تم نقل الموضوع

والله إني أحسها أكشخ من الجديدة هههه
بسيطة ومافيها زحمة زي الجديدة مربعات ومستطيلات وعربي وإنجلش تحس إنك تشوف سبورة
حتى عندي لوحة مميزة بس الزحمة هي اللي افسدتها
أ أ أ 4446 
تخيل لو بدون الحروف الإنجليزية كيف تطلع !

اتوقع يجددونها و يحتفظون في النسخه هاذي لان بإمكانه اخذ نفس حروف و رقم اللوحه هاذي بنفس الشكل الجديد،،

يا لبيه اللوحات القديمة بدل السبورة الموجودة

اتوقع تقدر لكن لازم تكون ( واصل ) 

ماتوقع فيه دول فيها لغتين و شكلين بالارقام مثل عندنا غيرنا ومصر !!!!

قرار المرور يقول اللوحات القديمه المميزة مسموح لهم اما العاديات لازم يغيرها

ممنوعه ولكن فيه واحد في القصيم يستخرجها بمبلغ وقدره
وتنتظر شهرين طبعا اصليه 





و المميزه حاليا يطالبونك تسلم القديمه وتستلم الجديده
والاغلب مايغير اللوحه لانها دايركت تتحدث بالنظام 
وتصير بالشكل الجديد في السستم

اهني جيب المرسيدس ع التواضع مصور جنب كرسيدا . 

الجيب المرسيدس تبع يزيد الراجحي إذا تعرفونه 

قائد الراليات كل سياراته ق ل ق 999 

والله انا مثلك اشوف لوحات قديمه على سيارات جديده
مادري وش القصه
بالنسبه للي يقولون القديمه ولا الجديده ازين ورقم مميز ومن هالخربيط
اقوله ^الحمدلله على العقل ^
تراها لوحه اسمها لوحه يالوووح يعني لوحه مميزه على هايلوكس ماهي مخليتها بي ام
ولوحه عاديه على بي ام ماهي مخليتها هايلوكس

أنا عندي ونيت لوحاته لونها أزرق اشتريته وجددته ونقلت ملكيته ولا أحد قال لي غير اللوحات
وسافرت عليه ورحت وجيت وما فيه أحد كلمني قال ممنوع أو لا

لكن كيف تستخرج هاذي يبي لها واو

أخوي قبل 6 أشهر إشترى كامري 2003 ولوحاتها قديمه من واحد من الجماعه وطلع شريطي الله لايوفقه أخذها على كلامه أنها نظيفه

واللي خلاه يصدق أن ورقة الفحص جديده والإستماره جديده  والغريب بالأمر أن اللوحات القديمه فيها ماتغيرت 

من خلال أول يومين بدت تبين السياره مكروفه ومادخلت الفحص أبد 

اللي إستنتجته أنه مع الواسطه لاشي مستحيل تقدر تطلع ورقة فحص من دون فحص السياره وأتوقع اللوحات نفس الطريقه والله أعلم

طيب ما احد افادنا ياشباب
هل هي بفلوس ولا بـ وساطه تطلع ؟

*واسطه

اللي لوحته 999 قلق

قد شفته عند دانكن جنب بيتنا معه باقاني ما شاء الله

يزيد الراجحي 

طيب هل يصيدها ساهر ولا لا

يارجال انا اعرف واحد يطلعها خلال اسبوع لوحات ملكية فقط الشكل القديم ماهي مربعه او مستطليه

بس العيب إن سعره غالي شوي بالـ٥٠٠٠﷼ للوحتين

اتوقع انها كانت راكبه على سيارات موقفينها بالحوش لمدة
وبعدها فكها وركبها ع موتره وبانت كنها جديدة

او انه ما جددها وما زال مركبها 
او ماخذها واسظه ,,

والله قبل فتره شايف لك جيب لكزس 2014 

واللوحه قديمه 
وترا في خطاطين يسوون لك نفس اللوحه الشكل القديم بالظبط اظن ب500 ريال وتعلقها بدال اللوحه الجديده 

يارجال الواسطه  تصنع  المعجزات

اذ فعلا الردود صحيحه
هذا رقمي وانا ابي لوحه الي يقول اعرف واحد ب ٥٠٠٠
والي يقول ب اسبوع يطلعها
هذا رقمي وابي لوحه (ملكيه قديمه )
0502040169