بعت سيارتي والي اشترها ظلمني
10
2
إضغط هنا للإخفاء
السلام عليكم
كل عام وانتم بخير وعيدكم مبارك
قبل 20 يوم بداية رمضان اشترى واحد سيارتي من نوع كابرس 2006 8 سلندر انا المستخدم الثاني لها
طبعا قبل لااعرضها للبيع فحصتها كمبيوتر وتشيكات كاملة عند الورشة للشاصيات والارباقات
وسليمه وطبعا اشتراها الرجال مني واخذها على كلامي رغم اني قلت له لك حرية الفحص
بس خذها على كلامي مافحصها
واليوم جاني اتصال منه يقووول فحصته كمبيوتر وكشف لي انها طالعات الايرباقات ؟؟!!!
وطالعه لمبة الايرباق srs !!!!
قلت شلون طالعات الايرباقات وانا فحصته قبل لا ابيعها عليك ومتاكد ان الايرباقات سليمة
حتى يوم ابيعها عليه مو طالعة لمبة الايرباق بالطبلوون وسبحان الله سبحان الله
يعني توها تطلع لمبة الايرباقات بعد 20 يووم من شريتها
قلت له طيب يمكن حساس ايرباق شغلته سهله المشكلة مو مقتنع يقعد يصرف
وقعد يلجلج علي انت ليش تغشني وانا الايرباقات طالعة وانا وثقت فيك
وقعد يهدد رجع لي من قيمة مبلغ السيارة 2000 او 3000 ويقول منت ثقه
اصلا قبل لا اشتريها قبل سنة ونص اشتريتها فحصتها كامل ايرباقات وشاصيات وكمبيوتر وكلها سليمة
والحمد لله الموتر له سنة ونص معي ماجته طقه او صدمه
وزيادة عليها قبل لاابيعها بااسبوع رجعت فحصتها كامل ومافيها شي
طيب انت اذا مافحصتها مهي مشكلتي تلومي وتشومني هذه غلطتك
وثانياً خلاص الموتر طلع من ذمتي وتوك وتجي وتتكلم وتفحص
والحل معه كل شوي يدق علي وشغنلي حسبي الله ونعم والوكيل
على ظلمه لي ...........
إبلاغ
الردود
كفو و وفو
0
0
وانت معليك دامك اخليت ذمتك وخفت الله في البيعه ماعليك منه اسحب عليه يبي يشتكي بيقولون له وينك 20 يوم وليه مافحصا مايقدر يسويلك شي يرجال
قبل 9 سنه و 9 شهر