أضف سؤال أو موضوع جديد          

تنبيه بعدم التعامل مع محل protection 5 يقدم خدمات متدنية في

up 33 down 1



نصيحة لوجه الله، اللي مهتم بسيارته لا يوديها لهذا المحل اللي يقول أن تخصصه "العناية بالسيارات"








قصتي هي أني اشتريت سيارة مستخدمة وتمت المبايعة في أحد معارض الدمام. وأفادني الموظف بالمعرض بوجود كوبونات تخفيض مقدم من أحد محلات العناية بالسيارات ومكانه خلف الفحص الدوري بالدمام.




أخذت الكوبون وتوجهت للمحل المزعوم، استقبلني العامل بالمحل -وهو من جنسية عربية- ودار بيننا نقاش حول الخدمات المقدمة، وأهمها:
- تظليل كامل للسيارة من شركة 3m.
- حماية للوجهية وبعض أجزاء السيارة.
- حماية ضد الصداء.
- تلميع الأنوار.
- تلبيسة لأرضية السيارة من الداخل.
- تلميع داخلي وخارجي.




هذا ما أذكره..




المهم، جينا للنقطة الأخيرة وهي: السعر و الوقت.




فقال: السعر بدون الكوبون هو 4400 ريال (أو أكثر)، وبعد الخصم يطلع السعر الإجمالي: 2200 ريال.




وتسلم السيارة الحين (يوم الخميس المغرب) وتأخذها بعد بكرة يوم السبت الساعة 11ص.




فقلت: ممتاز، كل الخدمات هذي بهذا السعر وفي خلال يوم ونصف تقريباً يخلص السيارة.. عرض رائع فعلاً، لكن أنا من النوع الشكاك. :(




قلت في نفسي: "معقولة يمديه؟؟؟! وخصوصاً بكرة جمعة مقفلين؟!" 








قلت نشوف نهايتها معه. بيّت النية أني أجيه اليوم الثاني (الجمعة) وأشرف حضرتي على العملية :)








أخذت جميع أغراضي من السيارة، ولأني غير مطمأن كذلك، قمت بتصوير عداد السيارة ODO، وصفّرت عداد الرحلات، والساعة المؤقتة، عشان أعرف إذا تحركت وكم قعدت شغالة.


سلمته السيارة ودفعت المبلغ كامل وأخذت الفاتورة، ورحت استأجرت سيارة ورجعت للجبيل، وجيتهم بعد 22 ساعة بالضبط (قبل صلاة المغرب بنص ساعة تقريباً يوم الجمعة).


دخلت المحطة وأدور للسيارة في المحل ما أشوفها، رحت خلف المحطة، يمين يسار، مالها أثر. رحت لأحد العاملين عنده وسألته: وين سيارتي؟؟



قال: في الفرع الثاني!!!!@!#$#%$^%




أنا قفلت أخلاقي ونقزت بلوفي وقامت شياطيني..: اييييييششش؟؟؟!!!

ليييييييييييييش تحركون السيارة من المحل؟ ومن سمح لكم؟ وفين الفرع هذا.....؟!؟




دقيت على الشخص المسوؤل -لا بارك الله فيه- واللي اتفاقي كان معه، وسألته عن السيارة، الرجال انصدم وبدأ يطلع أعذار... بعد صلاة المغرب جاء، وبدأ "التحقيق"، فقال أن السيارة في فرعهم الثاني بشارع الملك سعود، لأن عنده زحمة بالمحل.... وكلام لا يودي ولا يجيب.




أنا ما أسمح لأحد يحرك سيارتي من المحل إلا بإذني وأكون موجود، فكيف هذا يحركها إلى مكان بعيد ومن غير ما يعلمني!؟!؟!




المهم، طلعت من عنده وسيدا على "فرعهم" اللي يقول عنه بشارع الملك سعود، بالضبط عند الإشارة، تقاطع الملك سعود مع شارع الأمير نايف، اللي عند سوق الحياة بلازا، هذا الموقع  http://goo.gl/maps/Y8r5o واسمه (77). يعني لا طلع فرعهم ولا شيء، مجرد محل زينة، مثله مثل المحلات اللي في نفس الشارع. وهذي الصدمة الثاني.




أدخل المحل أشيك على السيارة، كل شيء سليم فيها والحمد لله، لكن ما سووا فيها ولا مثقال ذرة، وأسألهم، فقالوا مديرهم ما هو موجود، يعني بتتأخر شوي.




طيب الحين أنا أفكر، كيف الشخص هذا اللي اتفقت معه بيسلمني السيارة بكرة الصباح؟! وهو ما سوا ولا شيء.




المهم رحت مشوار أبو ساعتين ورجعت، وكانت تقريباً الساعة 11:30م وتوهم بدأوا في التظليل، وأسأل الشخص المسئول فقال اتفق معنا "فلان" اننا نسوي له تظليل فقط. 




ودار كلام كثير معهم، لكن مالكم بالطويلة.




كلمت الشخص اللي اتفقت معه من البداية أنه يسوي لي كل الخدمات فقلت له : ضبط شغلك، ولو محتاج زيادة وقت مو مشكلة، (لأني أعرف الوقت ضيق ولا يمديه الكذاب، ولا ودي يمشورني 200 كيلو على الفاضي) فاتفقنا يكون استلام السيارة نفس اليوم بس بدل 11ص يكون 5م.




جيت بالضبط على موعدي اليوم الثاني، وأدور للسيارة ماني ملاقيها.



تعال يا فلان، وين السيارة؟ قال: جايه بالطريق. تأخر نص ساعة تقريباً. ولا سوا لها تلميع وكان بافي فيه نواقص ما اكتملت. شغله وتعامله ما راق لي أبداً أبداً.
 وفي خلال هذا الوقت، قلت له: شيل كل شيء حطيته بالسيارة وعطني فلوسي، أنلطم الرجال. 




وبعد نقاش، عرض عليّ الإبقاء على كل شيء مقابل تخفيض المبلغ إلى 1200 ريال ويرجع لي 1000 ريال.




فكرت بالموضوع، طلع ماهو بشين خصوصاً مع الضمان 10 سنوات على كل شيء، والفحص عنده كل 6 أشهر. وقلت الله يعين نتحمله. أخذت الألف وكمل شغله.  ولمع السيارة بسرعة وكمل النواقص الثانية برضوه بسرعة، وطلب أجيه وقت ثاني عشان اللفة خلصت :(.




الزبدة، أنبه كل واحد لا يروح له ولا أنصح أحد بالتعامل معه. وهو كل مرة يجيب عمالة غير، وأنا أشك أصلاً في نوعية المواد المستخدمة، خصوصاً لمن أخذت قطعة من التظليل وتوجهت إلى شركة 3M بالخبر وتناقشت معه بالموضوع، فقال: منتجت 3M يجي فيها "علامة مائية: 3M" صغيرة منتشرة على كامل لفة التظليل وعلى كل الألوان، ماعدا نوع واحد وهو الأقل جودة، ما تجي فيه هذي العلامة المائية. لكن برضوه قارن النوعية هذي بالقطعة اللي جبتها معي ولاحظنا اختلاف في درجة اللون، وهو غير متأكد من كونها من نفس شركة 3M الأمريكية أو أنها مجرد تقليد.




موقع المحل: في المنطقة اللي شرق الفحص الدوري بالدمام، حي المنار، شارع الإمام محمد بن سعود، في محطة ناسي اسمها، هذا موقعهم: http://goo.gl/maps/WLXNq




اسم المحل: الحماية الخامسة Protection 5








والله كل ما أشوف الناس يجونه أحزن عليهم وودي أحذرهم منه ومن شغله البايخ.




واللي يبي يجرب يروح عنده ويشوف كلامه زي العسل ويغري، لكن ماااااااااااش ما من خدمة تسوا، ولا احترافية في العمل. 




وأرجو أن لا يفهم البعض أن أطعن في شخص الرجل لكن ما أقصده هو تعامله اللا احترافي وخدماته المتواضعة ورداءة المواد المستخدمة (أو على الأقل المشكوك فيها).




واللي أعطاني الكوبون طلب مني أكلمه بخصوص أي ملاحظة، وإن شاء الله راح أدق عليه وأعلمه بالسالفة.



وأعتذر عن الإطالة لكن لزوم التوضيح أكثر.




تحياتي،،
أبو مشاري







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك العافية ولك لايك


up 6 down 0
ayman-a 328
قبل 6 سنه و 9 شهر



والله الناس ماتبي تسمع للنصيحه ولاتبي تاخذ شور احد

فخلهم ينجلدون لين يعضون الارض


up 2 down 2
شويخ من أرض مكناس 2824
قبل 6 سنه و 9 شهر



تسلم محمد 'آل عالي' على النصيحة.

التظليل والعزل والحماية خدمات يكثر فيها الغش ولا يمكن تمييز الجيد من الردئ بالعين المجردة

عشان كذا المفروض الواحد يحرص ويسأل ويزور المحل مرتين وثلاث ويطلع على شغلهم قبل

ما يسلم السيارة للمحل ...

معوٓض إن شاء الله!


up 1 down 0
hasaz 96
قبل 6 سنه و 9 شهر



الله يعطيك العافية أخي محمد على التنبيه

أنا شخصيا قبل ثمانية أشهر دخلت سيارتي لمحل تركيب عوازل السيارات وإشترطت

على الموظف أن السيارة ما تتحرك من المحل . فسكت الموظف وقال خلاص نروح أنا وأنت

لفرعنا الثاني لأن فرعنا هذا عليه زحمة . وفعلا ذهبت أنا والموظف للفرع الثاني والحمدلله إن الفراع تابع لهم

وليس متعاقد .

في الحقيقة كان الموظف ناوي يستلم سيارتي ويودها للفرع الثاني من دون علمي وبعدين يرجعها .

لكن لما أصريت وأشترطت أن السيارة ما تتحرك من المحل إعترف إنه كان بيوديها للفرع الثاني .

وإكتشفت أن أغلب محلات العوازل اللي على شارع تجاري مهم يستلمون السيارات ويودونها للفروع الثانية

اللي ما عليها زحمة من دون علم العميل .

ومثل ما قال أخوي محمد لا بد من الإنتباه والحذر 

وأعتذر للإطالة

+1للجميع


up 2 down 0
سهيل الوسم 216
قبل 6 سنه و 9 شهر



الله يجزاك خير على التنبيه مريت من عنده امس بغيت اضلل السياره واركب لها حماية وكنت ناوي امر عليهم بكره ولا بعده لانهم كانو مقفلين لكن الله ستر ..


up 0 down 0
mosfer alyami 774
قبل 6 سنه و 9 شهر



الله يعطيك العافيه بنسبه لي ما اضلل السياره الا عازل امريكي لان العوازل الي عندنا أبو كلب مقلده مو مثل الي ببلدها


لا وفوقها غاليه على غير السنع مدري على ايش مغلينها !


up 0 down 0
07sbeshal 1344
قبل 6 سنه و 9 شهر



الله يجزاك خير ويعطيك الف عافيه 



up 0 down 0
Saleh Al Masri 644
قبل 6 سنه و 9 شهر



وللأسف هذا هو حال 99% من التجارة في السعودية.

اعتادوا منذ سنين أن السعودي هو عبارة عن كيس من المال فقط ولا يعلم أي شيء عن ما يحصل لحلاله.


up 1 down 0
وليد م ع الدخيِّل 491
قبل 6 سنه و 9 شهر



ياخي ناس ما ادري وش يحسون فيه تلبيس وتلميع وحماية ومدري ايش

مثلا سويت حمايه للبدي لازم كل 6 اشهر تروح لهم ويشيكون على الحمايه حقة البدي واذا كانت مشهبه يغيرونها ويلمعون الموترتلميع ساطع يعني تخيل كل 6 شهور راح تطير بويةة السياره


والله الحمد لله انا عن نفسي مظلل تظليل كوري دار مادار ب 90 ريال ولا احلى

والداخليه شد بلد تخيل اكيس ولا انجد تقل شايب ههههههه


up 4 down 4
كاس العالم2014 -41
قبل 6 سنه و 9 شهر



بما ان الي بالمحل عرب ووثقت فيهم فلا تلوم الا نفسك

ابعد عن العربي

وحتى الاجنبي حاول بقدر الامكان انك ماتتعامل مع مسلم في هذي الامور

ديسلايك زي ماتحب هذا الواقع ولاتلعب على عمرك :)


up 3 down 3
YASSER505 4174
قبل 6 سنه و 9 شهر



اذا غش تجاري ؛ معطيك تظليل ع انه ثري ام ؛ وهو ماهو ثري ام ؛ تقدر تبلغ وزراه التجاره يحققون معه ويلعنون خيره ؛ وبكذا تفيد غيرك . 


up 3 down 0
سآآآل 318
قبل 6 سنه و 9 شهر



انتبه لايكون التظليل والعازل ابو كلب مايكلفهم برى 1000 ريال

شوف تاكد


up 1 down 0
n.zero 258
قبل 6 سنه و 9 شهر



اذا شفت سوري او يمني او مصري هج وانحش هؤلاء رمز للحراميه في هذا البلد


up 2 down 1
silent12345 31
قبل 6 سنه و 9 شهر



يعطيك العافية على نقل التجربة

كمقياس لعامل الوقت سيارتي جيب اخذت تظليل حدود ساعة و نص 3 فنيين واحد منهم للزجاج الامامي فقط لانه يستهلك وقت و حماية واجهة ساعة و نصف ايضا




السعر 1450 لتظليل لومار بالوكالة + 500 حماية الماني كاملة



الفكرة السيارة ما تاخذ وقت اكثر من 4 ساعات بالكثير و كان ممكن توفر الجهد و العناء و استاجار السيارة



بالتوفيق


up 0 down 0
businessman2 99
قبل 6 سنه و 9 شهر



طيب وانت ليش تعطيهم مفتاح موترك


up 0 down 0
امجد 10 163
قبل 6 سنه و 9 شهر



العزل الحراري << كذبة صدقها الجميع !!
3M الاصلي << اسم تجاري تدفع مقابله الالوف ونتا مبسوط !!


up 1 down 2
سعـد بن سعـود -25
قبل 6 سنه و 9 شهر



للرفع........ ........... 


الأجنبي يعتقد ان السعودي مغفل وغبي ويملك الملاين وللاسف بعض السعوديين سبيكه ..... )  

. احذر من السوري والمصري والتركي واليماني ...... 

، نصيحه  لا تتعامل الي مع هندي فقط ) 


up 0 down 0
بن حمد s 41
قبل 5 سنه و 9 شهر



بارك الله فيك
حطينا عليهم إكس


up 0 down 0
ساري المفعول 87
قبل 4 سنه و 5 شهر