أضف سؤال أو موضوع جديد          

سعر مكينة سوبربان حجم 350 من وكالة العيسى مع الحكاية

up 31 down 2
سهيل الوسم 216
قبل 6 سنه و 9 شهر



السلام عليكم ورحمة الله وبركاته

صباح الخير لجميع أعضاء المنتدى

في عام 1989 قرر الوالد السفر في جولة سياحية للعائلة ، وكالمعتاد بدأ بفحص السيارة و جميع ما تحتاجه من قطع غيار وغيره .

وكانت السيارة سوبربان موديل 1980 ؛ وبدأ يفحص السيارة عند ورشة معروفة في ذلك الوقت ؛ وبعد الفحص قرر

الميكانيكي أن السيارة تحتاج توضيب وأن مكينة السيارة ما راح تتحمل مشوار السفر ، وكان الوالد على نيته ما يعلم

أن مكينة السيارة سليمة ووثق بكلام ونتيجة فحص الورشة بحكم إن الورشة معروفة ؛ وقال الوالد للميكانيكي إصبر 

ولا تبدأ توضب المكينة لين أقولك ؛ وخرج الوالد من الورشة وبعد دقائق كانت الفاجعة لميكانيكي الورشة ؛ شاف عمال يسحبون 

 بعربية السحب صندوق خشب وكان داخل الصندوق مكينة جديدة من الوكالة ، وقال الوالد للميكانيكي فك المكينة القديمة 

وركب بدالها الجديدة .

وكانت المكينة القديمة تجي لونها أحمر ؛ والمكينة الجديدة تجي لونها أزرق .

وكان سعر مكينة السوبربان حجم 350 لتر في وكالة العيسى بـــ 5000 ريال وبعد الخصم بـــ 4250 .

الشيبان ما عندهم مزح

في نهاية الحكاية حبيت تشرفوني بقرائتم للحكاية .

وهذي صورة الفاتورة بعد ما حصلتها داخل عفش الوالد الله يرحمه .









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اسأل الله ان يغفر له ويرحمه وموتانا وموتى المسلمين سيارات زمان كانت صبورة بدون اي مميزات ولا كنا نشتكي من كهربتها او ميكانيكا الا في النادر وكانت السيارات والقطع رخيصة جداً ولكن الدنيا تتغير الحين السيارات تقنية وحساسات وقطع غيار غالية واسعار غالية وكثرة خراباتها زمان كان كل شي حلو ياخي الرياض ما كانت توصل الحرارة للارقام الفلكية اللي الحين ايام البرد كنا بالايام ما نشوف الشمس من الغيوم والامطار يومياً مطر لكن هذي الدنيا تتغير ولا بد نتغير معها وتسلم على الموضوع 
+1


up 6 down 0
لطااااام 77
قبل 6 سنه و 9 شهر



الله يرحمه ويغفر له ويسكنه فسيح جناته فعلاً من أصحاب النوايا الحسنة.

لكن المستفاد من هالقصه ان النيه الطيبه مطلوبه لكن لاتوصل لحد السذاجه 
وعدم الثقه في اي ورشه سواء تعاملك معها كان من زمان او حديثاً
لان اصحاب الورش او العاملين فيها مايهمهم الا مصلحتهم الخاصه والمترتبه
على الكسب المادي الا من رحم الله 

والثقه في هذا الزمن صعبه جدا في ظل انعدام الاخلاق
وانتشار ثقافة نفسي نفسي !! الا من رحم الله

تحياتي لك ورحمة الله على والدك



up 6 down 0
fx2y -207
قبل 6 سنه و 9 شهر



الله يرحم ميتكم و يغفر له
عام 89 ال5000 ريال مبلغ مهو بسيط



up 7 down 0
أبو نجوى 2442
قبل 6 سنه و 9 شهر



الله يرحم والدك ويغفر له

كانت نفوس الناس طيبة وتصدق كل شيء

تدري أن مكينة الجمس عند الوالد الله يرحمه كانت تنقص علبة في كل 3000 كم وأخوي ميكانيكي ورفض أنه يوضبها لأنهما تمشي بدون مشاكل وكان الوالد يسافر على السيارة وما واجهنا مشاكل وما توضبت إلا لما صارت تنقص علبة كل 1000 كم والوالد يزودها

كان موديل السوبربان 1977 وبعد التوضيب والخرط 20 صار الجمس يوصل سرعة 160 بـ 2

أيام جميلة ذهبت ولن تعود


up 4 down 1
أبو عبادة 4852
قبل 6 سنه و 9 شهر



جزاك الله خير يا سهيل والله يغفر لوالدك والله يغفر لك ويرحم امواتنا ويغفرلنا وللمسلمين .
سالفه حلوة فديتك يا الغلاااااااااااااااااااااااااااااااااااااااااا



up 1 down 0
صبـر 257
قبل 6 سنه و 9 شهر



الله يرحمة رحمة واسعه ويجعل مثواه الجنه ويرحم جميع اموات المسلمين 


up 2 down 0
الباحث400 63
قبل 6 سنه و 9 شهر



اللهم ارحم موتانا وموتا المسلمين واجمعنا بهم في جنات النعيم


up 2 down 0
التاجر الموفق 404
قبل 6 سنه و 9 شهر



جزاك الله خير على مشاركتنا ذكرياتك


up 1 down 0
ssulltan 1509
قبل 6 سنه و 9 شهر



فائق ودي


up 1 down 0
ssulltan 1509
قبل 6 سنه و 9 شهر



الله يرحمه ويجعل مثواه الجنه وجميع موتى المسلمين اللهم امين


up 1 down 0
شبك جراند شيروكي 247
قبل 6 سنه و 9 شهر



يا هلا والله بالجميع

والله يجزاكم خير وشاكر لكم تفاعلكم 

+1


up 0 down 0
سهيل الوسم 216
قبل 6 سنه و 9 شهر



يالبيه احلا سالفه سمعتها ,, 

الله يرحم والدك ويسكنه فسيح جناته ,, 


up 1 down 0
سآآآل 318
قبل 6 سنه و 9 شهر



الله يرحم جميع موتى المسلمين

الوالد بهذيك الايام شرا سوبارو ليجاسي على نزلتها 1990 وكان جديد الدفع الامامي علينا وأذكر معانات الوالد مع بالبيد ومشاكله مع الوكاله والعكوس
وكان عنده كابرس موديل 1980 وكانت تقوم مكان السوبارو بمرااااااااااحل وكان يمدح فيها ويسب بالسوبارو وللحين كل ما شاف هالماركه قام يسب فيها
هههههههههههههه


up 1 down 2
face.care 230
قبل 6 سنه و 9 شهر



الله المستعان . . لها أكثر من 25 سنة

اللهم اغفر للأموات . وأطل عمر الأحياء على صحة وطاعة


up 2 down 0
blackberry.z30 12
قبل 6 سنه و 9 شهر



الله يرحمه و يغفر له ، و الله تستاهل لايكك لكن للاسف مقدرر


up 1 down 1
عبادي االدووسررري 14
قبل 6 سنه و 9 شهر



الله يغفر له ويغفر لاموات المسلمين

فعلا ايام جميله


up 1 down 0
222333444 530
قبل 6 سنه و 9 شهر