أضف سؤال أو موضوع جديد          

من جديد -- اسعار التأمين في ارتفاع شنيع صارت 10 بالمئة

up 3 down 3
YASSER505 4167
قبل 4 سنه و 8 شهر



السلام عليكم



------ من البداية الي يقول حرام وما حرام ، اقول له انا احب هالحرام :) ----


طبعا بعد الاسطورة التاريخية مع التعاونية ووصول قسط التأمين الخاص بي الى حدود 10 الاف ريال بسبب حادث دهس ماكلفهم 37 الف

قررت اغير الى ملاذ ب 2100 اصلاح ورش
وقرب ينتهي التأمين ,, وبديت رحلة البحث عن تأمين جديد وكالعادة اسحب على اوووم تكافل الراجحي النصاب ابن 66 نصاب بسبب تجارب جميع من أمن شامل لديه واخوياي وزملائي بالخصوص ,, واتوجه للتعاونية واطلب منهم صك الغفران على الحادث السابق :)
المهم مره مصممين اقل شي واقل تغطية 7 الاف وشوي وتحمل 2000 ريال ههههههه
وقلت انا الغبي الي اعتذر لكم واديور لملاذ واقول ابجدد عندكم بدون حوادث

راح قال فقط فقط فقط تأمين حوادث2900 ريال على 50 الف على تحمل 1500 ريال واصلاح ورش وبدون اخطار طبيعية وبدون سيارة بديلة وبدون توسعة و بدون وبدون + الرسوم الادارية + انتظار خصم قيمة عفطة بسيطة بالرفرف من الادارة من قيمة السيارة الاجمالية :)

واكشر بوجهة واتصل على الهاتف المجاني واقول لهم انا مؤمن سنة ولا استفدت ولا شي من التأمين ولي مطالبة مافتحتها لاني صلحت السيارة بنفسي قالت دقايق واتواصل معك
وفعلاً تكرمت الاخت بمجهود شخصي " لها نقاط طبعاً بس انها تعتبر ساعدتني " قالت انت توجهت لفرع وكيل مو فرع ملاذ ,, وابتداء من 1 اغسطس تعرفة التأمين زادت 0.75 + 30 بالمية من الرسوم الادارية يعني بيطلع تأمينك حدود 4000 ريال التأمين الاساسي اقللل منافع واذا يشمل المنافع يتعدى 5 الاف يعني اكثر من 10 بالمية من قيمة السيارة

وفعلاً ماقصرت الاخت وامنت لي بوثيقة جديدة لاني لو انتظرت التجديد ورد الفائض " 250 ريال " راح يكون تعدى الوقت وانتهى الاجمالي كله 2510 اقل منافع + اخطار طبيعية وسرقة + ركاب

وطبعاً هالشي قالوه ملاذ و التعاونية ان جايهم تعميم بتجاوز اي حالة مستثناة منها:-
سائق سكران = يشمله التأمين ويحال للقضاء للتسوية
بدون رخصة = يفصل فيها اذا كان المالك للسيارة هو نفسه المخطي ونفس الشي يقاضونه بعدين
عاكس سير
مفحط

وغيرها من الاستثناءات السابقة وعندي وثيقة التأمين القديمة حقت 2011 حقت التعاونية وبالمقارنة مع وثيقة تأمين ملاذ الحالي انحذفت كثييير من الشروط .

عالعموم

مو منهم من الي ساكت عليهم بهالاسعار

واتمنى انه ينفك الاحتكار من التعاونية وملاذ وميد قلف بالتأمين الشامل والتوسعات الجغرافية وادخال شركات معتمدة عالمية " منغنغة مو طفرانة زي المتحدة والوطنية كل شوي مفلسين ويقفلون ويفتحون " وتفك الاحتكار والاسعار الصهيونية الي مجبورين عليها ..!!










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الي قاهرني ان اليانز اس اف تابعة للبنك السعودي الفرنسي لكن للأسف ماتأمن افراد فقط شركات ومجموعات ومؤسسات :(

ولا كان تعتبر اضمن من التعاونية لان يدعمها بنك مو مستثمرين


up 0 down 1
YASSER505 4167
قبل 4 سنه و 8 شهر



25 رمضان اسلتمت السيارة من عبداللطيف والتامين ملاذ (( تابعه له هالشركة )) ,, الورقة مكتوب فيها مايشمل العكس والشرب والاشاره ,,

ف ياليت توضح ايش يعني الاستثنائات ,, يعني ماتدخل فيي التامين ولا تدخل :/

بالعربي لو اني شارب وعاكس الطريق وقاطع الاشارة بنفس الوقت (( هيا حلها )) وصدمت واحد ,, لا قدر الله طبعا ,, هل يغطي غصب عنهم رغم انه الورقة الشروط مايغطي ,, او لا ؟ 


up 0 down 0
سآآآل 318
قبل 4 سنه و 8 شهر



اخوي سآآآل

اقرا الاستثناء زين

مكتوب " الحالات التي يحق لملاذ الرجوع للمؤمن له بعد تعويض الطرف الآخر قضائياً "

يعني يعوضون بعدين يرجعون لك قضائيا تسوي معهم

اما اذا مكتوب مايشمل مايشمل هذا مخالف تعميم مؤسسة النقد الي من سنتين تقريباً


up 0 down 1
YASSER505 4167
قبل 4 سنه و 8 شهر



موسسه النقد تدري بكل الي صاير بشركات التامين لانها هي الي تصرح لهم ومسؤله عن شركات التامين انا رفعو علي تامين التكسي دبل بدون سابق انذار وماعندي سجل حوادث واشتكيت وسفط منهم ومن موسسه النقد 


up 1 down 0
msfr12244 74
قبل 4 سنه و 8 شهر



من ناحية مجلس الضمان الصحي التعاوني ,, مدري تابع لمن ,,, سبق وان خسف بميد قلف الارض بسبب تلاعبهم بتقرير ابن احد الزملاء قايلين انه مسوي 4 عمليات قبل 3 سنوات والولد عمره سنتين هههههههههههههه

القهر ان خوينا ماراح طلب تعويض لكن دفعوا كللللل ريال دفعه :)

فاعتقد ان شاء الله ان فيه ضبط لشركات تأمين السيارات


up 0 down 0
YASSER505 4167
قبل 4 سنه و 8 شهر



معليش بما اننا دخلنا بموضوع التأمين الطبي


ترا مجلس الضمان الصحي التعاوني يجبر شركات التأمين حتى على الجرايد والبيبسي والحلويات والعصيرات الخارجية ب 100 ريال كحد اعلى يومياً اذا تأمينك يغطي ويزيد المبلغ حسب الفئة


up 0 down 0
YASSER505 4167
قبل 4 سنه و 8 شهر



اليانزا الفرنسية لي تجربه معاهم ايام الزوم 3    عام 2008

صدمت وخلصوا اموري بس دفعوني 500  وصلحوا السياره


الله يعين ولا حول ولا قوة الا بالله


up 0 down 0
آبونوره 23
قبل 4 سنه و 8 شهر



شريت سيارة قبل نهاية السنة الميلادية بيومين
دفعت رسوم اللوحات والتأمين (ملاذ ٤٠٠ ريال) والاستمارة
واضطريت إني انتظر اسبوع عشان توصل السيارة من جدة

الزبدة في بداية السنة الميلادية 3 يناير اتصل فيني معقب الشركة وقال باقي 50 ريال
حق التأمين قلت له ياحبيبي انا دافع الرسوم كاملة قال تأمين ملاذ 450 ريال
وأروح لفرع ملاذ واستفسر منهم قال زادو 50 ريال قبل يومين

يعني من أول 400 والزيادة 50 ريال
يطلع نسبة الزيادة في التأمين ضد الغير حوالي 13٪




up 0 down 0
أبو العنود 565
قبل 4 سنه و 8 شهر



والله مشكله ؟ واجبرونا ع التامين ولا تتوقف مصالحنا
لاتجديد استماره  ولا ورقة اصلاح ولا شيء يخص المرور ومرمطه لاسويت حادث وشغله عويصه !!!! 
فوش الحل مع هالشركات ياترى ؟ يعني يفرضون علينا التامين ولا يضبطون شركات التامين مصيبه صراحه !
وياليتها وقفت ع شركات التامين كل شيء ملعوب فيه !!

الله يخارجنا بس على خير 


up 0 down 0
fx2y -202
قبل 4 سنه و 8 شهر



اقل من 21 كان عند الراجحي بـ750 الحين صار ب3200 , بالله ذا منطق؟
والمشكلة لفيت على كم شركة خايسة ابي تامين لاخوي لقيتهم كلهم على 1450 و1500

ورحت للتعاونية طقطقة الي هم يقالهم اغلى ناس , وقال اقل من 21 عندنا بـ1500 ؟!!
الحقيقة لو بأمن بسعر غالي امنت عند التعاونية ولا عند المحلات الخايسة دامها نفس السعر

بس لقيت شركتين رخاص  مايعتبرون رخاص بس ارخص شيء لاقل من21, وفا بـ900 ,
وملاذ بـ1150


up 0 down 0
mr.tahoe 1187
قبل 4 سنه و 8 شهر



 تكافل الراجحي سيء سيء وزفت بشكل ما تتصور ابدا 
كم واحد من جماعتنا تمقلب معهم وانجن 
والله حتى خويي حلف يمين بالله ما عاد يامن شامل بس الشروط الغريبة والعجيبة
تخيل  ساكن هو بحفر الباطن  وصار الحادث بحفر الباطن 
راحو حولوه على الرياض وقالو نصلحها لك هناك ؟ 
قال طيب تعويض وكذا  رفضو 
دخل معهم  بمشاكل هو حاط تامين الى 60 الف ريال  
واذكر قالي الى بعد العيد بيردون علي 
تخيل كل ماايجيهم يقولون تعال بعد اسبوع وهو عسكري وبالحفر ورايح جاي مع الخطوط 
المسكين اكل هواء بسبه التامين المعفن وامستغرب انا منهم
نصيحة اخو لا تامن عند تكافل الراجحي ابدا


up 1 down 0
صوت العزاوي 527
قبل 4 سنه و 8 شهر