أضف سؤال أو موضوع جديد          

مدري وش احط الموضوع بس الله يحييكم جميع ف المنتدى على كلمتين

up 30 down 4
وسم 6wasm 1178
قبل 7 سنه و 3 شهر



‏لَا إِلَهَ إِلَّا اللَّهُ ، وَحْدَهُ لَا شَرِيكَ لَهُ ، لَهُ الْمُلْكُ

وَلَهُ الْحَمْدُ ، يُحْيِي وَيُمِيتُ ، وَهُوَ حَيٌّ لَا يَمُوتُ

بِيَدِهِ الْخَيْرُ ، وَهُوَ عَلَى كُلِّ شَيْءٍ قَدِيرٌ







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


كلامك عين العقل اخوي 
انا معي هلي ومخليها على شغل الوكالة فقط اضافة تضليل
وكفرات خط والحمد لله سواقتي محترمة 
لكن بصراحة الاحظ كثير من الناس اذا شاف الهايلوكس يحاول يتجنبها ويوسع لي الخط
والسبب معروف انه من سواق كثير من الشباب اصحاب الهايلوكسات

والتعميم لغة الاغبياء




up 8 down 2
أأبو نوااف 1641
قبل 7 سنه و 3 شهر



اولآ كلامك صحيح
لكن حنا بشر يعني يجي واحط مطفي النور من حقين ال...... ويسب سيارتك او النوع اللي تميل اليه
طبيعي تبي ترد  المشكله بالكلام الوسخ اما اني ارد كله مجرد كلام 
وبالنسبه للربع مستحيييييييييل يركبه شايب او رجال إلا يمكن2%وهذا لايختلف عليه اثنين
وصراحه شبابنا ماتعلم يحمد ربه على النعمه يجي ورع ويوقف عند البقاله وصايح على الهندي ويقول جب وجب .....
ولاينزل ويجيبله الهندي او اي جنسيه وكبر ابوه ولايحترمه ولايحمد ربه على النعمه 
واكثرنا كذا لايحترمك من اجل اخلاقك وثقافتك فقط يحترمك من اجل سيارتك كم عندك بالبنك ونسبك
النعمه زواله 



up 4 down 4
السيدالمحترم 547
قبل 7 سنه و 3 شهر



الله يجزاك الف خير وتستاهل لايك


up 2 down 1
الشرقية1 270
قبل 7 سنه و 3 شهر



يا أخي الكريم اولا اشكرك على فتح الموضوع 
ثانيا نحن مجتمع متخلف ! 
اجل نحكم على بعض بالسيارات ؟ ياخي وش هالجهل والتخلف والرجعيه !
صحيح هناك استخدامات خاطئه وتصرفات خاطئه من البعض لكن التعميم هو أكبر خطأ
انا اشوف مقاطع للامريكان سيارات من عام ١٩٩٠ اكثر او اقل عايشه للحين بدون اي مشاكل 
ويستخدمها ومحافظ عليها ولو احلف انها افضل من سيارات البعض ميكانيكا وهم العالم الأول
مافكروا انهم كل سنه سياره جديده ؟ مافكروا يحكمون على بعض من السيارة 
صراحه لو ماتغير هالتفكير الرجعي ماراح نخطي ولا خطوه للامام 


وبعدين اللي ف مجتمعنا يحكم عن طريق المظاهر ؟ 
سلامات تبيني احمل نفسي مالاطاقة لي به وقروض عشان اراضيك 
واعجبك جعل عمرك مارضيت اي هذا انا وهذا موتري !

اسف عالاطاله وتحياتي


up 3 down 1
fx2y -207
قبل 7 سنه و 3 شهر



كلامك صحيح التجريح شي صعب واللي يعير احد ب الفقرر او مرض او اعاقه او يتشمت فيهم ترا وربي الدنيا دواره وحط حاجة براسك كلنا بشر وكلنا 9شهور وكلنا مرجعنا القبرر واحب اقول لكل متكبر او شامت او يعير الناس ترا الرسول محمد افضل خلق الله كان مؤذن الرسول اسمه بلال حبشي وفقيرر بس احسن مني ومنكم كلكم علشان انه من اهل الجنة وجار الرسول والله يوفقنا حنا وياكم


up 3 down 2
ســامــر 1057
قبل 7 سنه و 3 شهر



الله يجزاك خير ويكثر من امثالك 

واهم نقطه السطر الاخير والكلام اللي نقوله ولا نلقي به بال 

يجب التحكم باعصبانا والسنتنا وانتباه لما نقوله 

الله يهدينا واياكم جميعا 


up 2 down 1
fahadlfc 314
قبل 7 سنه و 3 شهر



يااخوان انا قاهرني اللي حاط دس لايك وش يحس به وصح مابشرتكم اليوم الملك عبدالله تبرع مليار دولار الى لبنان علشان يساعدهم هههههههههههههههههههه ماشاء الله لبنان كل سنة مشاركتنا ب الميزانية وتاخذ حقها وزود وحنا لنا الله بطاله وفقر ههههه وحتى الااراضي وهي قطعة ارض تقعد سنين علشان يعطونك ارض فاضية الله وكيلك على العيشة هذي


up 10 down 5
ســامــر 1057
قبل 7 سنه و 3 شهر



كلنا فقراء إلى الله

لكن كلامك عين الصواب.. 


up 2 down 2
sehly11 648
قبل 7 سنه و 3 شهر



تعقيباً ع كلامي اللي فوق 
للاسف حنا نسينا الهدف من السيارة 
وصرنا نشوف انفسنا فيها ؟ 
مادري هي زيادة الفلوس والخير اللي حنا فيه نستنا 
ولا اغترينا ولا وش بالضبط ؟ 
صراحه استفهامات كثيره حول هالموضوع 
يعني مثلا شخص يروح يقترض عشان يطلع الموتر الفلاني
ولو تساله ليش يافلان ؟
يقول الناس ماهم احسن مني ! 
طيب والقروض والالتزامات اللي حملت نفسك فيها 
وفي اولويات اهم من السياره ومع ذلك قدم المظاهر عليها 
صراحه هالموضوع كبير جداً ويطول النقاش فيه 



up 3 down 2
fx2y -207
قبل 7 سنه و 3 شهر



كلامك سليم ماهي على الأشكال والمظاهر هي على نفس الشخص اعطيك دليل 

ابرهيم التركي لو تركبه حمار ولا روزرايز
الطبع واحد


up 4 down 11
ابو عبدالله 912 -22
قبل 7 سنه و 3 شهر



بالنسبة للشهرة  ماهو الناس فقط..
حتى الشرطة والمرور والبحث  ..الخ...فيه سيارات لها تعامل خاص "شبهة" ومتسحيل تعدي بدون تفتيش.



up 2 down 4
badalfa -39
قبل 7 سنه و 3 شهر



فعلا للاسف اغلب نظره الناس حاليا لا يعتبرون السيارة وسيله نقل بل يعتبرونها وسيله لإظهار المستوى المعيشي والتفاخر .. وزي ماقال الاخ ابو نواف التعميم لغه الجهال لكن هذا اللي حاصل عند الاغلبيه بمجتمعنا الا من رحم ربي  


up 2 down 3
ابو هيثم 7 2254
قبل 7 سنه و 3 شهر



اما بالنسبه لنظره بعض الناس ان راعي الربع بزرنجي ومدري ايش .. يارجل ترى الزمن كفيل بتغيير كثيرررر من المفاهيم الخاطئه عند الشعب زي مثلا جيب الاف جي والكرايسلر عام 2006 ماياخذه بنظر الناس الا خكري ودلوع والان بعد مرور 8 سنوات تغير هالمفهوم وصار الاف جي ياخذونه المطاوعه والكرايسلر ياخذونه رجال متزوجين واشناب وعاقلين مالهم ومال الدرفت والهياط خصوصا اذا كان الكرايسلر 6 سلندر 


up 3 down 4
ابو هيثم 7 2254
قبل 7 سنه و 3 شهر



"إن الله لا ينظر إلى صوركم وأموالكم. ولكن ينظر إلى قلوبكم وأعمالكم" 


up 4 down 0
٥٥يوسف 44
قبل 7 سنه و 3 شهر



رضى الناس غاية لاتدرك  


up 2 down 1
bmw z4 1500
قبل 7 سنه و 3 شهر



جزاك الله خير على الموضوع .

وأعجبتني بعض المقولات اللي تعبر عن التواضع والإحترام وهي كالتالي :-

* كان ابن عثيمين يلقي دروساً في القصيم وابن باز يلقي دروساً في الرياض فقيل لابن عثيمين : لماذا لا يكون لك درس في الرياض ؟، فقال : لأن النهر لا يروي البحر . 

* ثقافة (العيب) أشد علينا من (الحرام) ومبدأ (الخصوصية) ألزم من مبدأ (نصرة المظلوم ) ، نحن مجتمع نخاف من الخلق أكثر من الخالق .

* المتواضع في طلاب العلم أكثرهم علماً ، كما أن المكان المنخفض أكثر البقاع ماء .

* قال علي بن أبي طالب : من لانت كلمته وجبت محبته .

وفي الختام : هناك شروط لمن أراد النقد ( الإنتقاد ) لا بد منها وكثير من يجهلها وهي بإختصار لكي لا يطول شرحها :

أولًا: العلم والتقوى والورع.
 
الثاني: الصدق وعدم التعصب.
 
الثالث: معرفة أسباب الجرح والتزكية؛ لأنه إذا لم يعرف السبب الجارح فربما يجرح بما ليس بجارح. 
 
وأعتذر عن الإطاله .



up 3 down 1
سهيل الوسم 216
قبل 7 سنه و 3 شهر



ياكم انصدمنا أكثر من مره بسبب حكمنا على المظاهر

مره جاني شخص من طرف احد الاصدقاء ومبين عليه زاحف ومعه عود ويدقدق في العود ويدخن

وانا على طول حكمت عليه من دون ما أشوفه بشكل اعمق إنه منتهي ولا يعرف ربه والله يصبر اهله

وطبعا سافرنا انا وياه للشرقيه بسيارة وحده لان سيارته سار عليها حادث وسكنا بشقه وحده

كل الصلوات يصليها بوقتها الله لا يضره وبالمسجد ويقوم يصحيني وان ما صحيت قام يذكرني بالنعيم اللي بالجنه للي يكافحون ويحفزني

اسمعه إذا كلم امه او أبوه كيف عنده أحترام كبير جدا 

معاملته والله احسن مني للناس

وياكم وكم حكمنا على اشخاص من اشكالهم من كلامهم من ملابسهم من بيوتهم من سيارات من عائلاتهم من دولهم او مدنهم وفي الاخير طلعوا كلهم والنعم فيهم


up 2 down 2
ابو يزيد 000 8712
قبل 7 سنه و 3 شهر



كل إناء بما فيه ينضح




up 0 down 0
k_s_m_h 75
قبل 3 سنه و 4 شهر