سيارات باجا للصغار والكبار المتعه لاتنتهي

24 13

لايمكنك التصويت حتى الحصول على 20 نقطة على الأقل
إضغط هنا للإخفاء

شويخ من أرض مكناس 2823
قبل 9 سنه و 8 شهر

سلام عليكم
اليوم نبي نغير جو شوي وموضوع يمكن غريب عليكم بس برضه فالسيارات 
اشترى اخوي سياره طلبيه من امريكا لعبه ( باجا ) كلفته 1300 من غير الشحن تقريبا كلها 1500

بعد ماوصلت طلعت ناقصه بطاريه وشاحن لازم تشتريها ما انتبها لها الا بعد ماوصلت
المهم بعد لف ودوران مالها اي وكيل وبالصدفه لقيت محل فالرياض يبيع مثلها ولها قطع غيار

شريت بطاريه وشاحن ب700 
ركبناها على السياره واشتغلت فالبدايه تحتاج لتدريب شلون تستخدمها لانها سريعه توصل سرعتها 90 كيلو

مثلا على السرعات العاليه لازم تثقل مستوى لف الدركسون تصير تلف خفيف هذا اذا بتسرع فيها
فيه تامين على السرعات تخليها على سرعه خفيفه اذا بتسوق في اماكن ضيقه 

بعد تمرين ولد اخوي عليها لعب فيها يوم لحد مافضيت البطاريه 
تطعيس وتخميس فالديره ولعب مع البساس تطارد  السياره وهو يهرب منها
 اللعب فيها ممتع ومقارب للحقيقه حتى الشياب جلسوا يتفرجون عليها ههههههه


راح يشحنها وهنا حدثت المشكله مدري وش سوا فيها وانحرقت فيها قطعه حاولنا نشغلها مافيه امل
اخذتها معي الرياض بحكم مالها اي ورش اصلاح فالغربيه
وطلعت القطعه المحروقه هي قلب مولد الكهرباء بسبب سوء استخدام الشاحن وقيمته يكلف 530 من غير التركيب
قلت اتركها بس وبطلنا منها قطعها غاليه ويبيلها صيانه فقلي اخوي اتركها
اتصل علي ولد اخوي وهو يصارخ ويبكي تفكى عمو تفكى صلحها ازعج اهله فالبيت وابوه كان رافض

المهم قلت لبوه ماعليك انا بحل المشكله على حسابي انت اطلع منها الولد مسكين ماتهنى فيها وغلطتنا احنا ماعلمناه شلون يشحنها

رجعت للمحل وكنت ادور على وحده تتحمل اكثر لقيت وحده اسرع واقوا منها وقلي هذي ميزتها قلب مولد الكهرب عليه مروحة تبريد عكس اللي انحرقت عليكم بدون مروحة تبريد وتروس الدفرنس حديد والقديمه كانت بلاستك  
المهم شريتها ب1600
وطبعا كلها تجي بدون بطاريه ولاشاحن فركبت عليها الشاحن والبطاريه اللي شريتها ب700

ماعلينا ونتلكم الحين عن مواصفاتها وعيوبها
السياره مثلها مثل اي سياره 
يتغير لها مساعدات وكفرات تتمسح وتغير لها جنوط ومقصات واذرعه
وفيه ترهيم لها تزود من سرعتها كل شي يخطر فبالك موجود فيها مثل ترفيع تهبيط 


فيها منها نوع بالكهرب وهذي صوتها منخفض مثل النحله نفس اللي شريتها
النوع الاخر على النيترو او البنزين
وهذي صوتها مثل صوت الدبابات تعبي نايترو او بنزين وسرعتها تصل الى 130
فيه مقطع لواحد وصل فيها اعلى سرعه 180 كيلو 
اللعب فيها ممتع للكبار والصغار وماتزهق خصوصا التفحيط على الرمل شي خيالي


المشكله انه مالها وكيل فقط محل صغير فالرياض
القطع غاليه جدا ويمكن تكلفك اصلاح سيارتك العادية
السياره تحتاج الى صيانه من فتره لفتره
تتعرض اعطال حقيقه مثل السيارات   فعندك العكوس ممكن تخرب عليك ولازم تغيرها 
فيه منها دفع رباعي ودفع خلفي
فيه منها حقت درفتات وهذي لازم كل شوي تغير لها كفرات
فيه حقت اوف رود تسلق جبال فيها دبلات 

اشكال وانواع وهذي مقاطع فيديو لها 

https://www.youtube.com/watch?v=i39N0Ogpjp4

https://www.youtube.com/watch?v=Gs9lJBx64HA

https://www.youtube.com/watch?v=aDgg9QAWZuM

https://www.youtube.com/watch?v=s9erLzofijQ


https://www.youtube.com/watch?v=swmB0OxcZwc


https://www.youtube.com/watch?v=1ed8rG_PXd8

https://www.youtube.com/watch?v=nTz5U9WCsdw 

إبلاغ

الردود