أضف سؤال أو موضوع جديد          

شخص يواجه مشكلة في تعلم القيادة

up 5 down 4
aameer altayeb 147
قبل 7 سنه و 9 شهر



السلام عليكم اخواني الاعضاء الكرام اسعد الله صباحكم بكل خير وكل سنة والجميع بخير؛ يوجد شخص من معارفي حاول القيادة لكن عنده مشكلة الارتباك مسيطرة عليه الشي الي يخليه يفقد التركيز ويخطي اخطاء تودي في داهية حتى صار يكره شي اسمه سواقه ولايبغى احد يقوله جرب سوق مع العلم ان هذا الشخص من اعز الناس الي اعرفهم وهو محتاج جدااااا ان يسوق بحكم انه متزوج ومسئول عن بيت  وعمره 32سنة تقريبا وانا ابا اكسب فيه اجر واعلمه السواقة واهله ويعتمد على التكاسي في مشاويره وتعرفون كيف التكاسي تنسف ابو الميزانية فابغى نصيحتكم لي في تعليمه السواقه الله يجزيكم بالخير.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله انا ما علمتن وانا اخوك الا كفوف وما ندري من وين جاتنا بس نشوف مثل الطراطيع حقت العيد هههههههههههه

لين ما صرنا سواقين

انصحك بها .......


up 4 down 0
sehly11 648
قبل 7 سنه و 9 شهر



لكن الشخص الله يحفظه لك
شخص كبير اعتقد خليه يعتمد على نفسه ويفضل لو تكون معاه وتعرف ليش يرتبك


up 1 down 1
sehly11 648
قبل 7 سنه و 9 شهر



الله يعينه صراحه تأخر كثير ومن الصعوبه إنه يتعلم في هذا السن
بس حاول معاه إلى يتجاوز مشكلة الارتباك وازرع الثقه في نفسه 
والله يكتب لك الاجر


up 3 down 1
mohammed shareef 1094
قبل 7 سنه و 9 شهر



رد رقم 1شخص اكبر مني اعطيه كفوف يعني ههههههههه رد رقم 2 يعطيك العافية


up 4 down 0
aameer altayeb 147
قبل 7 سنه و 9 شهر



قد يكون عنده فوبيا من القياده 
الافضل ان يتهيأ نفسيا اولا 


up 1 down 1
majed112345 855
قبل 7 سنه و 9 شهر



ياخوان انا عارف انه صعب يتعلم بذا السن ويمكن عنده فوبيا بس كيف اقدر اعلمه السواقه بدون مخاطر عليه وعلى الناس


up 3 down 0
aameer altayeb 147
قبل 7 سنه و 9 شهر



خله يروح لطبيب نفسي راح يقنعه كيف يواجه الخوف 

وان شاء الله يتعلم وانت اغره حببه بالقياده 


up 2 down 1
fahadlfc 314
قبل 7 سنه و 9 شهر



اخوي نصيحه اذا تبي تعلمه 

علمه على اوتماتيك وروح انت وياه مخطط فاضي وخله يسوق قرابة الثلاث اسابيع بشكل شبه يومي بالمخطط 

وبعدين نزله على الحارات ولايطلع الشوارع العامه وبعدها بفتره خله ينزل طريق عام بس يكون وسيع مره وقله امسك اليمين 
وكذا حبه حبه 


up 6 down 0
do8sh 208
قبل 7 سنه و 9 شهر



طبيب نفسي يزرع ثقته في نفسه و مشكلته تنحل 
لان اتوقع خوفه في بداية سواقتها وتعرضه لمواقف حرجه هي اللي خوفته

هناك مسنين اعمارهم فوق 80 تعلموا القراءة والكتابه 
ومنهم من الف كتب! 

كل شي له حل نصيحة خذه لمكان مخطط جديد او شوارع فاضيه
مافيها اي سيارة وتعلمه ويروح ويجي وانت معه بعدين تنزل 
ويسوق لحاله هذي كلها طرق لازم تجربها 
وعلى هالحال لمدة اسبوع بعدها ارجعوا للبيت سوا وهو يسوق
وبإذن الله راح تنفع .. نسيت اقول شي بعد 
خله يتوكل على الله ويحس بضرورة تعلم القيادة 
لان الطموح والرغبة من اهم اسباب التعلم 
ومعليش على الاطالة 


up 0 down 0
bandara 1134
قبل 7 سنه و 9 شهر



خله يتعلم على تماتيك ويتعلم ف البــــــــــــــــــــــــر والا في المزرعه

اذا تبغى تعلمه في الرياض انت تبيه ينتحر

وهذا يذكرني بحلقه لطاش ما طاش الطاره ابو مساعد تعلم على كبـر وصار افضل طاره هجولة ف الرياض

http://www.youtube.com/watch?v=6M1-zfWBTq0


up 8 down 1
صبـر 257
قبل 7 سنه و 9 شهر



صراحة أنه كفى نفسة شر كبير
تخيل لو أنت تسوق و معاك أحد و قدر الله عليكم و سار حادث من غير تفريط منك و مات خويك
تغرم 350 الف دية لأنك قتلته


up 1 down 3
m-baz 337
قبل 7 سنه و 9 شهر



^^^^ قل غيرها اما ؟؟؟


up 2 down 1
face.care 230
قبل 7 سنه و 9 شهر



لازم تتفرغ له صح اذا كان يهمك تعلمه وتخصص له ساعة واحد على الاقل في اليوم يعني لو بعد العصر مثلا
ويكون عنده علم فيها من بدري عساس يكون متهيئ نفسيا لها ووده في ذا البران خله يسوق فيها الين تدخل في راسه.
والله يعينك على فعل الخير.


up 1 down 0
متعب2300 572
قبل 7 سنه و 9 شهر



وده مخطط فاضي وخليه يسوق وانت معاه وياليت يروح معكم واحد ثاني بسيارته ويحاول يموه عليه ويخوفه حتى تنفك العقده 


up 2 down 0
سيزو 420
قبل 7 سنه و 9 شهر



يخوي ماينلام السواقه عندنا هنا زي الزفت انا يوم صار علي حادث قوي قعدت شهر اسوق تقول سائق تحت التدريب وأسوأ بعد واللي يلحم فيني اقعد اصارخ من الخوف جرب تشغل قرآن وانتم تسوقون ترى القرآن يهدأ ويرخي الأعصاب ويبعد التوتر والخوف 


up 0 down 0
kaboom smash 645
قبل 7 سنه و 9 شهر



والله ما ألومه الصراحة ، شكله شايف حادث قوي او انه يسمع بمخاطر السواقه كثير ، وعلى طاري انه مايبي يسوق ، بعطيكم سالفة واحد عسكري كنت اعرفه ، كان راجع من الطايف للرياض الممهم شاف حادث حول القويعية لعايله ، وقف سيارته ونزل يشوف وش صاير ، يوم قرب ويشوف عايله كامله كلهم متقطعين ، تخيل تشوف معده وأمعاء بالارض ، بعدها والله جلس حول السنه ما يسوق ، يروح الدوام مع اخوياه و 24 ساعه جالس بالشقه مقابل زوجته لين ساعدوه بعض الشباب ورجعوا له الثقه وبدا شوي شوي ، وانا من رأيي انك تعرض خويك على طبيب نفسي لين يمتص مخاوفه وبعد كذا علمه السواقه بس لا تعلمه السواقه وبعدين اذا طلع لحاله يرتبك ويخاف ولا يتصرف زين ويجيب العيد وبالتوفيق 


up 0 down 1
ssv8 1048
قبل 7 سنه و 9 شهر



السلام عليكم ورحمة الله وبركاته
اهم شي يعرف انو السيارة الة هو يسيطر عليها ويتحكم بيها وليس العكس
الثقة بالنفس تجي من العلم والتدريب
وان شاء الله مع الوقت يسوق بشكل عقلاني ان شاء الله
..
اهل الشام بيقولو بالامثال:
الممارس يغلب الفارس


up 1 down 0
h i c h a m 9
قبل 7 سنه و 9 شهر



تعلم السواقه يعتمد على النفسيه اذا تمام او لا
انا ابديت تعلم السواقه بتردد شديد وخوف وجلست سنتين ما اخرج بالسياره الا مضطر او مكره وياما جيت اجيب العيد كله بسبب الخوف لكن بالنهايه الحمدلله اتعودت على السواقه وتاقلمت 
اصحابي من اول شهور لهم يفرفرون ومتاقلمين مع الوضع

لكن نصيحتي لقريبك

شجعه نفسيا و ان مافيه احد طلع من بطن امه متعلم
السياره اللي يتدرب عليها لازم تكون صغيره ومرايتها كبيره قير تماتيك اسهل بالتعلم 
ولاينسى يقرا الاذكار 


up 1 down 0
root liner 42
قبل 7 سنه و 9 شهر



كلنا اول بداية السواقه نخاف محد ينكر

وكل شيء مع الوقت شوي شوي يقل الخوف حتى تتمكن من القياده

لان اي واحد مايسوق وتوقف وتقوله سق اكيد بيخاف

لاكن افضل شيء

تبدا انت وياه اسبوع

بمخططات فاضيه وتخليه يلف فيها ويديور وتعطيه راحته

وحاول تكلمه وتريحه بالكلام يعني عزز له

قله كويس ماشاء الله عليك عطه كلام خله يستانس

الين حسيت اتقن بالمخططات

ابدا طلعه حواري بالليل الفجر شوارع ماحولكم احد شوي شوي شوي شوي

الين يتقن بالليل

شوي شوي تقوله يالله اتحداك توصلني بيتنا شوي

تمهد له الموضوع حبه حبه

ثمن بعدين تقوله وش رايك نطلع بالليل لمكان كذا بسيط

حتى يتعود يختلط مع الناس

شهرين صدقني بهل الطريقه يمسك طريق الثمامه

التعليم يبدا حبه حبه

الحين لو تجيب سواق لبيتك تلقاك تعلمه من الصفر

ومنها تكسب اجر بدال مايدفع ليموزين وقروشه ويخسر نفسه

اهم شيء السياره تماتيك علشان مايرتبك وحاول ماتعلمه الا تماتيك وطاره هواء

علشان يحس بالراحه والسهوله

والله يجزاك خير على تعليمه

ولازم تصبر عليه ولاتعصب وتنافخ عليه لانه بني ادم

وكل بني ادم خطا علشان مايكره السواقه

بالتوفيق للجميع


up 0 down 0
amear 1347
قبل 7 سنه و 9 شهر