أضف سؤال أو موضوع جديد          

ايش رايكم بالبي ام؟

up 3 down 3
قمم المجد 364
قبل 7 سنه و 4 شهر



كل عام وانتم بخير
وعساكم من عواده
تقبل الله منا ومنكم

انا كان ودي اشتري بي ام الشكل موديل من 99 الى 2004 الفئة الثالثة بس كان ودي بواحده
كشف احلى تجي 330ci وما لقيت اللي يناسبني صراحة
لقيت واحده قدامي 330ci بس ماهي كشف ولكنها مصدومه من الامام والإيرباقات سليمة
تبي بس الصدام الامامي وجسر الصدام والرديتر كامل والكبوت وسير طرمبة الدركسيون طلع من مكانه
وطبعا الشمعات الإثنين بهن ضرر بس ماهو لازم يتغيرن

الرجال طالب بالموتر 15 الف على وضعه
ايش رأيكم؟
مع العلم ان موديله 2004
كم تكلف القطع هذي اذا قررت اشتريه؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


واحد من الشباب قالي قبل كده.
خد المتكلف ولا يكلفك..
صراحة عرفت قيمة الكلمة اللي قوف لما جربت :( 
...
رأيي..
لاتاخدها نظيفة ولا ما بلاش ..
وإذا ملزم..
روح اسأل الوكالة وابقى عرفنا الأسعار عشان يستفيد الشباب 


up 2 down 0
mohammad saeed 2864
قبل 7 سنه و 4 شهر



انتبه قطع غيارها غالي


up 2 down 0
خالد فالح ابو ضروطي -10
قبل 7 سنه و 4 شهر



السيارات الاوربيه ،،

ماتصلح الا جديده مع واحد مريش يستعملها بالكثير سنتين ويبيعها

اما خردة بي ام

تبي تصير عميل مميز عند الاتراك والسورن ، بتشوووووووف شي ماعمرك شفته
تبي تمنى انك ماتعلمت السواقه من اولها
والله اعلم
انصحك بشي معروف وقطع غياره رخيص ،،، مالك ومال الهمووووووم
مالك ومال الخساير وقلة الحيا ورفعة الضغط
القيمه اللي معك بتاخذ فيها اكسنت مديل 2008 تقريبا

نصحيه اخويه


up 3 down 2
امير الاصيل 1714
قبل 7 سنه و 4 شهر



2004 موديل قديم مر عليه 10 سنوات

رح تطلب منك صيانة وقطع وهذا مكلف جدا في السيارات الاوروبية

دور موديل 2010 وفوق اذا ميزانيتك تسمح او اصرف النظر


up 1 down 2
أبو عبادة 4852
قبل 7 سنه و 4 شهر



وانت بخير اخي الكريم

من تجربتي بالفئه الثالثه الموديل اللي قبل هذا و الا بفضل الله اللي بعده

الفئه الثالثه هي الفئه العمليه من البي ام دبليو

لكن انصحك كمجرب و كأخ

اولا لا تشتري الا النظييييييف جدا ولا تغلب حالك بالسياره نص عمر في ناس تحافظ و تلقى السياره بقمه النظافه اما اذا غير نظيفه لا تغلب حالك

ثانيا اذا قطع غيارها لهذا الموديل ما عندي علم فيه والله لكن اقلك عن الموديل اللي بعده اللي للان غيرته

فحمات بريك امامي الماني نفس الشركه المصنعه للوكاله ١٥٠ ريال بالاضافه الى حساس ٥٠ الماني و ١٠٠ اصلي وكاله

فلتر زيت مكينه ٥٥ ريال اصلي

طرمبة ماء ١٣٥٠ ريال لانها تجي كهرباء لكن الموديل هذا اللي انت تسال عنه طرمبته عاديه على السير اكيد ارخص من اللي معي

والنصيحه الاخيره كاخ اذا انت ما انت هاوي بي ام و سواقتك ما هي راكزه لا تقربها و السياره تحتاج اهتمام و دلع

والله ييسرلك كل خير


up 3 down 0
alshishani 1594
قبل 7 سنه و 4 شهر



ياخوان السلام عليكم ورحمة الله 
ابغى انزل موضوع يقول يجب تثبيت العضوية
وادخل رقم الجوال يقو خطاء


up 0 down 0
نظره امل 398
قبل 7 سنه و 4 شهر



الشيشاني
شاكر لك مرورك، كلامك يدل على ان قطعها ماهي غالية زي المشاع عندنا (يارجال هذي ارخص من الكامري)
وانا اكيد بالبداية ماراح اخذها على وضعها
اول شي راح اصلح القطع الميكانيكية (الرديتر - طرمبة الدركسيون) واشغل وافحص وامشي عليها اجربها
وان شاء الله يكون لي فيها نصيب
بس ودي احد يفيدني بمحل متخصص بقطع غيارها الأصلي بس ماهي وكالة ويعطيني رقمه لأني ماني بالرياض او جدة
عشان احسب التكلفة اول شي وبعدين اقرر
تروا مشكلتنا حنا السعوديين اننا نكره الألماني مع انه رقم واحد بالأمان بالعالم
أنا واحد من الناس عايش طول عمري على التايوتا والمازدا والكابرس
قلت طيب ياخي جرب الأوروبي يمكن يعجبك وما تطلع منه بعد كذا خصوصا ان لي اكثر من صديق توفاه الله على
تايوتا ومن ضمنهم ولد خالتي الله يرحمه برمضان هذا
فوالله اني كرهت الياباني والآسيوي عامة بعد ما شفت فيديوهات لأمان الأوروبي
وشاكر لكم مروركم الكريم وكل عام وأنتم بخير
ولا تنسوا ابي رقم محل لقطع غيارها عشان استفسر عن الأسعار


up 2 down 0
قمم المجد 364
قبل 7 سنه و 4 شهر



بعد البحث والاطلاع بالمواقع على قطع الغيار
وجدت الاسعار هذي بموقع ايباي
100 دولار رديتر
600 دولار كبوت كاربون فايبر ولا لقيت غيره بس لقيت بموقع partstrain واحد سعره 223 دولار
170 دولار صدام امامي مع انوار الضباب
50 دولار شبك امامي للكبوت حق بي ام (يجي حبتين يمين يسار)
500 دولار شمعتين امامي معدل مع زينون وهذا اضافه كذا من عندي
اما جسر الصدام وسير طرمبة الدركسون ما ادري اش اسمهم

التكلفة الاجماليه كذا بدون الشمعات 3450 ريال
ومع الشمعات 5325 ريال

ايش رايكم اشتريه بال 15؟ وكذا يكون مع الاصلاح 20 الف؟


up 1 down 0
قمم المجد 364
قبل 7 سنه و 4 شهر



الكبوت ماهو لازم كاربون فايبر لأنه راح يوفر لي 1400 ريال يعني تكون التكلفة 2050 ريال بدون الشمعات
ومع الشمعات حول ال4000 ريال
يعني مع الاصلاح اقل من 20 الف
يابلاش ويكون معي بي ام
ايش رايكم بالله؟


up 0 down 0
قمم المجد 364
قبل 7 سنه و 4 شهر



جواب الامير الاصيل اصيل 


up 0 down 1
تقع سهاله 7
قبل 7 سنه و 4 شهر