شخص يواجه مشكلة في تعلم القيادة

والله انا ما علمتن وانا اخوك الا كفوف وما ندري من وين جاتنا بس نشوف مثل الطراطيع حقت العيد هههههههههههه

لين ما صرنا سواقين

انصحك بها .......

لكن الشخص الله يحفظه لك
شخص كبير اعتقد خليه يعتمد على نفسه ويفضل لو تكون معاه وتعرف ليش يرتبك

الله يعينه صراحه تأخر كثير ومن الصعوبه إنه يتعلم في هذا السن
بس حاول معاه إلى يتجاوز مشكلة الارتباك وازرع الثقه في نفسه 
والله يكتب لك الاجر

رد رقم 1شخص اكبر مني اعطيه كفوف يعني ههههههههه رد رقم 2 يعطيك العافية

قد يكون عنده فوبيا من القياده 
الافضل ان يتهيأ نفسيا اولا 

ياخوان انا عارف انه صعب يتعلم بذا السن ويمكن عنده فوبيا بس كيف اقدر اعلمه السواقه بدون مخاطر عليه وعلى الناس

خله يروح لطبيب نفسي راح يقنعه كيف يواجه الخوف 

وان شاء الله يتعلم وانت اغره حببه بالقياده 

اخوي نصيحه اذا تبي تعلمه 

علمه على اوتماتيك وروح انت وياه مخطط فاضي وخله يسوق قرابة الثلاث اسابيع بشكل شبه يومي بالمخطط 

وبعدين نزله على الحارات ولايطلع الشوارع العامه وبعدها بفتره خله ينزل طريق عام بس يكون وسيع مره وقله امسك اليمين 
وكذا حبه حبه 

طبيب نفسي يزرع ثقته في نفسه و مشكلته تنحل 
لان اتوقع خوفه في بداية سواقتها وتعرضه لمواقف حرجه هي اللي خوفته

هناك مسنين اعمارهم فوق 80 تعلموا القراءة والكتابه 
ومنهم من الف كتب! 

كل شي له حل نصيحة خذه لمكان مخطط جديد او شوارع فاضيه
مافيها اي سيارة وتعلمه ويروح ويجي وانت معه بعدين تنزل 
ويسوق لحاله هذي كلها طرق لازم تجربها 
وعلى هالحال لمدة اسبوع بعدها ارجعوا للبيت سوا وهو يسوق
وبإذن الله راح تنفع .. نسيت اقول شي بعد 
خله يتوكل على الله ويحس بضرورة تعلم القيادة 
لان الطموح والرغبة من اهم اسباب التعلم 
ومعليش على الاطالة 

خله يتعلم على تماتيك ويتعلم ف البــــــــــــــــــــــــر والا في المزرعه

اذا تبغى تعلمه في الرياض انت تبيه ينتحر

وهذا يذكرني بحلقه لطاش ما طاش الطاره ابو مساعد تعلم على كبـر وصار افضل طاره هجولة ف الرياض

http://www.youtube.com/watch?v=6M1-zfWBTq0

صراحة أنه كفى نفسة شر كبير
تخيل لو أنت تسوق و معاك أحد و قدر الله عليكم و سار حادث من غير تفريط منك و مات خويك
تغرم 350 الف دية لأنك قتلته

^^^^ قل غيرها اما ؟؟؟

لازم تتفرغ له صح اذا كان يهمك تعلمه وتخصص له ساعة واحد على الاقل في اليوم يعني لو بعد العصر مثلا
ويكون عنده علم فيها من بدري عساس يكون متهيئ نفسيا لها ووده في ذا البران خله يسوق فيها الين تدخل في راسه.
والله يعينك على فعل الخير.

وده مخطط فاضي وخليه يسوق وانت معاه وياليت يروح معكم واحد ثاني بسيارته ويحاول يموه عليه ويخوفه حتى تنفك العقده 

يخوي ماينلام السواقه عندنا هنا زي الزفت انا يوم صار علي حادث قوي قعدت شهر اسوق تقول سائق تحت التدريب وأسوأ بعد واللي يلحم فيني اقعد اصارخ من الخوف جرب تشغل قرآن وانتم تسوقون ترى القرآن يهدأ ويرخي الأعصاب ويبعد التوتر والخوف 

والله ما ألومه الصراحة ، شكله شايف حادث قوي او انه يسمع بمخاطر السواقه كثير ، وعلى طاري انه مايبي يسوق ، بعطيكم سالفة واحد عسكري كنت اعرفه ، كان راجع من الطايف للرياض الممهم شاف حادث حول القويعية لعايله ، وقف سيارته ونزل يشوف وش صاير ، يوم قرب ويشوف عايله كامله كلهم متقطعين ، تخيل تشوف معده وأمعاء بالارض ، بعدها والله جلس حول السنه ما يسوق ، يروح الدوام مع اخوياه و 24 ساعه جالس بالشقه مقابل زوجته لين ساعدوه بعض الشباب ورجعوا له الثقه وبدا شوي شوي ، وانا من رأيي انك تعرض خويك على طبيب نفسي لين يمتص مخاوفه وبعد كذا علمه السواقه بس لا تعلمه السواقه وبعدين اذا طلع لحاله يرتبك ويخاف ولا يتصرف زين ويجيب العيد وبالتوفيق 

السلام عليكم ورحمة الله وبركاته
اهم شي يعرف انو السيارة الة هو يسيطر عليها ويتحكم بيها وليس العكس
الثقة بالنفس تجي من العلم والتدريب
وان شاء الله مع الوقت يسوق بشكل عقلاني ان شاء الله
..
اهل الشام بيقولو بالامثال:
الممارس يغلب الفارس

تعلم السواقه يعتمد على النفسيه اذا تمام او لا
انا ابديت تعلم السواقه بتردد شديد وخوف وجلست سنتين ما اخرج بالسياره الا مضطر او مكره وياما جيت اجيب العيد كله بسبب الخوف لكن بالنهايه الحمدلله اتعودت على السواقه وتاقلمت 
اصحابي من اول شهور لهم يفرفرون ومتاقلمين مع الوضع

لكن نصيحتي لقريبك

شجعه نفسيا و ان مافيه احد طلع من بطن امه متعلم
السياره اللي يتدرب عليها لازم تكون صغيره ومرايتها كبيره قير تماتيك اسهل بالتعلم 
ولاينسى يقرا الاذكار 

كلنا اول بداية السواقه نخاف محد ينكر

وكل شيء مع الوقت شوي شوي يقل الخوف حتى تتمكن من القياده

لان اي واحد مايسوق وتوقف وتقوله سق اكيد بيخاف

لاكن افضل شيء

تبدا انت وياه اسبوع

بمخططات فاضيه وتخليه يلف فيها ويديور وتعطيه راحته

وحاول تكلمه وتريحه بالكلام يعني عزز له

قله كويس ماشاء الله عليك عطه كلام خله يستانس

الين حسيت اتقن بالمخططات

ابدا طلعه حواري بالليل الفجر شوارع ماحولكم احد شوي شوي شوي شوي

الين يتقن بالليل

شوي شوي تقوله يالله اتحداك توصلني بيتنا شوي

تمهد له الموضوع حبه حبه

ثمن بعدين تقوله وش رايك نطلع بالليل لمكان كذا بسيط

حتى يتعود يختلط مع الناس

شهرين صدقني بهل الطريقه يمسك طريق الثمامه

التعليم يبدا حبه حبه

الحين لو تجيب سواق لبيتك تلقاك تعلمه من الصفر

ومنها تكسب اجر بدال مايدفع ليموزين وقروشه ويخسر نفسه

اهم شيء السياره تماتيك علشان مايرتبك وحاول ماتعلمه الا تماتيك وطاره هواء

علشان يحس بالراحه والسهوله

والله يجزاك خير على تعليمه

ولازم تصبر عليه ولاتعصب وتنافخ عليه لانه بني ادم

وكل بني ادم خطا علشان مايكره السواقه

بالتوفيق للجميع