بعيدا عن السيارات .. الجوالات والأجهزة خطر عظيم علينا

صدقت أبعدتنا تلك الأجهزة والتقنية عن مسك كتاب الله (القرآن الكريم)

لا حول ولا قوة الا بالله العلي العظيم ، صاحب الموضوع أشكرك لطرحك هالنوع من المواضيع 

حنا الكبار راحت علينا ولكن الأطفال هم من في الخطر والمصيدة

للاسف الاجهزة شر لابد منه

لكن اهم احتياطات السلامة عشان تقلل الضرر

ما تحط السماعات على اذنك ( الهيدفون ) خليها لاوقات الضرورة القصوى ودايم استخدم السمعات العادية اللي مهي على اذنك

بالنسبة للشاشات و السوني و التابلت كل 45-60 دقيقة وقف و غسل وجهك عشان العين ما تجف بسبب الوهج + حاول اول ساعة من يوقت ما تصحى ما تمسك الجهاز

صادق اخوي حتى  عيني العين صارلها ضعف  من كثر مااكلم من اكلم بالجوال واغلب  الناس مثلي اعتقد 
والمصيبة لا صارت جمعة او مناسبة   تحصل كل واحد ماسبك له زاوية او يبي شاحن او يبي وايرلس رقم الشبكة
والمشكلة انه مضيعة للوقت قبل فترة طفى النت احس صار عندي فراغ كبير وخلصت شغل اهلي 
وانجزت امور وصرتت مااتشايق لو اطلع برى البيت وعادي لو تقومني من النوم ما في مشكلة اول ماابي الا المحمول
ونت سريع فقط لاغير؟؟

انت جالس تعرض مشكله وكئن الحلول بالنسبه لك معدومه

كسر التلفزيون ولا بع هالتقنيه ووقت متافضى بدل ماتجلس يمها روح اجلس لحالك واقرا قران 

انا شريت جوال سوني اكرو اس وماجلس اسبوع والا انا كارشه رجعت لبو كشاف
لهذي الدرجه الواحد ماهو قادر يسيطر على نفسه !

الله لايضرك ياشاقح
باين عليك انسان اجتماعي ماشاءالله عليك 
بخصوص الموضوع 
الاستغناء عن الجوالات مستحيل في هالزمن خصوصا الدردشة وضياع الوقت فيه امر مهم بالنسبة للشباب لانه ماعاد فيه شباب
مثل اول طلعات ورحلات كلها سوي قروب او العب لعبة ضيع وقت فراغك فيها
هذي الحقيقة المرة
الا اذا صار خلل في اتصالات الانترنت بالعالم كله وقتها الناس ترجع للزمن الجميل ^_^

يااخي هذه تقنيات حلوه ووممتازه وفيها اجابيات وسلبيات كثيره .. لكن الموضوع هنا يرجع لنفس المستخدم، استخدم لكن بالمعقول .. واللي عنده اطفال انصحه نصيحه من القلب للقلب
نصيحه والله من ذهب طالما ان طفلك ماتجاوز 8 سنوات لاتتركه اكثر من ساعه على التلفزيون وهو يناظر للرسوم المتحركه لأن الاطفال بالمرحله هذه عقله يستقبل معلومات وتتخزن
بذاكرته ومن الصعوبه انك تقنعه بعدين ان الامر هذا خطأ ، والله قنوات الاطفال اخطر من باقي القنوات الثانيه لأنها هي اللي تربي اذا اهملت طفلك عاد شف وش تغذي فكره بإيش
وخصوصآ اللي تبع الام بي سي العن واخبث قناه على وجه البسيطه،،، تعلم على الشذوذ- والعنف - والجنس - والالحاد هالقناه صهيونيه عسى الله يجعل عاليها سافلها

شويخ
ماشاء الله يعني انت الحين داخل الموقع من جهاز ابو كشاف ^_^
بصراحه انا اشوف التلفزيون والبلايست

التلفزيون والبلايستيشن افضل للاطفال من الاجهزه زي الايباد والجلاكسي لان الجهاز بيمسكه بيده قريب من عيونه وكذا يضره عكس التلفزيون يكون بعيد عنهم وضرره اقل 

شي طبيعي نتجه للانترنت و التلفاز وش الشي الجميل بسعوديه ؟


مافي فعاليات زي الناس ولا فيه اهتمام للمدن البارده مثل ابها و الطايف بشكل كبير واساسا المكان الوحدي ان الشخص يروح له هو مقهى اما الملاهي للعوائل و المولات للعوائل حتى حديققة الحيوان للعوائل خخ


اهل جده اله رزقهم بكورنيش هم و الشرقيه اما الرياض الله يعينهم لا بحر ولا حاجه



فلازم يكون فيه شي مثل فعاليات وترفيه للفرد

يارجل الحين ماتدخل مجلس او استراحة الا الكل عينه في جواله حتى سوالف وضحك ووناسه مافيه او في التلفزيون الحين كل القنوات قسم مافيها المفيد لا للكبار ولا للصغار زمان كان غصب واحد يجيبون لك اشياء ماتخليك تتابعها الا تسكر التلفزيون تطلع تتحرك وبالذات للاطفال

عاد انا بعطيكم وجهة نظري

مع العلم اني مثلكم نوع ما ادمنت على الاجهزه والاب توب والبلاك بيري

بس خلونا ناخذها بمنظور ايجابي الان كل واحد جالس ببيته وعند اهله وقريب عندهم

وفكو الناس من التفحيط والمشاكل والمغازل والخربطه

يعني تخيلو الرياض لافيه لاترفيه ولاشيء وهذا شيء اعانيه كشاب بالرياض

مافيه مكان تروح له ياالبر او تروح تقعد بااستراحه

انا اشوف ان الاجهزه فقط لو ماتضر العين كان افضل شيء بالحياه

لان هذا المتنفس الوحيد للشاب

الشاب اذا صكرت عليه ولافيه نت ولافيه شيء

يااما يروح بشله مخدرات وتفحيط ومشاكل ليس لها نهايه

انا اشوف فيها ايجابيه من النقاط هذي

السلبيات انها تخلي الشخص انطوائي ويواجه سعوبه بدخوله بالوظيفه مع العالم ويسنع نفسه

ويعتمد على نفسه

هذي اللي الاحظها

فقط

مجرد وجهة نظري

لاندقق على الشباب ونقول ليه يسوون كذا وكذا لان مساكين مافيه شيء يقدر يسويه

ولو ملك مبلغ بسيط راح سافر استانس وتمشى وعاش جوه ورجع للطفش مره ثانيه

الحياة كذا كل شي وله ضريبه

فعلا !
غير انها تضر في العين والجسم والحواس !

المصيبه انها تجعل من الشخص انطوائي اكثر !
ولو تلاحظون ان فيه مراهقين اعمارهم 18 و 17 و 16

مايعرفوا يتكلمون وجه لوجه ولا يعرفون يتناقشون و لا بأستطاعتهم يأخذون حقوقهم
ولكن لو تتكلم معه بالواتس او البلاك بيري !
تشوف انه يتكلم ويتكلم ولا يسكككت ..

وغير كذا مافيه رقابه عليهم من الكبار و صارت الاجهزه لهو ولعب بدون فائده
وصاروا اولادنا عقليتهم صغييييييره بواقع الحياة

والحمد لله على كل حال