أضف سؤال أو موضوع جديد          

هالموضوع لازم نحطله حد

up 6 down 6
face.care 230
قبل 6 سنه و 8 شهر



بسم الله الرحمن الرحيم
السلام عليكم ورحمة الله وبركاته

أخواني أعضاء المنتدى الكرام


لا أبحث عن لايك ولا هالتفاهات جميعها ولكن هنالك موضوع يشغلنا يوميا" ويحدث مع الجميع ألا وهو (سوء خدمة الوكيل)
أتوقع الكثير واجه مشاكل مع الوكيل إلا من رحم حتى توقعاتي لتلك المشاكل تفوق 75% عن عدم الرضاء عنهم
كي لا يقع في ذمتي شيء من التهم الموجه لهم سأقص عليكم قصتي الصغيره التي حدثت اليوم لي مع تعاملي الذي لم يتعدى 48 ساعه
من استلام السيارة بدئنا بالمشاكل والعياذ بالله مع هالوكيل.

قبل حوالي 6 سنوات طلعت من الحمراني عن طريق بنك الراجحي نيسان تيدا 2008 بحسب عملي ووظيفتي وراتبي وطريقة حياتي والله الحمد
هذا الي أقدر عليه والحمدالله رغم الشكاوى الكثيره الموجه لهذا الوكيل كان لي تجربه جيده نوعا" ما يعني في حاجات بس مو ذيك الزود
السيارة كبرت وهرمت وبدأت تطربنا بشوارع الرياض وتطلب قلنا نبيعها وبقيمتها ندفع دفعه أولى ونجدد العهد مع سيارة جديده

كان طلبي أشياء كثير متوفره بسيارة مدينة صغيره وبسعر معقول نكرفها كم سنه لين ربك يفرجها وطاح اختياري على
كيا (ريو هاتبشاك 2015 فل كامل) طبعا السياره شفتها بالشارع شوف ودورت بالنت عنها وشفت اعلاناتها الأوربيه وبسويلكم مقارنه
بينها وبين الريو هاتشباك حقت الجبر طبعا كلهم فل كامل..!!

1- بصمة (الجبر ما فيها)
2- تسخين مراتب (الجبر ما فيها)
3- كميرا وشاشه (الجبر ما فيها)
4- حساسات (الجبر ما فيها) تخيل..!!!!
5- مكينة 1.6 (الجبر 1.4) قل هذي يمكن تختلف من بلد لبلد.
6- دخول ذكي (الجبر ما فيها)
7- 6 ايراباقات (الجبر 2 فقط)
8- مراتب جلد (الجبر ما فيها)
9- مقود تلسكوبي مع تدفئه (الجبر ما فيها)
10- نظام مراقبة ضغط الكفرات (الجبر ما فيها)


بالعربي السياره فتحه وجنوط فقط مدري على ايش فل كامل وبكل هالامور رضيت فيها عاجبني شكلها ياخي قدمت عليها وسئلت البائع
عن الحساسات قال هذي اختياريه لو تبي تدفع ونركبها لك قلتله كم قال 1500 قلتله موافق المهم دفعت مبلغ يقارب نصف قيمة السياره
وكملت الباقي على سنتين بدون فوائد حسب عرضهم واخذو علي قيمة التأمين الشامل فقط قلت مو خساره هذا الكلام كان تقريبا 22 رمضان
يا طويلين العمر قبل أمس اخذتها بعد ذل دام أكثر من 6 ساعات وأنا استنا ولف ودوران الموظفين كلهم أجانب وسعوديين عشان سلموني
وطلعت بدون حساسات قال تروح تركب حساسات عند المحل الفلاني لوميكس أو شي زي كذا ماني متأكد رحت 

المهم يوم وصلتلهم قلتله بركب حساسات جاييكم طلب من الجبر كل بالي انها اصليه وعليها علامة كيا أو ما شابه ماركه معتمده أي شي أصلي
جابولي حساسات تدرون كلمة أبو كلب كثيره عليها شغل الغرابي أتوقع أصرف منها وخرق وافتح بالديكورات واستهبال على كيف كيفكم
سئلت المدير الي هناك انه المنتج الي ركبتوه أبو كلب وتلقاه بالغرابي ما يتعدا 200 ريال قال هذاك لو تركبه على السياره رح ينلغى الضمان
الي عندنا ما يلغي الضمان هيا خذلك كلمت الوكاله عن الموضوع قالولي الشاشه عندنا بـ 5000 وتلقاها برى بـ 1000 وهي نفسها يعني هذا شي عادي
يعني معنى كلامهم انه دق راسك بالجدار

الفائده من الهرجه الي فوق كلها ان يا شباب لازم ما نقبل ونوقع على شي ونرضى فيه غصبن عننا نسحب عليهم حتى لو نداوم على سيكل
ثقافة البيع والشراء نفقرها الوكالات لازم يعرفون انه في نت ونشوف سيارات برى كيف وسياراتهم كيف لازم نخش في عينهم

كيا شركة توب وقاعده تكتسح السوق بأشكال ومواصفات وأسعار حلوه واختياري كان موفق بس شسوي مافي غيره الجبر 

ما عـلينا السيارة ما شاء الله حلوه وممشاها حلو بس ما نقدر نحكم عليها حاليا تحت التدريب نوصلها 1000 وبعدين بكرفها على سرعات عاليه
وأحلى تقرير عن كل شي مساوئها قبل مميزاتها بس مبدئيا" الشكل مغرررررم فيه مدري ليش تهقون كيا مسويتلي عمل ههههههه

مشكورين لحسن استماعكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالنسبة للتركي انت مضحك 



up 5 down 5
ابـوبـندر 97
قبل 6 سنه و 8 شهر



وربي انت صادق يا ابراهيم بس ياخي بهايط على قدي شسوي مع اني البق أحسن من شومخر ولا عمري شريت سياره فيها حساسات هههههههههههههه
ومن قال اني رح ازعل اتقبل كل شي منك يا عسل


up 7 down 2
face.care 230
قبل 6 سنه و 8 شهر



خذ سياره باهلمواصفات- مكينه 4 سرندل هيمي ريو يانوراما الفئه الرياضيه
- قير 8 تغييرات + وضع الاسبورت مع وضعية الهدروليك الرياضيه ( نزول مستوى السياره اوتماتيكيا )
- دبل اوتومتيك يتحول حسب طبيعه الارض 
- سخان ومبرد للمراتب والطاره 
- مراتب جلد عليها شعار ساميت 
- لون الداخليه بني محروق 
- هدروليك 3 مستويات + البارك هدروليك تتحكم فيه براحتك 
- سقف بانوراما 
- جنوط نيكل مقاس 20 
- باب خلفي كهربا فتح واقفال 
- تحكم مكيف الراكب مستقل + امكانية دمج التحكم 
- مثبت سرعه + رادار للمثبت + تحكم كامل من الطارة + تغير النمر من الطاره ( فورميلا )
- حساس خلفي وامامي وفي الجوانب بعد 
- انوار امامية هالوجين عالي وواطي + كشافات ضباب امامية وخلفيه + عدسة متحركة مع الطارة يلف النور
- شاشة معلومات مع نظام ملاحة متحدث 
- 6 سيديهات مع نظام 12 سماعه 
- نظام دخول ذكي ( بصمة ) زر تشغيل بصمة 
كفرات بالون 


ألية النظام :




يأتي هذا النظام مكملا لنظام ACC ( الكروز كنترول ). بحيث ان سرعة المركبه تتناقص تدريجيا حسب سرعة السياره
اللتي امامك حتى في حالة ابطأ السرعه الى سرعة صفر. وإذا تحركت السياره اللتي امامك تبدأ سيارتك بالتسارع
دون الحاجه لضغط دواسة الوقود.




up 1 down 2
ابوآصف -74
قبل 6 سنه و 8 شهر



اخي انا شريت كيا موهافي ستاندرد ما فيها شي, وركبت عليها شاشة وكاميرا ومثبت سرعة وسويتها جلد, وكلها اشياء احسن من الوكالة بكثيير, بالنسبة للضمان سيبك منهم ضمان الكهرباء اصلن بس سنة!!!


up 2 down 0
rcarlos36 41
قبل 6 سنه و 8 شهر



اركب سيكل ولا اركب كيا والجبر النصاب 


up 3 down 3
فهد4950 2542
قبل 6 سنه و 8 شهر



ماعليش ياصاحب الموضوع.
المفروض من يوم حولوك على محل تجاري كنسلت تركيب الحساسات واسترجعت فلوسك افضل


up 3 down 0
iadnuyh 842
قبل 6 سنه و 8 شهر



صادق ^^^^ وفكرت فيها



up 1 down 1
face.care 230
قبل 6 سنه و 8 شهر



الله يعطيك خيرها ويكفيك شرها
, ماودي والله احسرك على اللي سويته .. واتفق مع الأخ اللي قال اول ماحولوك على المحل الفلاني المفروض تنكسل الموضوع كله وتشتكي ابو ابوهم ورجع لهم كل الإضافات خلهم يشبعون فيها ... وش قلة الحيا هذي يخلونك تركب في محل محدد وغيره ينلغي الضمان !؟ سلمااااااااااااااااات !! والله شيء يغبن


up 1 down 0
a.aljaaidi 88
قبل 6 سنه و 8 شهر



تصدق كان عندي واحد يبي يشتريها فل كامل 57 الف وقلت له فكر زين

الالنترا افضل لك او سنتيرا احس انها اجمل وافضل منها كما ان الوكيل ما خدم السيارة صح والا تلقها دبل المبيعات


up 1 down 0
amh2222 417
قبل 6 سنه و 8 شهر



والله السيارة يا صديقي للحين ما وصلت 1000 عشان أحكم عليها بس للحين أشوف انها افضل سيارة في فئتها بس خلنا نخلص تمرينها ونسكر عدادها ونحكم


up 0 down 0
face.care 230
قبل 6 سنه و 8 شهر