ودي بالتشارجر ولكن ..

ولله ونا اخوك اقول لو تسمع كلام ابوك والله انه احسن لك ابوك يعرف وش الزين والشين وهو ادرا 

بنسبه لي انا اقول ابتعد عن الامريكي  وخذ موتر يكد معك

نسيت اقول انه رافض التشارجر يحسبه غالي في الخمسينات ..

لو يدري انه تحت الثلاثين شراه حاولت افهمه الله يحفظه لكن معيي هو خبره فالالماني بس  ..

المشكله فلوسك ماتجيب الا شي مكروف 

لكن بقولك اذا تبي موتر قوي عندك هالسيارتين 

و 25 الف تجيب لك وحده خارقه النظافه ههههه

لكن اخلي مسؤوليتي امام الله وامامك اذا طحت بوحده مهربده ومكروفه لانك بتحط به نص قيمته صيانات

الخيار الاول كابرس ltz موديل 2005 .. 2006 .. 25 تجيب شي نظيف جدا 

الخيار الثاني مكسيما 2004 -  2008 .. 25 تجيب لك وحده نص فل بحاله الوكاله 

التشارجر والكابرس الجديد للاسف ماراح تحصل نظيف ب 25 لذلك يا انك تاخذ قديم ونظيف او سياره صغيره وجديده

التشارجر اسعارها طايحة ولكن قطع الغيار غير الاستهلاكيه غاليه ومايقدر عليها الا موظف او عنده خير
استخير والله ييسرلك الافضل

الله يحفظك ابراهيم التركي ماقصرت وماشفت رجل باخلاقك وكرمك ..

التشارجر قطعه غاليه ووكيل تعبان
الكابرس قطعه معقوله ومتوفره واذا اهتميت فيه بعيش معاك

وفي الحالتين مستحيل تلاقي كابرس او تشارجر ٢٠٠٦ نظيف الا نادر 
انصحك تسمع كلام ابوك ويكون راضي عنك وتاخذ سياره تخدمك وتوصلك مشاوريك معزز مكرم احسن من سياره تخرب عليك كل شوي

دام ان الوالد خبره بالالماني 
اجل طيع شوره

ودام ان استخدامك بسيط ترى الشبح ثقه 
اذا عنده يد تفهمه

شف يا طويل العمر التشارجر بكل انواعها 6 و 8 سلندر موتر كفو ويعطيك ويطرب حتى لو سواق هادي ما شاء الله موتر شكل وهيبة ! وانصحك فيه ! ابعد عن الدرفت والتفحي
 والموتر يعيش معك !! من واقع تجربة مني ومن ربعي بقروب ال اكس ! والقطع لحد يتفلسف عليك ماهي غالية  القطع وخصوصا ال 2006 !

تبغى فخامة و شبابية , و قوة و قطع كامري

لكزس ES300

افضل تآخذ من 2002 و دون ب 20 مثلا و تصلحها ب 5

http://haraj.com.sa/114783045/%D9%84%D9%83%D8%B2%D8%B3_es300%D9%85%D9%88%D8%AF%D9%8A%D9%84_99_/

زي كذا 2001 و دون قصدي

الخيرة فيما يختاره الله لنا ولك عليك بالتويوتا لتريح بالك اخوي 

بما ان معك 25

ماراح تجيب لك من المواتر الامريكيه ومنها تشارجر وكرايسر وطقتها ،، إلا المهربده وكما قلت كلمتي الشهيره للاخوه اللي قبلك واقولها لك ان ((بتشيلها ماهي شايلتك))
ولاكن شوف لك كورلا

او اكسنت بتحصل 2012 شي نظيف وممتاز

جاري كان معه تشارجر شراها من نسيب جاره ، 2006 نظيفه بمعنى الكلمه وبصراحه راح عليها خطوط
وباعها اكثر من شهر واشترى سياره ماراح اقولها علشان مايجيني دس لايك لان فيه ناس عندهم فوبيا من الوكالات والسيارت لو تقول باع اليخت واشترى بيجو قال اها عطوه دس لايك يمدح بيجو ،،،،،،،
المهم نعود لمحور حديثنا افادني جاري انه بالقوه باعها في جده وبالعشرين ،، لشلة شباب يشكلهم يبونها لزحف
وايضا قالي انه صرف عليها 18 الف يعني الخساره الكليه تقريبا40 الف خسااااااااااااااااااااااااااااااار

&&&&&&&&&&&&&
اسف على سرد القصه نصحية اخ يحبك ومايعرفك خردات امريكا انحش عنها الامريكي خذه جديد اما قديم تتعب وتصير عميل مميز عند الورش والكهربائي
الشبح و اللومينا والكابرس والتشارجر ومدري ايش اهرب هروووووووبك عن الداب الاسووووووووووووووووووود


شوف لك كورلا او اكسنت والله ان تدعيلي
تحياتي لك وللجميع واتمنى ماتاخذون ردي بتحيزززززززززززززززززززز

والله التشارجر حلو انصحك فيه والشبح بعد مش بطال حتى ممكن الكرايزلر c 300 الكابريس لا باس فيه لكن شكله الخارجي احس فيه غلط وانت شكلك راعي سرعة ورجلك حارة فما لك الا الامريكي والالماني 

تبي سيارة تكد معك لا تخرج من الياباني

الله يعطيكم العافيه ..

والله يرزقكم يخت وتعطونا كم لفه احنا اصحاب هههههههههههههه

25 ماتجيب شئ نظيف  .  راح تأخذ وحده مكروفة وتحط فيها إلي قدامك وإالي وراك 

إذا ما معك قيمة وحده نظيفة دور غيرها 

التشارجر فيها قطع رخيصه وفيها قطع غالية