تجارة السيارات المستعمله

اوصخ ناس ممكن تشوفهم على الأرض موجودين في المعارض

غش وتدليس ويتفاخرون بأنهم غشوا او كذبوا على العالم  لدرجه انهم  يتغنون بأنهم شروا سياره من امراءه او عامل مسكين بسعر زهيد بعد ماتجمعوا وكسروافي سلعته 
ويحاولون يغشون  ع بعض  ويسرقون بعض نفسهم الشريطيه 

الشغلة حلال  وفيها رزق لكن عيال الحرام الي قلت لك صفاتهم فوق خربوا السوق

لذالك انصحك والنصيحه ناهي مثل التجربه اذا دخلت سوق خاف الله وحذر من شريطيه لايسرقونك

اولا تجنب الغش وكثر الحلف ثانيا لازم يكون عندك خبرة في السيارات ونظافتها واسعار السوق ثالثا في البدايه ركز على نوع واحد مثل هايكس ددسن كامري فورد جيب نوع واحد عشان يسهل عليك الموضوع ورابعا ترى فيه مكسب وفيه خسارة والله يرزقك

انا اضم صوتي لابو عبدالله بان السوق عندنا الان من اوصخ اسواق العالم
والله الكافر ما يكذب عليك مثل ما يكذب الشريطي
امس انا منزل سياره اوبتما 2008 شغاله وممتازه ومكيف ثلج ونظيفه تدري اش يقولولي
تجمعو عليا واكثر واحد سامها ب 5 الاف ريال
قلتلهم والله لو ما تجمعو والله لو كل واحد يجيب ولي امره ما ابيعها لكم لو بمليون يا وصخين

يديكم العافيه الي ردو


اانا ادور الرزق الحلال وانشاء الله مااغش بس قولي كيف ابدا اشتري من الساحه وافحص وبيع برا السوق ولى كيف ؟؟؟؟

الشغله هذي متعبه وبنفس الوقت يبيلها واحد بدون ذمه

لان لو شريت سياره وقلت ان جتها صدمه من هنا وتعدلت ينحاشون عنها الناس

ولو صكت تدخل بذمتك الكذب

تصلح للي ماعنده ذمه واللي مايخاف الله هل الشغلات

ومااكذب فيه شريطيه عيال حلال يقولك كذا وكذا والشمعه هذي مغيرها اصليه من تشليح ويطلب

فيها مكسب بسيط 2000 ريال او اقل

وهذا الواقع اللي اشوفه بالمعارض

انا اشوف لو مشروع غيره افضل

لانه وجع راس صناعيات وتشاليح وقطع غيار وفك وربط

ومعرض ونقل ملكيه وتامين وقروشه مالها اول ومالها تالي

وان جلس معك الموتر اسبوع ولاانباع عرفوك بالسوق ولااحد قرب موترك لان يقولون فيه بلا الموتر محد شراه

دور لك مشروع مربح ووجهته واضحه ولافيها تعب

ما اعرف كتير عن هالمصلحة
بس افيدك باللي اعرفه
اول شي في جهاز فحص البودي اذا عندك قدرة تشتريه
وثاني شي .... بتحصل بكثير من الشركات تصفية على سيارات موديلاتها قبل بسنتين .... مثلا ً نحن الحين ب 2014 ... تحصلهم يبيعون 2012
تقدر قيمة السيارة وتقدم عليها
اعرف واحد يحصل سيارات نضيفة من هالشركات .... واذا قدرت تعرف احد من داخل الشركة يدلك وين النظيف احسن لك
والله يوفقك ويرزقك والسامعين

هذاك اليوم نزلت ادور سيارة مستعمله بعد ما بعت سيارتي

تفاجئت أني أنا ويمكن 4 أو 5 أشخاص الي بالسوق والباقي شريطيه لعب وغش واستبهال 

والله قرفت ومريت أقرب وكاله دفعت قيمة سيارتي دفعه أولى وقسطت الباقي سوقنا مقرف ابعد عنه وشوفلك مشروع ثاني

الخوابير كثيييرة يا صديقي أنتبه!!!!

نصيحة انسى الفكره هذي وشوف لك فكره ثانيه

فيه امور كثيره تقدر تترزق ربك فيها
الله يوفقك و اكثر من الدعاء وان شاء الله تتيسر امورك

كبداية انصحك تكون مسوق للبيع السيارات
فيه كثير شباب هنا بالموقع يسوق سيارات ناس ويأخذ منه مبلغ متفق عليه

طبعا لازم تنظف وتلمع السيارة و تصوير احترافي وطولة بال وشوف سيارات نوعا ما جديدة او نظيفة وما تدور خردة قديمة

لهم ما في الموضوع لا تكذب مهمام كان السبب والله يبارك لك الشغلة فيها ارباح

المطلوب منك شراء سيارات باسعار معقولة ومع الوقت بتتعلم بس لا تشتري الا وانت تعرف كيف تفحص وتقدر الاسعار

ممكن تقوولي كيف اقدر الاسعااار وكذاا



ياشبااااب انا بشتغل بالنضيف انشاء الله بس ابغا البدااايه كيف؟؟

المشكلة اذا على كلامك بتشتغل في النظيف بتحصله غاااالي والغالي ما يغلى مرتين 

شباااب احد يفيدني

اخوي خالد نصيحة مني لك انا ولد السوق وطلعت منه لاني كنت اشتري وابيع واشتغل دلال 
بس كرهت السوق كله وتركت الشغله لاني ابيع سيارات اعرف وش فيها وش مافيها واليوم الثاني القاها واقفه في معرض والا مع ورع ومنقصين العداد والا يحلف انها بودي بلد 
والبعض يقول سيارة رحيمي الخ 
يعني كذب وغش عيني عينك 
صاحب الضمير والامانة بيتعب ويمكن يخسر ولا يلقى له زبون 
اشتغل دلال افضل لك يعني اذا احد طلب سيارة معينة و مواصفات معينة تنزل انت السوق وتدور له 
وهكذا ..
بعدين اذا مالك خبرة في السيارات لا تدخل هذا المجال الا اذا كنت مضحي براس مالك 

بالتوفيق 

انا بشتري من الساحه وابيع براااا فهمة علي

النصيحة لك تعامل بالصدق واذا حصلت سيارة افحصها ب100ريال قبل ان تخسر مبلغ كبير وخلك حذر من الشريطيه حاول ان تشتري من الزبائن الخارج السوق والشغله متعبه ومرهقه

النصيحة لك تعامل بالصدق واذا حصلت سيارة افحصها ب100ريال قبل ان تخسر مبلغ كبير وخلك حذر من الشريطيه حاول ان تشتري من الزبائن الخارج السوق والشغله متعبه ومرهقه