اي وكالة سيارات عندها نضام اقساط

مشكلة المعارض يدبل السياره بظهرك
يخليك لو تشيلها على ظهرك اخف من انك تشيل الفائده والقسط
لانهم عارفين ان ماحد جايهم إلا محتاج
يعني خالص من البنك وغيره وناشف ،، ويستغلووووووووووووووووووووووووووووووووووووووووووووووونه

موفق والله يرزقك بالكاش

فيه اذكر هوندا عندهم بس ماادري هل لا زال موجود ولالا 

الله يسعدكم ويوفقكم

اتمنى من الأداره والمشرفين حذف عضويه الوصخ القذر التركي 

الله يبعدنا عن الحرام
و لله يرزقك وييسر امرك يابو ريتال 

اظن تويوتا عندها تاجير وتقسيط

وعندك الشركة الوطنية للتقسيط

اوتوزون عندهم تقسيط يطلبون كفيل غارم طبعاً 

لكن اظن انه مافيه الا بالرياض فقط 

انا من فترة فكرت اخذ تأجير منتهي بالتمليك وسمعت انه حرام وكل واحد يفتي من عنده فقلت خلني ابحث عن التأجير المنتهي بالتمليك واسمع كلام المشايخ الكبار بنفسي وحصلت لهم مقاطع في اليوتيوب تقدر تبحث بنفسك وتسمع كلامهم

والزبدة اللي طلعت بها ان التأجير المنتهي بالتمليك له اكثر من نوع وطريقة وأول مابدأ عندنا كانت طريقته محرمه وبعد فتاوى المشايخ رجعوا البنوك والشركات وعدلوه بحيث يكون موافق للشريعة

فحاليًا الاصل ان التأجير المنتهي بالتمليك اللي في البنوك والشركات جائز
ولكن فيه بعض النقاط ذكروها المشايخ لازم تعرفها وتتأكد منها في العقد فإذا كانت موجودة فيصير العقد محرم اما غيره فالاصل الإباحة

وهذا الكلام مو كلامي ولا أحب اتفلسف في الدين، هذا كلام الشيخ عبدالعزيز الفوزان وتقدر تسمعه من تحت بنفسك او ابحث في اليوتيوب وخل عنك كلام الناس اللي تتفلسف في شي ماتفهمه وكل واحد يحلل ويحرم من راسه

ولو حصلت احد من المشايخ يحرمه فتأكد انه يقصد الطريقة القديمة وممكن يكون المقطع قديم 

وهذا مقطع الفوزان وموضح فيه كل التفاصيل والله يوفقك 

http://www.youtube.com/watch?v=pvAGQl4lL1A


  

هوندا والجبر(كيا) والتوكيلات العالمية هذا اللي اذكر . بس نظام التقسيط معروف انه لازم تدفع دفعة 30% من قيمة السيارة . بالتوفيق

اوتو زون ... هوندا ... سوزوكي ... ميتسوبيشي ... أعتقد توكيلات الجزيره ... الله يوفقك ويسهل أمرك دامك تدور عالحلال صدقني ربي بيسخرلك الطيبين ويسهل أمرك