لمبة الفرامل ـ لغز حادث تصادم مالحل؟

والله بحالة ذي مافي غير الله يعوض علينا.. والرجل اذا اقسم ان لمبات خلفية كانت شغلة ف عندك شغلتين اكيدتيين
اول وحدة خطأ منك وانت بتتكفل بتصليح 
تاني واحدة رجل كذب والله بيحاسبه والله يمهل ولايهمل

اقول له سيارتك لمبات البريك خربانه واذا انكر امري لله  
 

والله ما عنك وعن نسبة الخطأ عليك ١٠٠ ٪ ١٠٠ لو شوارعنا عليها كاميرات لمراقبة السير كان افتكينا من كلمة والله هو الغلطان

اولا فيه قانون من المرور يحدد مسافة الامان بين السيارات حسب السرعة..
اذا طبقته ماتحتاج لمبات فرامل ولا غيره.
بالنسبة للاثبات لايمكن ان تثبت الا بكاميرا..واعتقد حتى لو اثبتها راح تضل انت المتضرر الاكبر .
بالنهاية الصدم من الخلف ياكلها اللي صادم من ورا بكل الاحوال..
لان النسبة لن تتجاوز 50% لو كانت كل الظروف لصالحك طالما انت صادم من الخلف.
وانت اعدمت المكينة والرديتر ..اشياء حساسة ماراح تستفيد بينما اللي صدمته من الخلف سمكرة واصطبات وتعديل مايكلف.

قبل مايجي المرور وكل شئ اذا شفته
انكر دق ريوس واصدمه وحده محترمه 
علشان يعرف ان الله حق 
والعسكري اذا شاف الوصف مختلف حولها
لضابط وبتطول السالللللفه 
وهو اكيد ببيتحمل نسبه من الخطا ﻻنه وقوف فجأء
بدون تنبيه بلفشر واذا فيه اثر للفرامل بيبان متى وقفت
اذا جره الفرامل طويله فيعني اني منتبه اذا قصيره 
فهو لمباته خربانه
ﻻن مافيه احد بكامل قواه العقليه بيصدم عمد 
والله ﻻيحط احد بهذا الموقف

اقول له امسك فرامل قدام العسكري ويشوفها

↑↑ الأنوار من الحادث تكسرت 


أبوسعيد الأحمري ههههه أكثر رد أقنعني

من الحين ركب كاميرا dash cam وخله يجحد بس .. 

فيه كاميرا تركبها على القزاز الأمامي من برى ... وهي أقوى اثبات وتستخدم في الدول الغربية .. عشان يثبتون للتأمين ..

وشوف ذا الفيديو جحدوا راعي السيارة وقالوا ان الغلط عليه .. لكن خمهم بالكاميرا :)

http://www.youtube.com/watch?v=YRr975A07zE

طيب بقولكم حاجة ويمكن تستغربون من نظام المرور الفاشل وشركة نجم 


اول شي دامك صادمه من الخلف فهذا الخطا عليك مئة بالمئه سواء لمبته شغاله او طافيه 


ثانيا في حالة انه اعترف بان لمبته الفرامل خربانه يظل الخطا عليك ميك بالمية ويعطى قسيمة عدم وجود اضاءة خلفيه 


^ هذا نظامهم والله لايورينا ولا انتم مكروه

وعليك السلام والرحمة :) صباح الخيرات :)
عليها مخالفة إذن ؟؟!!
انا قد شفت دورية مرور ما فيها لمبة فرامل وحدة.
ذكرتني بحركة مشابهة صارت معي بس الحمد لله إني بعيد شوي عن اللي أمامي وأمداني أربط الفرامل كلها وتزحف السيارة يمين ويسار بس الحمد لله وقفت بسلام.
كان فيه حادث ودوريات أمن طرق واللي قدامي موتر كبير رفيع (فورد اكسبدشن) ما دريت إلا ويقرب مني بطريقة سريعة جداً وبدون أي أنوار فرامل ولا غير فرامل.
يوم وصلت للحادث والدوريات وقفوني قالوا وش عندك تفحط ؟!؟! قلت لا والله اللي قدامي فرمل بوجهي ونور الفرامل عنده عطلان.

في حالتك مالك إلا ترضى بالواقع اللي هو عليك الغلط 100%.
أصلاً حتى لو قلت لراعي السيارة اللي قدامك إن أنواره ما تشتغل تعتقد عنده خبر عنها من قبل ؟!؟! طبعاً لا.
للأسف سيارات كثيرة وجديدة لحد الآن ما فيها تنبيه لهالشي، مو مثل الكرسيدا فيها تنبيه من عمر الدنيا.

ركب كمره اماميه دليل واضح ع ان اللي قدامك اسطباته ماتشتغل