أضف سؤال أو موضوع جديد          

بعد تجربتي للجيل الجديد من الرام 1500 تغيرت نظرتي للبيك اب

up 7 down 2
naac 2 2722
قبل 7 سنه و 3 شهر



السلام عليكم ورحمة الله وبركاته 

https://www.youtube.com/watch?v=ReMOZ3qeXP4&list=UU-U3dgniGUZ9rdFondiYz8g

قبل يومين احتجت ونيت واخذت رام تبع واحد من الشباب لمدة ساعتين
صراحة ما توقعت الرام بيكون بنفس الجودة والراحة والقوة الي شفتها فيه ذاك اليوم 

ماشاء الله تبارك الله

عزم خيالي + مريح تحس انك راكب سيدان بدون مبالغة
جودة الاكسسوارات واضحه وفيها نفس اوروبي

فدخل راسي صراحة خصوصا ان الشكل هذا (2010+) اختلف اختلاف كلي عن الموديلات السابقة
صار يايات خلفية مدبله + مكينة هيمي بالتطويرات الجديدة عجيبه 390 حصان
بصمة فيات واضحة في التصميم الداخلي للسيارة 

طبعا عشقي ورغبتي تحدني للفورد F150 وحصلت واحد ناوي عليه لكن وقفت بعد تجربتي للرام
والفورد عارفه وحافظه حفظ وموتر مايحتاج شهادة احد

وشفت مقطع عن نظام التعليق الخلفي الجديد للرام ابداع بمعنى الكلمة 

طبعا تخطيطي على ونيت دفع خلفي بدون دبل وصندوق طويل للشغل

اخذت جوله على مواقع المقارنات والتقارير واخذت معلومات عنه

بعد ما دخل الرام في دائرة الاهتمام بحثت عنه ولقيت واحد بنفس متطلباتي في الامارات
وقارنته مع الي كنت ناوي عليه الـ F150

مقارنة سريعة 
F150 2011
مكينته 5.0 لتر 360 حصان 
غماره
صندوق 8 قدم
XL درايش ومرايات كهرب 

Ram1500 2012
هيمي 5.7 390 حصان
غماره
صندوق 8 قدم
فئة tradesman
ريموت ذكي + نظام u-connect + تحكم بفرامل المقطورة + كرومات خارجية (الشبك والصدامات)
قير تربتونك + كاميرا للهوك الخلفي والمقطورة
الممشى تقريبا 133 ألف مايل

استخدمت الفورد الشكل القديم لمدة سنة كاملة وبيضها معي ولكني احتجت لصندوق أطول
ودفع خلفي اخف للموتر في المشي والقومة

والرام اخذته مشوار لساعتين وشلت عليه معدات خفيفة واغراض وتفاجأت من امكانياته 

معي حاليا موتر صغير ولكن ابي ونيت اضافي
وصراحة الرام الجديد فعلا غيّر قناعاتي في هذي الفئة 

زميل لي في الدوام معه رام 2500 موديل 2008 
ماشي معه لكنه

قاسي + ديكوراته تصرصر والمروحة صلحها مرتين وبعدين غيرها !!

لكن الجيل الجديد واضح انه افضل من السابق 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لاتنسى وفكر وفكر. ان وكيل دوج المتحده.   يعني اسوء وكيل فسعوديه. درجه اولى.  ولا الموتر ماعليه كلام.   بس الوكيل.  الوكيل ولا المدير. هههههههه. امزح. وكيلها. اسوء وكيل


up 7 down 0
مراجل 194
قبل 7 سنه و 3 شهر



لو كنت مفكر في الوكيل مافكرت فيه اصلا
معروف المتحده سيئين في كل شي 

لكن من الاخر الموتر ذا دخل رااااسي 


up 2 down 0
naac 2 2722
قبل 7 سنه و 3 شهر



سؤال خارج عن الموضوع لكن في نفس الموضوع

بحكم خبرتك فهالوانتيات الكبيره

فوش رايك فال F150    FX4    غمارتين
عليه مكينة رابتر 6.2  

اذا واحد يفكر يشتري اوف وعنده 200 الف
هل ترشح له هذا النوع من البيك اب


بخصوص الرام دوج معروف قوته وهيمنته لكن اذا ماهمك الوكيل فماعندك مشكله خذ


اكيد أنصح بالـ FX4 
لكن وش طبيعة استخدام الشخص الي بيشتريه ؟؟

بس مادام الامر وصل للـ 200 الف الرابتر مب بعيد حتى لو مستعمل 

الـ FX4 رياضي اكثر 
الرابتر اوف رود أكثر

اذا استخدام عادي اقول يوفر على نفسه وياخذ XLT 5.0
ممتاز كاستخدام يومي
وفي البر جيد جداً
وسعره ارخص 

وفي الاطار العام سيارة وحده (سواء FX4 ولا XLT)


up 0 down 0
naac 2 2722
قبل 7 سنه و 3 شهر



لاهو يبغى سياره تمشي في كل مكان
خطوط سفريات تكون مريحه 
الطرق الوعره مايرده شي وحش

لان اللاندكروزر 8   5.7 سلندر جديد قيمته فوق ال 200

ال اف 150 اعتقد فحدود 170 واقوا من اللاند

واذا شريت موترك لاتنسى تنزل موضوع عنه وتجربتك له بالصور


up 2 down 0
شويخ من أرض مكناس 2823
قبل 7 سنه و 3 شهر



اللي رادني عن الرام الوكيل ولا قسم بالله موووووتر وحش وحش وحش من جميع النواحي ما يعيبه شي

وحاليآ انتظر نزول فورد f-150 الشكل الجديد 2015 ، بعد ما تم اختباره لمده مليون ميل ! دخل راسي بصراحة


up 0 down 0
منصور الدوسري gtr 182
قبل 7 سنه و 3 شهر



الموتر طيب ولا علية كلام بس احياناُ مثل ما قالو الأخوان الوكيل وتعاملة الغير جيد

يجبرك تصرف النظر عنها وتشوف اقرب سيارة بديلة وكيلها افضل

والخيارات كثيرة





up 0 down 0
ms any 542
قبل 7 سنه و 3 شهر



أؤيدك بشدة...بالرغم معي شفرولية سلفرادو لكن بمعرفتي بالفورد والدودج البيك ابس صراحتاً فرق شاسع جداً بالتطور بالتقنية والفخامة والشكل...و أفضل الفورد على الدودج رام.... ولو لا غلاء الفورد بيك اب والا كان شريته يكفي شهرته بالدفرنس الجبار...الفورد والدودج تقنيات متقدمة بكثير...والشفرولية والجمس مازال صاجه متحركه....


up 2 down 1
armycomrade 23
قبل 7 سنه و 3 شهر



الموتر ما عليها كلام ممتاز وجبار لكن المشكله في الوكيل المتحده هنا مربط الفرس


up 0 down 1
mosfer alyami 774
قبل 7 سنه و 3 شهر



كان معي رام غمارتين دبل 2007  قسم بالله ان فيه قوة غير طبيعية 8 سلندر 16 بوجي واريح من السييرا لكن مابهدلني وكرهني بالرام الا وكالته السيئة جدا جدا والله انها وكالة قلة الحيا واذا استمرو على توجههم السيئ ماراح احد ياخذ من الدوج لكنهم والله ماهم كفو يصيرون وكيل لشركة قوية مثل الدوج حسبي الله ونعم الوكيل على اللي غثو الشعب ووالله لو يظبط وضع الوكالة اني لاأطق رام جديد 
لكن اذا ماتغير الوضع نصيحتي للشباب ابتعدو عن الرام  والبدائل كثير ياعزيزي 


up 0 down 1
ال اس x 264
قبل 7 سنه و 3 شهر



9الرااام كا عليه كلااام 
ومعروووف الدوج بالمكاين ( مكاينهم مجنووونه ) 
 
للمعلوميه المقطع الي حطيته هذا اعلى فئه بالرام اسمه لارمي
مواصفاته 
وهذه الي الميزه تجي مع الهدروليك 
وهو النوع الوحيد بالرام فيه هدروليك 


up 0 down 0
ابو محمد التركي 657
قبل 7 سنه و 3 شهر