الحادث وترجع للمرور
يعطيك تقرير تروح تطارد شركه التأمين

الاصلاح بالوكاله اذا سيارتك مديل السنه او تأمينك شامل
اذا تأمينك انت شامل تروح للمطالبات بعد ما تنتهي من شيخ المعارض ومعاك تقرير المرور
وتعطيهم الاوراق يسألونك وين تبي تصلح سيارتك في الصناعيه او الوكاله اذا اخترت الوكاله تروح للوكاله وتجيب تسعيره جديده
للتأمين وتسلمهم الاوراق وهم يكملون الباقي يصلحون سيارتك وهم يطالبون شركه تأمين الي اخطأ عليك

اما لو تأمينك ضد الغير الله يعينك على الحوسه والطردي 

نجم قالي رح ورشة بالبديعه عادي اروح لشيخ المعارض ؟ ماعلي منه بعدين انا مامعي تاميني منتهي. اللي صدمني هو الي معه تامين ضد الغير السيارة موديل ٢٠١٠ 

اول شي الخطاب الموجه من المرور :
اذا موجه للورش روح للورش المذكورة : او اي ثلاث ورش .
-افحص السياره وخلهم يفكون الصدام يمكن يطلع شي مثل الكلبسات او الكمر او اذكره او راديتر متضرر تاكد .
-اي ورشة تقدر تاخذ عليك 30 ريال خذ فاتورة بـ30 ريال عشان تصير من ضمن التعويض .
-الورشة تكتب لك قيمه الاصلاح مثلا (2000) ريال وعدد القطع ( صدام -صاجه-انوار-شبك-بطانه سفليه -بطانه كفر -راديتر-مقص الخ الخ ).
-تروح لمحل قطع غيار او الوكاله حسب موديل سيارتك المحل يعطيك فاتورة مختومه بقيمه القطع . وياخذ عليك 50 ريال تقيم خذ فاتورة بقيمة التقيم .
بعدين تروح لنجم ويكتبون قيمة الاصلاح مثلا الاصلاح+قطع الغيار+اوراق التقيم=6الاف ريال .

ولازم تصور كل هذي الاوراق وتحتفظ بنسخه . وترسلها لشركة التامين =تصور سيارتك وهي مصدومه وترسلها مع الاوراق لشركة .

رح عند شيخ المعارض وقدرها وبعدين عطها التأمين راح يعطيك موعد بعد كم اسبوع تستلم الشيك خلال هذي المده اذا مستعجل صلح الموتر على حسابك يمكن ياخذ اسبوعين تصليح على بال مايطلع الشيك
شيخ المعارض يعطيك تسعيره الوكاله بالتمام وممكن تزود
انا اذا اخذت الشيك انزل موتري ورشه ممتازه يزيد معي الف ريال تقريباً

ي اخوان انا صار علي حادث واللي صدمني الغلط علية مية في المية وعندة تامين رحت للمرور اختم ع الورقة اللي اخءتها من نجم بعد كذا رحت لشيخ الورش واخذ مني ٣٠ريال وقدر السيارة وقالي تروح لشيخ المعارض تسوي كمان تقدير ثاني وتجيب تسعيرة للقطع وتروح بعدها للتامين انا معاد رحت للتقدير الثاني اللي هو شيخ المعارض عندي تقدير واحد من شيخ الورش عادي ؟؟ولا تتوقعون يرجعوني التامين واقدر ثاني مرة ردو علي الله يسعدكم

انا جبت من شيخ المعارض قدرها ب3500 ورسلتها ارسلولي رساله يوجد نوافق ورسلولي رابط كاتبين ارفق تسعيره الوكالة مارجعوها بس قالو ارفقها في الرابط

عفوا يوجد نواقص يعني كملها بتسعيرة الوكالة