اكلت حفره وانكسرت الجنوط وش الحل ؟

مستشارك ابراهيم التركي في الشكاوي 

مااشاءالله عليه يطلع حقه من عين ابليس

محتاج شوريكم تكفون
http://montada.haraj.com.sa/43673/%D9%85%D8%B9%D8%B1%D9%88%D8%B6-%D8%B9%D9%84%D9%8A-gxr-%D8%A8%D8%B3-%D8%AC%D8%A7%D9%8A%D9%87-%D8%B5%D8%AF%D9%85%D9%87-%D9%85%D9%86-%D8%A7%D9%84%D8%A7%D9%85%D8%A7%D9%85-%D8%9F-%D9%88%D8%B4-%D8%B1%D8%A3%D9%8A%D9%83%D9%85-%D8%A7%D8%AE%D8%B0%D9%87/

جنوطك صينيه         

المستشار راقد 
راجعنا بكره 

معك تامين اتصل ع نجم 920000560 

اذا ماعندك تامين اتصل على المرور 993 

يعطونك تقرير بالحادث ويحطون خصمك البلديه 

حسبنا والله ونعم الوكيل .. اي شي ضد المواطن ينفذ بسرعة 
وحقه أياً كان ضايع !

أهلا وسهلا فيك يا الغالي " ابختصر لك سالفه شخص سار عليه مثلك "

كان فيه شخص بالرياض ماشي !! وكان ذيك الايام امطار , وما درا الا ودخل في حفره شنيعه جدا من النوع المحترم جدا

ولا شافها بسبب ان الشارع كله مويه والحفره مليانه مويه

نزل من السياره ولقي الجنط مطعوج والكفر مفقوع وقام يسب في البلديه وكلام مشفر ( طيط )

ومر واحد من جنبه فاتح الشباك وقال اتصل على 940 وان شاء الله تنسبط

ودق عليهم وقال لهم السالفه وفتحوا له بلاغ بأسمه وقالوا اتصل على 993 عشان تجيك دوريه ويشوفوا الاضرار ويكتبون ان الضرر من الحفره

ودق على المرور وجاته بعد ساعه كامري وسجل التقرير وقال راجع مرور الشرق وراح لهم واخذ منهم ان المتسبب بالضرر وجود حفره بنصف الشارع لم يتم ردمها بشكل جيد من قبل المقاول

وراح فيها لامانه الرياض " _ البلديه _ "

وقالوا راح نتصل فيك , وافعلا اتصلوا علي وقالوا تعال خذ تعوضيك وطلع شيك بقيمه 3100 ريال

وسولف مع الموظف وقال الموظف لو كل واحد يسوي مثلك حتى ولو تضرر بشكل بسيط او يرسل فاكس على حفر موجوده في الشارع

والله ان المقاول ليشتغل شغل ممتاز جدا ولا عاد بتشوف هالحفر , لان المقاول يشيل هم اتصالات البلديه عليه , لكن ربعنا يركب الحفره و اذا سار له شيء غير الاسبير وكمل طريقه وهذا غلط فياليت الكل يتصل على الامانه 940 و راح ياخذ حقه بإذن الله واللي شاف حفره او مشكله بشارع فلاني هذا ايميلهم ولازم ترسل الاسم ورقم جوالك والشارع والحي ووصف المشكلة

email : 940@alriyadh.gov.sa تحياتي لك عزيزي

يارجال الحمدالله على سلامتك واحمد ربك ماطاحت سيارتك كلها ب الحفره ترا عندنا حفرر لوو يدرون فيها الممثلين الاجانب يجون يسوون فيها افلام رعب المهم غير جنط سيارتك وخلها على ربك لو جلست تبي تطلع يقعدون كل واحد يحولك على الثاني وتطق لك سنة وانت تركض وراهم وخساير بانزين ركب جنط وقل ربي كريم واللحمدالله على كل حال

دق على ٩٤٠بس خلك عند الحفره ولا تسوي شي ف السياره وهم يعوضونك انشاء الله

ابو يزيد 
طيب ذا بالنسبه للرياض 
وباقي المدن الثانيه ؟

حسبي الله ونعم الوكيل .... 
الشوارع عندنا جدأ سيئة 
ولو رحت لأي دولة كانت فقيرة او غنية والله لتلاقي الشوارع عندهم مرتبة 

يارجال امس ماشي ف امان الله في جده واطيح انا والسياره من فوق سطح الارض ف حفره 
خرجت منها وانا اعض لساني ولحد الحين ماشيكت من تحت السياره وش صار عليها...!!!!