أضف سؤال أو موضوع جديد          

نظف عدادات السياره بنفسك من الغبار و الاتربه

up 38 down 4
خيال الامس 2016
قبل 4 سنه و 7 شهر



بسم الله الرحمن الرحيم
السلام عليكم ورحمة الله

اسعد الله صباحكم / مساكم بكل خير و سرور ي اصدقائي

موضوعي اليوم بسيط جدا جدا
لكن غالبنا يلاحظه و يطنشه او يلاحظه و ينشغل فيه
الا و هو تنظيف عدادات الطبلون من الغبار و الاتربه
كيف و لماذا ننظفها
طبعا طريقة تنظيفها بالتقرير المصور اللي راح اعلمكم عنها
لكن لماذا ننظفها..??
الجواب بسيط
هي حاله نفسيه تحصل لنا اذا ودينا سياراتنا المغسله او غسلناها بانفسنا
فجاه تحس ماكأنك غسلت سيارتك و السبب الغبار و الاتربه اللي داخل العدادات
ف اكثر شي يهمنا ك قائدين للسيارات ان يكون كل شي حول السائق نظيف

في تقريري هذا راح اعلمكم باذن الله كيف تنظف الشي هذا بنفسك
كل ما تحتاج اليه هو مفك ابو راسين
زايد و ناقص او مفكين واحد زايد و واحد ناقص

نبدا بسم الله
السياره المستهدفه : كامري GL 2008
وقت العمل :15 دقيقه

متطلبات مهمه :-
1/ فصل اصبع البطاريه السالب
2/ مفك زائد و ناقص او مفك فيه  راسين زائد و ناقص
3/ نزل الدركسيون للاسفل و اسحبه للخارج لسهوله العمل 

نبدا العمل .. لا تنسى استعن بالله

1/ صوره رقم1 صوره عامه للعدادات بالطبلون مع توضيح لموقع الكلبسات  كما هو موضح .. طريقة فك الكلبسات .. تضغط الكلبس باصبعك للداخل و بينزل معك
2/بالصوره رقم2 و 3 صعب نفك الايطار اللي حول العدادات الا لما نفك الجوانب اللي مثبته الايطار و هي موضحه بالصوره اما صوره رقم 4 و 5 بعد فك الاغطيه اتضح السبب :)
3/ في الصوره رقم 6 و 7 نستخدم المفك الناقص بادخله بهدوء بالايطار مع مراعات استخدام اليد الاخرى لفك الايطار من الزوايا السفليه .. و راح تحصله ينفك معك بكل سهوله
4/صوره رقم 8 و 9 اخرج الايطار  بسحبه لليمين لسهولة اخراجه
و صوره رقم 9 بعد ما طلعت الايطار تم تصويره
5/صوره رقم 10 شكل العداد بعد فك الايطار و صوره رقم 11 تحصل اربع مسامير موضحه بالصوره لابد فكها و بالتركيب لا تشد مره عشان لا تنكسر القاعده و صوره رقم 12 شكل المسمار و تستخدم المفك الزائد و صوره رقم 13 افضل مكان تحط المسامير فيها عشان لا تضيع :)
6/صوره رقم 14 بعد فك المسامير اسحب العداد بيدك و بصوره رقم 15 لاحظ اني سحبته بميلان عشان يطلع معي و صوره رقم 16 لاحظ كيف الاسلاك ثابته قبل تكون راكبه في المنفذ الخاص فيها و لانك راح ترجعها بنفس الطريقه لاحظ الصوره الاخرى رقم 17 .. صوره رقم 18 و 19 الحمد لله فكيت الاسلاك من منفذها :)
7/صوره رقم 20 و 21 لاحظ كيف ماسك الغطا الشفاف بالعدادات و طريقة فكهم انك تضغطها بشويش عشان لا تنكسر .. حبه حبه و راح ينفك الغطا و في صوره رقم 22 فكيت الغطا اما صوره رقم 23 شوفو السرعه اللي مشيتها :( الله يهديني  متهور انا هههههه
8/استخدم منشفه او خرقه لتنظيف الغبار و حاذر من استخدام المناديل لانه يمسك في الوجه اللي فيه العدادات و السبب لانه خشن جدا ولا تعبي المنشفه بالماء حاول تعصرها لحد ما يروح الماء و ابدا بالتمسيح مع مسح الغطا الشفاف من الداخل
10 / بعد الانتهاء من التنظيف رجع الغطا الشفاف لمكانه وشبك السلك و ركبه بمكانه مثل متشوف بالصوره رقم 24 و 25 بعدها ثبت العدادات بمكانها قبل تركيب المسامير مثل ما تشوف بالصوره رقم 26
11/ الان رجع الغطا لمكانه بادخاله من اليسار مثل الصوره رقم 27 و اعد الكلبسات لمكانها و رجع كل شي زي ماكان  مثل الصوره 28 و 29
12/ تم تشبيك البطاريه و تم تشغيل السياره و الحمد لله كل الامور سليمه
و منظر العدادات عال العال في الصوره رقم 30 :)

الان تم الانتهاء من هذا التقرير
و ماشاء الله 30 صوره !!!!
اللهم صل على النبي
المهم اعتذر لكم ع الاطاله بالتقرير لكن انا انسان مدمن نظافه ههههههههه

ختام لموضوعي

هل  تمنيت  يومًا ما  أن تصعد  فوق  سطح الكعبة المشرفة ..!
حقق أمنيتك وعيش التجربه وحرك جوالك فقط وأستمتع .. او باللابتوب علق ع الماوس و لف يمين و يسار

http://goo.gl/j2BSF0
♡'

سبحانك اللهم و بحمدك اشهد ان لا اله الا انت استغفرك و اتوب اليك

في امان الله



































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سلمت يدااااااااااااك وبارك الله فيك تشكر على المجهود الطيب ،، ما اجمل ان الشخص يعمل بيده ،،

وجزاك الله خيررررررررر على مشاهدة مكه


up 2 down 0
خالد الاسكندر -37
قبل 4 سنه و 7 شهر



سلمت والله


عندي سوال شاااطح شووي كيف الكامري معك هل خرباته قليله وراسي في الخط 130 او120

وتنصحني اشتريه  وهل ينقص زيت لاني معي37 الف محتاااااااار مرررره وش اشتري سياره


up 1 down 1
ابو نمر07 475
قبل 4 سنه و 7 شهر



مع اني ما أحب تويوتا لكن يعجبني فيها انها سهلة الصيانة و مافيها تعقيد والحق يقال
تعال شف الفورد كيف ،،، لازم تفك نص الطبلون وتنزله في حثلك علشان توصل للعدادات

و يعطيك العافية على صورة الكعبة


up 2 down 3
فورد530 1292
قبل 4 سنه و 7 شهر



عمل تشكر عليه وسلمت يمينك


up 1 down 1
علاوي555 457
قبل 4 سنه و 7 شهر



تعجبني المواضيع اللي يكون الشخص يشتغل فيها بنفسه

واستمتع فيها اكثر من اللي يروح محل ويعطيه فلوس على اشياء سهله ولايتقن الشغله

والله يعطيك الف عافيه على الطرح

وتستاهل +1


up 1 down 1
amear 1335
قبل 4 سنه و 7 شهر



ماشاء الله عمل ممتاز
الانسان لايحتاج ان يتعلم من الخبره لان بذور المعرفه والافكار موجوده بعقل الانسان منذ الميلاد

،،،،،،،،
شكراااااااااا على الموضوع الطيب


up 1 down 0
امير الاصيل 1666
قبل 4 سنه و 7 شهر



ياحليلك
لو تشوف فك طبلون الفورد شي يخرع 
معقد والف مليون مسمار


اما التويوتا احسها ماهي معقده وسهله

شكرا على الموضوع


جزاك الله خير اخوي علی الشرح الوافي


up 1 down 1
abomesal 1023
قبل 4 سنه و 7 شهر



موضوع مميز من عضو مميز ... سلمت يداك


up 0 down 0
راااضي 2529
قبل 4 سنه و 6 شهر