أضف سؤال أو موضوع جديد          

وش السالفة في زيادة الأسعار مهم للغاية

up 18 down 2
أبو مششعل 266
قبل 7 سنه و 9 شهر



يا اخوان يبدو ان الجشع التجاري اخذ مجرى عنيف للغاية لدرجة انهم ماعاد يشوفوننا شيء 

ليلة البارحة يذكر لي احد الاخوان ان الأسعار في تزايد مستمر وانا على علم بذلك وخاصة غسيل السيارات ومغسلة الملابس والأسواق 

كنت رايح لمناسبة ومريت مغسلة ملابس قلت اكوي الشماغ قال بخمسة ريال والمشكلة ماعنده زحمة ولا عنده شغل جالس فاضي

يشهد الله ما فكرت في الخمسة ريال لكن ايش النصب هذا عيني عينك 

قلت اوكي بس اكوي .. بدأ بالكوي ومريت البقالة جنبه اخذت اغراض وتعمدت اصرف لأن ما كان معي ريالات 

رجعت لقيته كواها واخذتها وعطيته ريالين ... قال الهندي ايس كلام اتفاق خمسة ( ويبي يهاوش )

قلت مافيه الا ريالين تبيها اخذها ماتبيها روح اشتكي شرطة وقعد ينافخ وبغيت احوسها معه لين جانا سعودي وفك بيننا ومشيت والهندي حاقد 

ادري بيجي احد يرد الحين يقول ليش ماتركته ورحت مغسلة ثانية .. انا متأكد ان كلهم كذا وعلى أي اساس يرفع السعر .. اذا يمديه يكوي ياخذها ويكوي مايمديه عنده زحمة يقول مكتفي ليش رفع السعر ليش ؟؟

الثانية واحد اعرفه اخذ عمره وجاء عند الحلاق وحلق صفر ويقول يوم قمت عطيته عشرة قال لا حبيبي ب 15 ريال 
يقول بغيت اخبصها معه وحتى جاء سعودي قال ياخي عطه حقه .. علما ان حقها 10 وهذا الكلام يوم 26 رمضان ليش الزيادة مدري 

والمشكلة اغلبنا يسكت ويعطي والا لو عارضنا وربي مايقدر يسوون شيء خله يجيب الشرطة وأنت جيب وزارة التجارة 
والله ما ياكلها الا الأبو المسكين اللي عنده 6 عيال والا حولهم .. في هالوقت يبيلهم 150 ريال عشان تحلقهم والا 50 ريال عشان تكوي لهم ثياب 
والا وش رايكم يا اخوان 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحل
ان وزارة التجارة تلزم المحلات بوضع تسعيرة معتمدة

ترا هذي بسوريا معتمدة حتي في البقالات
لك حق تطلب التسعيرة


up 0 down 0
ماجد الحفر 99
قبل 7 سنه و 9 شهر



انت تعتبر حرامي. حتى لو رحت اشتكيت للشرطة او الوزارة راح يقولولك مافي أسعار موحدة, ارجع للاتفاق اللي بينكم.
انت وافقت على السعر و بعدين سرقته. كلنا ضد النصب والظلم والجشع, لكن تصرفك غير سليم. يعني لو قالك بريال واحد فقط ولما رجعت له قالك ريالين أكيد بتقوله انا متفق معاك على ريال!!! رغم ريالين هو السعر العادي.ليش توافق من البداية؟


up 0 down 0
dell2012 1043
قبل 4 سنه و 5 شهر